رتبها

ثريد تلوين واشياء عرفتها مع الوقت 🤓☝️

اهم نقطه 🔴🔴خل طبقه الأساس ( الطبقة الي فيها الرسمة ) مضاعفة او multiply🔴🔴
والطبقات الجديدة خلها تحت بعض، بمعنى تحدد تخلص، الي بعده تحتها 🤓☝️
السبب: اذا الاساس صارت مضاعفة، باقي الطبقات ( شرط انها تكون تحت الاساس) تقدر تلون تحت الاسود بدون ماتلون عليه نفس ماهو واضح بالمقطع:

داتشي طيب اقدر اخلي الطبقة الي الون فيها مضاعفه والاساس اخليها عادي !
ليه اعتمد طريقتك وما اكمل على الطريقة الي متعود عليها 🤔؟
الفرق بين ان الاساس تكون مضاعفه وبين ان طبقه التلوين تكون مضاعفه هي انك ماتقدر تلون فوق الطبقة الي تحددها قبل وتختصر وقت كبير لنفسك في التحديد 🤓☝️

طبعا هذي اشياء انا اسويها بالعادة، واشوفها افضل طريقة للتحديد بسبب اعتمادي على جملة
" حتى لو تلوينك سيء، اقلها حددت صح"
انا بالعادة استخدم ألوان فاتحة مره وابدا احدد الطبقات
ليه؟
اذا حددت بألوان فاتحة راح يتوضح لي ان طلعت من التحديد للطبقه نفسها 🤓☝️

وطبعا ثاني شيء مو اساسي الي هو انك تسمي الطبقات، هي عادة حلوه وتفك لك ازمات اذا كانت التلوينه تحتاج طبقات كثير
بالذات اذا بتلون صفحة، اشوف التسميات شيء اساسي عشان ماتضيع وتضيع وقتك تدور وين الطبقه الي تحتاجها
لا تسمي كل شيء، الاساس اهم شيء والاشياء اللي تحتاج تسميه فقط 🤓☝️

طيب داتشي! حددت الحين والتلوينه طالع شكلها يضحك مع ذا الألوان الغلط!
سهله هنا نروح ونستخدم العجلة ونختار الألوان المناسبة لهم 🤓☝️

طيب حددت الطبقات وش الفايدة الحين؟ برجع والون فوقها ويطلع برا التحديد وقت التظليل داتشي!
صح كلامك اذا ما استخدمت الclipping! هذي افضل خاصية ممكن تستخدمها!
وش فايدة الكليب؟ بالمختصر اي طبقه تسوي لها كليب للطبقه الي تحتها، ماراح تطلع من التحديد حقها، مثل البشرة الي في المقطع 🤓☝️

الحين نجي عاد نتكلم عن التلوين، لأن كل الي سويناه للأن ما اشوفه شخصياً تلوين وفقط تحديد للأساس..
نبدا بالتظليل!
الاساليب الي استخدم في التظليل هي
١- البخاخ المثلث او التظليل في اول قلم مع استخدام الستيبلايزر
٢-التظليل الحاد
كلهم لهم وقت للاستخدام وكلهم اشوفهم حلوات حسب الفريم

اول شيء نتكلم عن البخاخ دامه اسهل شيء ممكن تبدا تهبد فيه وتطلع ابداعك،
بكل اختصار تختار البخاخ المثلث وتختار لون مناسب للبشره وتبدا تهبد على كيفك لين يطلع معك شيء راضي عنه!
معلومه عني: استخدم مصطلح هبد في التلوين بدلا عن لمساتي وابداعي في أكثر الاحيان لأن اشوفها انسب واريح🤓☝️

القلم الاول مع الستيبلازر هو انك تفعل الستيبلايزر وتسوي نفس ماسويت بالمقطع
البخاخ توقفت استخدمه ونادر ما ارجع استخدمه بعد ما صرت استخدم القلم الاول والستبلايزر معه، يكون التظليل اريح وامتع
+ اذا استخدمت القلم الاول مع الblur راح يعطيك نفس نتيجة البخاخ 🤓☝️

الحاد بكل اختصار تختار اي قلم حوافه حاده وتخفف من قوة القلم، تهبد على كيفك
الحاد عاد هو امتع نوع واصعب نوع بالنسبة لي، كونك بتسخدم اقلام وتنوع فيه لين تطيح بأسلوب محدد لك، شخصيا ما استخدمه كثير لكن التلوين فيه ممتع ودايم النتيجة تكون رهيبة، ولو ان التلوين بالاستبلايزر اسهل بكثير

ثاني شيء وأهم شيء عندي في التظليل هو كثر طبقات والعب في الشفافية حقتها واستخدم اكثر من طبقة وجرب تغير وتلون غير عن طبقه عادي وجرب طبقه الغشاء واهم شيء (لا تخاف من كثرتها) 🤓☝️
ليه تكثر؟ التكثير وتغيير تدرجات التظليل في اكثر من طبقه راح تطلع معك دايم نتايج رهيبة!

تظليل الملابس والباقي تقدر تستخدم نفس الافكار الي قلتها عن البشرة
الحين نجي نتكلم عن التلوين فوق الأسود! طبعا الموضوع غثيث عند الكثير وانا كنت منهم، بس مع الوقت صار عادي بالذات بعد ماعرفت عن طبقة screen الي اختصرت وقت كبيير علي
🔴🔴
التلوين فوق الاسود لازم تلون فوق الاساس 🤓☝️

اوكي اول طريقة وصديقك في التحديد عند تلوين الاسود هو القلم السحري لانه يحدد الاسود بسرعة مثل الدلو لكن افضل من الدلو بكثير،
ثاني طريقة تحددها يدوي وهي الي اسويها بالعادة، لأن القلم السحري نفس الدلو، يختصر عليك وقت لكنه يتخاذل بالتفاصيل ويعودك على الكسل لو تعودت عليه دايم🤓☝️

والتظليل فوق الاسود نفس الشيء تسوي كليب على الطبقة الي محددها وتهبد من عندك 🤓☝️

اختم في ثلاث اشياء مهمه
١-الفرق بين القلم الاول مع الستيبلازير وبدون
اذا بغيت تسوي طبقه اناره لازم يكون عندك طبقه تحتها سودا وشفافيه ٢٥٪ وفوقها طبقه الإضافة عشان توضح الاناره ويكون شكلها احلى
حط هبدات من عندك بالخط الابيض، تعطي للتوينة جمال اكثر مع انها لمسه خفيفه 🤓☝️