أكثر من شخص سألني عن كيف أتقنت اللغة الإنجليزية وخاصة في العلوم الإدارية، لذا بذكر لكم تجربتي الشخصية لعلها تكون مفيدة لبعض منكم 😀 #سرد
أولاً من صغري كان عندي فضول كبير لمن أشوف ناس تتكلم بلغة غريبة عارفين فضول الأطفال كيف، حتى كنا مرة في زيارة لمدينة سياحية مع الأهل وعمري سبع سنوات وشفنا سائحين يتكلمون باللغة الإنجليزية، وكنت أعرف جملة وحدة بس هي Do You speak English?
وبالفعل تجرأت وسألت بأعلى صوتي فنظرو لي وضحكوا وقالوا Yes we do and you؟ طبعاً أنا من الخرعة هربت
الفضول أعتقد هو أهم دافع للتعلم. تسلح بالفضول
الفضول أعتقد هو أهم دافع للتعلم. تسلح بالفضول
ثانياً في بداية الإعدادية أخواني اللي أكبر مني كانوا يسمعون أغاني إنجليزية وطبعاً اشتغل الفضول عندي واكتشفت أنه فيه محل عندنا يبيع الكاسيت مع كلمات الأغاني ورحت طبعاً واشتريت كم واحد وبديت أسمع وأتابع الكلام وكان قمة الإندهاش لأن اللي كنا نتعلمه في المدرسة كثير منه خاطئ تماماً
من ناحية اللفظ والقراءة. كنت أختار بعناية الأغاني الهادية اللي أقدر أفهم كلماتها وخصوصاً اللي يسمونها الريفية Country واللي كانت معظمها عبارة عن قصص من بيئتهم وهذا كان يرضي فضولي أكثر أما أغاني الضجة والصجة فما قربتها لأني ما قدرت أفهم ولا أستسيغ أي شي فيها
ثالثاً في الجامعة كانت معظم الكتب العربية معنا ترجمة سيئة، ولذا تجاهلتها تماماً ورحت للكتب الإنجليزية الأصل وخصوصاً أن أسلوبها كان أسهل فكنت أفهم من الكتاب الإنجليزي أكثر من العربي وتعودت على قراءتها بسهولة وبعدين تطور الأمر وصرت أقدم خدمات ترجمة مدفوعة لزملائي وسويت بزنس صغير😎
رابعاً سافرت بعد التخرج واشتغلت في شركات فيها أجانب وهنا كانت الفرصة إني أمارس بكل قوة اللي تعلمته وخصوصاً في الاجتماعات. في البداية كان في نوع من الرهبة وبعدين صار الأمر عادي جداً لدرجة في كثير من المواقف تخطر على بالي المفردة الإنجليزية قبل العربية
خامساً كنت مرة متحمس لتطوير ذاتي فأقراً كثير جداً وخصوصاً في مجالي وهذا الشي كمان عزز كثير ذخيرتي اللغوية وكثير من الأحيان أحرص أني أتابع بودكاست أو مقاطع غير مترجمة علشان لا أنسى أو تضعف لغتي
وبس...
وبس...
جاري تحميل الاقتراحات...