بحمدلله قدرنا وصلنا بيتنا اخيراً امس بعد معانات يومين فالشارع وشوفنا الموت بعيونا والله من كوستي لامدرمان مبدئياً كدا جينا بطريق الجبل ولفينا شوارع العاصمة المثلثة كلها والله لا وراكم الخرطوم الشافتها عيني الله لا وراكم بحري وشوارع بحري الله لاوراكم امدرمان القديمة مبديئاً دخلنا
بالمركزي وبالمدينة الرياضية واركويت وشارع ال٦٠ والرياض ومافي بيت ولا محل فالخرطوم سليم الخرطوم لمن بقت باهتة بعيداً عن كترة الدعامة الاستقرو فالخرطوم وشوراعها وبيوتها وبعيداً عن الارتكازات اللاقينها قطعنا بكبري المنشية ودخلنا شرق النيل حت شرق النيل منظرها متغير د غير الجثث الفي
الشوارع والعربات المقلبة والمحروقة دخلنا بالعزبة ودي اكتر حتة حيوية فبحري عموماً (مع احترامي لناس العزبة لكن كلهم حرامية )المهم مرينا بشارع الصناعات بقا عبارة عن مصانع محروقة وجثث محروقة وجثث ميتين فعرباتهم وعربات مقلبة فالشوارع واعمدة كهربا موقعة فالارض الشجر د مقلع من تحت وفي
كلو ارتكاز دعامة في صندوق فيو بيرة وبشربو فيها زي الموية د كلو عشان نمشي بالانقاذ ودخلنا بالصافية بشارع الشهيد مطر لو انا م حافظ الشوارع دي كان بقول دي م بحري الكلام باقي لي حلم حلم البيوت مدمرة بالمعنى الحرفي حقيقي تقاطع الانقاذ مروراً بالمؤسسة لحدي الشهدا د عبارة عن عفش والمحل
ات التجارية كلها اتسرقت ماف دكان فشارع دا م تتفتح وجثث لمن ريحتها متغيرةوعربات محرقة والغريب في د كلو الدعامة قاعدين مرتكزين وصلنا كبري شمبات المظلات ودي اكتر حتة مشوهة فبحري المظلات مترسة بدبابات محروقة بي ناسا فوق بعض وتاتشرات ومواتر المسجد الجمب المظلات د فضل فيه الاعمدة بس
كبري شمبات لمن نجي ماري بيه زمان كنت بشم نسيم البحر هسي شميت فيو ريحة الجثث والحرايق الكبري فيو جثث و عربات مقلبة ومحروقة ياها عرباتكم المسروقة الله يعوضكم وصلنا امدرمان الاخف قدراً من بحري والخرطوم شارع النيل فيو تاتشرات محروقة ومواتر وناس محروقين زطط بيت الازهري ساكنين فيو
دعامة وابو يخلونا نمررر ونبزونا لجدنا الاخير رجعنا بطريق الشهدا واكتر دعامة فامدرمان قاعدين فالشهدا المستشفيات الفي الشهدا كلها دعامة قاعدين فيهامرينا بصينية ميدان الخليفة لحدي تقاطع شارع الاربعين ومافي بيت هناك م اتفتح وم اتنهب وقاعدين فيو دعامة وصلنا كبري ود البشير الطلعو فيو
بيان الجيش وغشونا قالو وقعو فالدعامة وهم كلو ونسسة بعديها من هناك جازفنا لحدي م وصلنا الحمدلله بيتنا المهم كلامي د كلو داير اوريكم انو الجيش قعد يونس فينا الجيش م داير يواجه الشعب بالحقيقة المرة الجيش غاشينا اي حتة انا مريت بيها م لاقاني جياشي بالغلط الا فشارع بيتنا وشغالين
بنهبو فالشباب وبحلقو ليهم وفالحين فينا ايوة د الجيش العامل فيها حامينا وبتاع حيجي ناطي لي هسي واحد راسو مربع ويقول لي ليه م صورت ح اقول ليك لو كان طلعت تلفوني بالغلط م كنت هسي انا بجي بكتب ليكم فالكلام دا والراجي الجيش يجي يطلع بيان ويقول انتصرناوارجعو بيوتكم دي احلام عصر
نسيت اهم حاجة الجيش مطلع قرار فالارتكازات اي شاب عمرو اقل من ٤٠سنة ما ح يدخلو الخرطوم كييف وليه م عارف.
ي شباب شئتو ام ابيتو دي حقيقة الواقع انا م مُجبر عشان ابرر لاي واحد فيكم والما عايز يصدق ينزل الشارع ويشوف بعينو الموضوع م خطير
جاري تحميل الاقتراحات...