بقيت كنتفرج شوية فقناة أجنبية، ففاصل ما بين الشوطين ولاو كيبينو إشهارات بحال أي قناة ربحية، والملاحظ أن الإعلانات الأجنبية تطورات بطريقة مبهرة بزاف وكتخليك دشري المنتج بطريقة رائعة، الإعلانات عندهم تخطات فكرة تقديم المنتج على أنه الخيار الأفضل أو المبالغة فمدحو... 1

بل ولات كدعتمد على بنية إخراج أكثر تعقيدا وكدستهدف اللاوعي العميق ديالك:
- سيناريو متخيل لواقعة غريبة أو غير مألوفة لشد الانتباه.
- جودة صورة وإبداع مقودة لتحسيسك بالراحة البصرية وشد انتباهك أكثر.
- تقديم المنتج فصورة جميلة ومرور سريع على التعريف بيه.
... 2

هاد التقنيات فااحقيقة كافية لبزاف ديال الأسباب:
-اصطياد انتباهك الثمين لوقت قصير بطريقة فعالة.
- اختصار فعرض المنتج والاكتفاء بصورتو الكلية وعرض شخصيتو عوض تضييع الوقت فالشرح الكلاسيكي.
- الخروج من الستايل الممل ديال الإعلانات ولي دماغنا ولف عليه ومبقاش يتيق بيه.
...3

-اللعب على الصورة العامة للإقناع بدل فعل ذلك عبر الكثير من الهراء والضجيج الشي لي كيريح الدماغ وكيخليه يستسلم للمعلومة.
- وضع المستهلك فوضعية الاستهلاك والتجريب بكيفية سلسة، مبتكرة وافتراضية من خلال داك السيناريو الغريب لي الدماغ مغيقدرش يحكم عليه بمعايير واقعية...4

صراحة نتمناو حتى حنا نوصلو لهاد النيفو فالإعلانات وخا عارف ان حتى بنية المستهلكين ديالنا مازالا بدائية بكثرة الطابوهات وإطلاق الأحكام والتأويلات لأي حاجة خارجة على إطار المألوف. أيضا الذكاء العام المتدني لي غيخلي أساليب بحال هادي صعب انها دوصل للفئة المستهدفة.