ثريد لي اي زول داير يسافر برا السودان عن طريق اريتريا :
١- قبل ما تركب التكسي من كسلا لازم تحول قروشك لي نكفة من كسلا زاتا لانها غالية قدام في كسلا بتلقى النكفة عاملة بين ٤٠.٥ لغايت ٤٣ بي الكتير بعد دا على حسب ارتفاع العملة و نقصانها
٢/١- بتركب تكسي من كسلا لي الحدود بي ٢٠-٢٥الف
١- قبل ما تركب التكسي من كسلا لازم تحول قروشك لي نكفة من كسلا زاتا لانها غالية قدام في كسلا بتلقى النكفة عاملة بين ٤٠.٥ لغايت ٤٣ بي الكتير بعد دا على حسب ارتفاع العملة و نقصانها
٢/١- بتركب تكسي من كسلا لي الحدود بي ٢٠-٢٥الف
٢/٢- ختو زي ٥ الف للشخص عشان تدوها لي العساكر الفي المعبر و ما تدوهم اكتر من كدا و ما تخلو بتاع التكسي ينزلكم لي بتاعين الكارو حتى لو اتمسك معاكم خلوهو ينزلكم المعبر
٣- بتصلو الجوازات الاريترية و لازم لازم لازم يكون عندك صورة ورقة لي الفيزا بتاعت الدولة الماشي ليها في التلفون لا
٣- بتصلو الجوازات الاريترية و لازم لازم لازم يكون عندك صورة ورقة لي الفيزا بتاعت الدولة الماشي ليها في التلفون لا
٤- الختم و الفيزا لي اريتريا و اي حاجة مجاناااا بس لمن يجو دايرين يرفعو الشنط في البص حيقولو ليك الشنطة بي ١٠-٢٠ نكفة
٥- البص بحد زاتو مجاني بيوصلك من الحدود لي تسني و بيقيف بيكم في الشارع و يديكم وجبة و يشربكم شاي و موية كلو مجانا
٦- لمن توصل تسني لازم تنزل في فندق اول حاجة
٥- البص بحد زاتو مجاني بيوصلك من الحدود لي تسني و بيقيف بيكم في الشارع و يديكم وجبة و يشربكم شاي و موية كلو مجانا
٦- لمن توصل تسني لازم تنزل في فندق اول حاجة
٦/٢- الفنادق هناك لو انت شاب براك انزل في لوكندة بي ٥٠ نكفة اليوم ولو اسرة اجرو غرف الواحدة بتقع معاكم بي ٢٠٠ نكفة تقريبا بتشيل شخصين او تلاتة بي الكتير بعد ما تسجل في الفندق لازم تمشي القسم تسجل اسمك هناك عشان تأمن لي حاجاتك حتى دا إجراء مجاني
٧- بي النسبة لي البص لي أسمرة لو وصلت تسني بدري تمشي الساعة ٣ ضهر تحجز تذاكرك و لازم تكون معاك الورقة البيدوك ليها في المعبر و شيل معاك جوازك و جوازات الناس الحتجز ليهم معاك التذكرة بي ١٠٠ نكفة للفرد و ما تسمعو كلام الناس البيقولو ليكم سافرو بي بوكسي ول غيرو كلهم بيوصلو مع بعض .
٨- لو وصلت متأخر احرص انك تصحى الساعة ٣ صباحا و تمشي شباك التذاكر تقطع تذكرة لي بص الساعة ٤ صباحًا الاولوية دائما للاجانب و حتى بيعملو ليكم صف براكم و ان شاء الله بتاخدو تذاكر كلكم و نفس السعر ١٠٠ نكفة برضو و كل البصات بتمرق في نفس الوقت كان حجزت بدري ول حجزت متأخر
٩- الطريق لي اسمرا طويل لكن زابط شديد و كلو مناظر حلوة + الجو هناك سمح شديد ولو لقيت طريقة شيل معاك حاجة تقيلة لانو هناك الجو بارد شويتين
١٠-اول ما توصل اسمرا لازم تمشي تشوف ليك فندق لانو في ازمة في الفنادق هناك و ان شاء الله تلقو ليكم حاجة كويسة في فندق جمب الموقف بتاع البصات اسمو نواعم دا كويس و نضيف و سعر السرير ١٠٠ نكفة
١١- الاكل في اسمرا ما غالي يعني ممكن ٨٠ نكفة تأكلك فطور و غدا و احتمال يفضل منها باقي
١١- الاكل في اسمرا ما غالي يعني ممكن ٨٠ نكفة تأكلك فطور و غدا و احتمال يفضل منها باقي
١٢- بي النسبة لي الناس المسافرين السعودية حتمشو وكالة اسمها الوادي في شارع الحرية بتكمل ليك باقي الاجرائات بتاعتك ممكن تاخد منك زمن على الاقل ٧ لي ١٠ ايام فياريت الناس تجهز قروشها عشان ما تتقطع
١٣- اذا قررت تفك دولار او عملة هناك لازم تمشي الصرافة عشان ما تتعرض لي المسائلة
١٣- اذا قررت تفك دولار او عملة هناك لازم تمشي الصرافة عشان ما تتعرض لي المسائلة
١٤- الانترنت في اسمرا مافي الا في الكافيهات الخاصة بي الانترنت الساعة بتكون بي ١٥ نكفة و الشبكة ما رهيبة بيشتغل ليك واتساب بس في الاغلب و لو تلفونك ايفون احتمال كبير ما يجر ليك نت اساسا + الشرائح ماف منها فايدة هناك مكالمات عادية بس
جاري تحميل الاقتراحات...