رتبها

#ثريد لـ الشاعر #فالح_الغنامي (( المهندس )) :
@falehgnnami
- خير الكلام م قل ودل ، أبو نقا من نخبة النخبه فِـ ساحة المحاوره وهو أستاذ في #الفتل_والنقض وتركيبة البيت إذا قاله تكون فريده من نوعها …
👇🏼👇🏼👇🏼👇🏼👇🏼

يقول #زامل_السبيعي :
@aburama334
يا قوم! الشاعر اللي ذا السنه م هو بـ مثل العام
تطور مير كلـ(ن) قام يمسح رقم جواله
-
رد #فالح_الغنامي :
@falehgnnami
أنا همي قصيد(ن) تسمعه م همني الأرقام
أجي فـ الملعبه وأطلق شنب مشروب فنجاله .

يقول #فلاح_القرقاح :
يـ فالح الغنامي أنت مهندس بيوت القصيد
و أول شهودك عمك القرقاح رضي الله عنه
-
رد #فالح_الغنامي :
انا مهندس فـ القصايد و أول شهودي رشيد
وفلاح شاعر و الشهاده م ندورها منه .

يقول #مرهب_البقمي :
@MURHIB_ALBAQAMI
أنا بقمي(ن) فزعته جابت لك المجد الكبير
قدام لا تخلق غنانيم و عوازم و نفعّه
-
رد #فالح_الغنامي :
@falehgnnami
أنت بقمي(ن) تكسي الشيران لَـ جاك النذير
نسيت يوم العود عاري والهنوف مفرعه .

يقول #إبراهيم_الشيخي :
@alshakhee
ماشاء الله يـ العتيبي م تسمم لو شربت السّم
وغيرك لو يشوف السّم يمكن يفقد شعوره
-
رد #فالح_الغنامي :
@falehgnnami
تراني معتبرها مدح ماني معتبرها ذم
م مات الداب من سمّه وسمّه وسط حنجوره .

يقول #فواز_العزيزي :
@fawaz_alazizi
ليا ناديت يَـ جار السعد قاموا لك الشجعان
علومك من ثقه ولا الثقه فـ النفس معدومه
-
رد #فالح_الغنامي :
@falehgnnami
لاتفزع مع شجيعـ(ن) لو خذى البل يعتق الرعيان
م يذبح راعي البل لجل م يستفزع بـ قومه .

يقول #فواز_العزيزي :
@fawaz_alazizi
صاحبي فالح عسى الأوضاع عنده مستقره
لي مده كل م دورت فالح م لقيته ؟
-
رد #فالح_الغنامي :
@falehgnnami
كان مريت الجبل حصلت لك لـ الذيب جره
السهل مبطي يـ فواز العزيزي م وطيته .

أحد تسليمات #فالح_الغنامي :
@falehgnnami
سلام الله سلامـ(ن) م يخص من الرجال رجال
يعم وفيه لمحة شعر مدري ويش طراها
يـ صباب القهاوي يختلف فنجال عن فنجال
انا محب شرب الدله اللي زايد(ن) ماها .

يقول #معتق_العياضي :
@motakk77
نصحتك لا تحلّق لحيتك لو بان فيها الشيب
ولكنك عتيبي(ن) محلّقها محلّقها
-
رد #فالح_الغنامي :
@falehgnnami
نشيب من الظروف القاسيه والشيب م هو عيب
يـ شين اللي يسوّد لحيته م أدري يزرّقها .

يقول #كامل_الحليلي :
@kaml0555570
يـ فالح وراك تحيّمر العين فِـ خُوياك
ترى الشمس سد الغيم والأرض نجديّه
-
رد #فالح_الغنامي :
@falehgnnami
عيون الرجال أحراب والضعف لـ أشكالك
سلامي على الكفو وعلى عينه الحيّه .

يقول #إبراهيم_الشيخي :
@alshakhee
أنا لو قلت طيحي يـ سما م قالت إلا تم
وفالح من محلّه في محلّه تقل نافوره
-
رد #فالح_الغنامي :
@falehgnnami
تقوله وانت حرفـ(ن) يختلف فِـ رفع ولا ضم
لـ سموك ألف ممدوده قريناك ألف مقصوره

يقول #عبدالله_بن_عتقان :
@aa_b2014
سرى الليل وأنته يـ العطاوي على مركاك
ولا عندك إلا السبحه إللي تلاعب بها
-
رد #فالح_الغنامي :
@falehgnnami
سلامي عليك وهاك يمناي فِـ يمناك
يمين الشحم م تنقصر دون واجبها .

يقول #مرهب_البقمي :
@MURHIB_ALBAQAMI
أحيان في صوتك حزن مثل حزن بندر عوير
وأحيان مثل أحلام في الحفله تلعلع لعلعه
-
رد #فالح_الغنامي :
@falehgnnami
ماني بـ مثل أحلام أنا عمك ليّا قر القرير
يـ ابو الردى والله م يستر وجهك إلا برقعه .

يقول #حبيب_العازمي :
@habib6151
تحزّم بـ السواري والمحدش يـ ولد غنام
ليا شفت الغنايم لا تفوتك وأنت غنّامي
-
رد #فالح_الغنامي :
@falehgnnami
على م يسّر الله يـ حبيب والوعد قدام
وأنا ليش أتحزم بـ السواري وأنت قدامي .

يقول #صقر_سليم :
@sagersleem11
الملعبه معركه والشعر يشبه لـ شقر الماس
والجيش صفين والشعار فرسان المواجه
-
رد #فالح_الغنامي :
@falehgnnami
الملعبه كيف بن وهيل م هو كيف فِـ كاس
كيف العرب يختلف فـ الطعم عن كيف الخواجه .

يقول #معتق_العياضي :
@motakk77
"إهتزت الأرض وظهر فالح نقا عقب الغياب
سبحان رب(ن) حط لـ الزلزال خير ومنفعه
-
رد #فالح_الغنامي :
@falehgnnami
إن غبت عنكم م ستركُم لا بشوت ولا ثياب
وإن جيت غنو من طربكم والأمور مسنعه .

يقول #كامل_الحليلي :
@kaml0555570
لاتعترض للـ حذف ثم تقول أنا روقي بطل
تراك من م جاك يـ رجال جرحك م برى
-
رد #فالح_الغنامي :
@falehgnnami
أنتم خناذف م تعيش إلا تحت شيخة شمل
وحنى قبايل روق م نداني مشايخ وأومرا .

يقول شاعر من تويتر :
فالح سرق بشته حرامي(ن) يبي ينصب علاه
واللي سرق فالح عداه اللوم لو تقطع يده
-
رد #فالح_الغنامي :
@falehgnnami
لا تحسب إن بشوتنا مالـ(ن) تسيّبه الرعاه
والشيخ منا لا توفى ورّث البشت ولده .

يقول #سلطان_الهاجري :
@sultanbnwassam
الفعل لـ ذياب مير المدح كله بـ إسم أبو زيد
هـ وين حكم العداله يـ مدوّرة العداله
-
رد #فالح_الغنامي :
@falehgnnami
م رد نوح النبي عن شغلته ضحك المقاريد
سوى السفينه قبل نوْ الغضب يمطر خياله .

يقول #صقر_سليم :
@sagersleem11
ياللي غزيتو معركتكم خلصت ولا بعد
فيها مصامخ روس ولا بس عجه و غبره ؟
-
رد #فالح_الغنامي :
@falehgnnami
الحرب مع ذريه آدم مستمره للـ أبد
والأرض م ضاقت بـ أهلها زال فيها مقبره .

يقول #محمد_عبيد_الربيقي :
@Mohamad5220
الضعيف اللي يحط الذيب نابه فِـ وريده
والفهيم اللي تبين الشمس صاحي م يباتي
-
#فالح_الغنامي :
@falehgnnami
الضعيف اللي يجي ويروح والهرجه تكيده
يـ محمد ودي أوصيك وأنت إحفظ وصاتي .

#حمود_السمي :
@hmood_alsmi
يضيق بك النطاق الرحب من تفكيرك المذهل
وخلق الله تشوف الأرض طول وعرض ممتده
-
رد #فالح_الغنامي :
@falehgnnami
ليا ضاق النطاق صدورنا للـ مرجله مدهل
تراب الأرض يزهر كل م ناطى على خده .

يقول #مرهب_البقمي :
@MURHIB_ALBAQAMI
فالح ضعف شوفه بعد م وصل سن الـ ٤٠ !!
الله يعينه فـ العيون اللي تردّى شوفها
-
رد #فالح_الغنامي :
@falehgnnami
م هو ردى فالشوف لكن نوب أشوف بنص عين
تبغاني أشوفك بـ عيني خلّها بـ ظروفها .

يقول #إبراهيم_الشيخي :
@alshakhee
الزراعه فـ الخلا يـ أبو زياد أكبر غبينه
ودي إنك من زمان العام وقفت السواقي
-
ًيقول #فالح_الغنامي :
@falehgnnami
أزرع المعروف فـ الطيّب وينبت فـِ جبينه
إن حصل منه الجزى ولا الجزى يوم التلاقي

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد