أرتجالة خفيفة كدا
و لسه القلب بيحاول ميجرحش
ولسه بيسرق الضحكة من عين الهوا
و لو مرة اتحط ف مقارنة ميكسبش
و لسه الغنوة الحلوة لأمراضه دوا
لسه بيعافر في الغُلب صايبة الأمل
و هو اللي يخاف ع الحجارة يكسرها
قلبي اللي في الطهارة كطفل الحَمَل
بيحارب في حكاية لو كسبها يخسرها

لسه حتى بينطفي مع كل حد يموت
لسه مسكِّن السَهارى ف قلبه بيوت
و إن مرة أنّ و إحتاج صديق يحنّ
ميردش صوته من الصدى إلا السكوت
كل اللي حلمت بيه يا قلب الورد
إن السلام و الرقة تملى الأرض
و متمدش إيدك لقلوب صايبها العفن
تفضل كدا بطولك مش وحشك حد

سَلم يا قلبي و أنصف غُربتك
و أكسر إزاز برواز حدة رقتك
و أدِّي أجمل ما فيك من غير عشم
تلقى البال اتوزن و أنتظمت دقتك
ناجي