رتبها

Mo7amad Alaنwar ♠️☠

7 تغريدة 3 قراءة Jul 31, 2023

عاوز احكي موقف حصل الآن وفرحني جداً جداً ..البداية المحول اللي بيغذي المصنع انفجر في رمضان روحنا شركة الكهرباء قالولنا منطقة شق الثعبان موضوع تحت خطة تطوير جهة ما معينة روحنا الجهة دي وقدمنا شكوى وعملوا مقايسة والنتيجة المحول هيتغير بمبلغ وقدرة مليون ومئتين الف جنية ويدفعوا كااش

طبعاً صدمة كبيرة جداً من المبلغ ومن طريقة الدفع الصدمة كانت أكبر ..المهم بعد رمضان جبنا مولد وكملنا شغلنا بيه وبرضو سلكنا كل الطرق لحل المشكلة وروحنا اكتر من جهة وكان ردهم الحل الوحيد لحل مشكلتكم هو الدفع وكاش..
مش عاوز اقول حالة الغضب اللي جوايا لكل مسؤل في البلد ونظرتي ليهم

كانت بأحتقار وانت جاي تبوظ وتهد الدنيا طيب انا مش معترض على المبلغ ولكن طريقة الدفع حتى تضعوا مبلغ ثابت شهري ندفعة مع استهلاك الكهرباء كان الرد لا ..
المهم بعد إجازة رمضان كملنا شهر ونص شغل على المولد وعشان عندي 8 مكنات ما بين جلي وتقطيع المولد كان قارفنا..

قلت للصنايعية انا هوقف شغل واللي مطلوب مني هنزلة مصنع تاني يخلص واسلمة وقد كان والعيال بصراحة تفهموا الموقف وقفلت مكاني وبصراحة كفرت بالبلد طول ما المسؤل دا موجود فيها احنا كصنعة بننتهي بداية من اللي فتح الباب للصينين في 2003 عشان يقضوا على محاجرنا نهاية بالسوريين اللي بيغسلوا

فلوسهم على قفانا .....
ولكن النهاردة جالي تليفون وقالي روح شق الثعبان عشان المحول الجديد هيركب طبعاً افتكرت حد بيهزر معايا انت بتقول ايه يا ريس قالي روح شوف بعينك في خلال ساعة وربع كنت في شق الثعبان وشفت المحول الجديد واقسم بالله انا اسعد مصري الآن هو دا حلم ولا علم 😂😂

الأجمل من الخبر كله إن المحول القديم كان نصف ميجا والجديد واحد ميجا واييييييه ااااااااااه ..😂
انا مرضتش احكي قبل كدا على مشكلة المحول عشان وانا غاضب هقول كلام كتير يحبسني اصلا 😂😂
بشكر كل مسؤل كان سبب في حل مشكلتنا وان بسببه اكتر من 22 صنايعي وعامل هيرجعوا يفتحوا بيوتهم تاني

بشكرهم من كل قلبي كمان لما عرفت الآن إن دا هيكون توجه دولة مش أفراد عشان اي منظومة إنتاج تستمر ..
تحيا مصر تحيا مصر تحيا مصر من قلبي والله ..