الثريد السنوي: انا كنت معيد في هندسة القاهرة حاسبات لسنتين، وخبرة ١١ سنة. نصيحتي لخريجي ثانوي اللي عايزين يشتغلوا في البرمجيات انهم يدخلوا حاسبات ومعلومات مش هندسة. انت اولى بالسنة الفرق ده! وكمان تهرب من فخ انك ما تجيبش مجموع في اعدادي هندسة وتلاقي نفسك مش عارف تخش حاسبات. ١-٤
الاستثناء الوحيد اللي يخليك تخش هندسة هو انك تبقى عايز تشتغل في حاجة حكر على المهندسين (زي بعض التخصصات الدقيقة في الهاردوير مثلا). و ده حاجة نادرة في السوق جوه و بره. و الحقيقة ان حاسبات و معلومات بيدرسوا هاردوير برضه. و بيبقى عندهم مواد اختياري هاردوير ممكن تأخدها لو عايز. ٢-٤
في كليات طالعة بقالها شوية اسمها كليات "الذكاء الاصطناعي". الكليات ده هي هي كليات حاسبات عادي بس مع تغيير في بعض المواد. ما اظنش في فرق كبير بينها و بين حاسبات اصلا. فلو ما فيش قدامك حاسبات، خش كلية "ذكاء اصطناعي" عادي. و في رأيي الفرق بين خريجين الاتنين حيبقى صغير جدا. ٣-٤
لو انت خلاص دخلت هندسة و خلصت اعدادي، ادخل حاسبات طبعا. كلامي للي لسه في اول الطريق و يقدر يوفر السنة. بس لو انت في هندسة، فقسم حاسبات اختيار كويس جدا، خصوصا في هندسة القاهرة و اسكندرية. و اوعى تخش اتصالات بحجة ان "حيبقى عندك اختيارات اكتر". ده كلام فاضي بين، و طريق سيء جدا. ٤-٤
انا كاتب نفس الكلام (عن ان الناس تدخل حاسبات ومعلومات مش هندسة حاسبات) عالفايسبوك. لو عايزين تبعتوه لاهاليكم 😄
m.facebook.com
m.facebook.com
جاري تحميل الاقتراحات...