كنت بعمل مع الفنان التشكيلي وليد عبيد، فسألته إيه اللوحات اللي رسمتها لها حكاية غريبة؟..قالي: "مرة عملت إعلان موديل على صفحتي عشان أرسم موضوع معين، فتقدم بنات كتير، فاخترت أقربهم للملامح المصرية، فحكتلي إنها تسجنت 6 أشهر في قضية آداب"(1)
فقالي، سألتها السؤال البايخ؟، ليه اشتغلي كده؟، قالتله: أنا معايا شهادة متوسطة، وجربت اشتغل سكرتيرة وعانت من التحرش وكل اللي خلاني أشوف إنها آداب بس بشكل تاني، فقررت اشتغل آداب بشكل مباشر، فسألها طب عاوز إيه من الحياة أصلا؟، قالتله: هقولك بس تحكم بالعدل؟(2)
قالتله: "أنا عاوز راجل بس حط 30 خط تحت كلمة راجل، أي شكل، تخين رفيع أصلع بكرش، المهم احس إنه راجل، ونخلف عيال شبهه مش مهم شبهي، ويكون عندنا عربية إن شالله تكون متكسرة،وناخد كيس الأكل ونخرج بالعيال ونرجع لبيت أي كان شكله، المهم 4 حيطان، هل ده كتير ياأستاذ؟"
المهم بعد ما عرضها (اللي هي ف أول الثريد دي)، ناس هاجمته "هو ده اللي علمهولك في فنون جميلة، ترسم بنات كده؟، بنات شرفاء ليل إيه دول؟"، وناس تعاطفوا مع أحوال البنات دي؟.. كعادة أي عمل فني غير اعتيادي..
أنا بحب شغل ولوحات وليد عبيد (وممكن تشوفوا لوحاته جايز تبسطكوا)
أنا بحب شغل ولوحات وليد عبيد (وممكن تشوفوا لوحاته جايز تبسطكوا)
ده وليد عبيد في جلسة رسم للفنان محمود عبد العزيز سنة من عام ١٩٩٩
معلش، ده بره المنهج اللي تعودتوا عليه، بس الفن التشكيلي ميفرقش حاجة عن السينما، وإن أعظم وأرقى في رأيي..
*بعمل حوار صحفي2017
هنا بيحكي قصة اللوحة:
الحمد لله بجد منزلتش اللوحة التانية من المشروع فيه كومنتات مرعبة هنا😐 وكنت عامل حسابها
له لوحة كانت سبب إن اتنين متزوجين يرجعوا لبعض تاني بعد اتفاقهم على الانفصال والطلاق.. هرجع للحوار واضيفها
ما تحبوا معايا شغل الراجل البولندي ده
الصوت تحل ياجدعان😂😍 أ وليد بيحكي قصة اللوحة
مين سألني على مواعيد معرض وليد عبيد؟ وحد سألني على طرق اقتناء اللوحات؟ كلمته وبلغني بالتفاصيل دي:
(فيه معرض جماعي من ٣ سبتمبر الى ٣٠ سبتمبر.. مشاركة بـ ٨ لوحات بقاعة بيكاسو الزمالك.. ومعرض فردي شهر يناير القادم بقاعة ضي الزمالك)
(فيه معرض جماعي من ٣ سبتمبر الى ٣٠ سبتمبر.. مشاركة بـ ٨ لوحات بقاعة بيكاسو الزمالك.. ومعرض فردي شهر يناير القادم بقاعة ضي الزمالك)
جاري تحميل الاقتراحات...