صاحبتي اتنصب عليها في ١٣٠ ألف جنيه في انك تحول مبلغ ويرجعلك أزيَد ٣٠٪ ده. صاحبتي دي متعلمة ومثقفة لكن النصباية محكمة وبيطمّعوك ويرجعولك مبالغ تجيب رجلك لحد ما بنت عندها ٢٣ سنة مرتبها ٥ الاف جنيه استلفت ١٣٠ الف جنيه من طوب الأرض وهيجيلها سكتة قلبية دلوقتي ومش عارف اساعدها ازاي..
ريتويت رجاءً وأي حد عنده فكرة عن الموضوع ده يقول، هل في أمل جرايم الانترنت ترجع الفلوس؟ ولا البنت اللي فقدت والدينها الاتنين وبتصرف على نفسها دي وكانت واعدة الناس اللي مستلفة منهم دول ان فلوسهم هترجع بكرة الضهر هتعيش الخمس سنين الجايين من حياتها في جمعيات وديون؟
حد يعرف حاجة؟!
حد يعرف حاجة؟!
انا عارف ان ناس كتير هتستغبى البنت، ويمكن هي غبية فعلًا، لكن الناس دول نصابين محترفين. حول ١٠٠٠ جنيه ويرجعولك ١٥٠٠ جنيه. بتعمل كده وفعلًا الفلوس تزيد. Level one خلص كده ادخل على level two وحول ٥٠٠٠ جنيه ويرجعولك ٨٠٠٠ جنيه. وبيرجعولك فعلًا. ليڤل ٣ بقى يتطلب منك ٢٠ الف، فا تستلف.
ما الفلوس بتزيد بشكل مهول، حد يكره؟ بعدين يقولك multi-staged phase وال٢٠ الف دول عشان يرجعوا حول عليهم ٦٠ الف، وهنرجعلك ١٠٠ الف جنيه. وتستلف اكتر لحد ما تبقى واخد من كل اللي تعرفه فلوس، وسلاموا عليكوا كده.
انا حقيقي خايف يحصلها حاجة ولا تتشل ولا تعمل في نفسها حاجة.
انا حزين.
انا حقيقي خايف يحصلها حاجة ولا تتشل ولا تعمل في نفسها حاجة.
انا حزين.
القصص دي قريت عنها كتير بس عمري ما تخيلت تحصل لحد اعرفه، أنا حاسس اني بحلَم والله. جماعة ابعتوا لاخواتكوا وأهاليكوا وأي حد يعز عليكوا نبهوهم. مفيش فلوس بتيجي بالساهل، مفيش فلوس بتيجي من الهوا، بدل ما تلاقي نفسك في ورطة وبتفكر ازاي تموّت نفسك عشان تخرج منها!
انتبهوا يا بشَر.
شكرًا للصديق @abdallah_yossri على التفاصيل من جوا الموقف المُشابه ولنفس النصباية.
شكرًا للصديق @abdallah_yossri على التفاصيل من جوا الموقف المُشابه ولنفس النصباية.
جاري تحميل الاقتراحات...