قبل سنتين كنت معلمة قرآن للاطفال بتحفيظ خربوطي خلوني معلمه وانا مو خاتمه ولا متقنه التجويد ولا عندي أي مؤهلات غير اني اعرف امدح واحفز الوراعين😭.
المهم وحده من طالباتي كان عمرها ٨سنوات وبدأت بالحفظ لما كانت٣ سنوات بس!
والله كنت احس نفسي حشرة عندها كانت خاتمه اجزاء كثير ومتقنه

كانت جدًا شطوره ولبقة ومحترمه ومهذبه وذكيه وعندها طلاقة وأسلوب جميل وشخصيتها قويه تبارك الرحمن .
ومو بس هي اغلب النماذج اللي شفتها للاطفال اللي نشأوا مع القران يطلعوا متميزين وغير عن اقرانهم بكل المقاييس!
والله اعظم حاجه ممكن تسويها لطفلك انك تدخليه حلقات التحفيظ قبل سن المدرسه

طبعًا لازم تحببيه بالقران وتحكيه عن فضله وتشجعيه وتكافئيه على انجازه واستمراره ، وشوفي كيف بيصير ولدك لما يكبر !
يشغل وقته بالمفيد ويتعلم وينشأ في بيئه صالحه ويكوّن علاقات طيبه وأجر من عند الله وكرامه لكِ وله ايش تبغي اكثر من كذا🤍؟