مش هتحس بالتوفيق ف حياتك طول مانت بطران على عيشتك ودايماً تقول ليه واشمعنا فُلان وأنا لا ، ربنا سبحانه وتعالى قال:
"لَئِن شَكَرْتُمْ لَأَزِيدَنَّكُمْ ۖ "
مهما كان وضعك وظروفك دايماً قول الحمد لله، وخليني أقولك مش هتنجح ف حياتك غير لو ركزت مع نفسك مع نفسك وبس..

مش هتحس بالتوفيق طول مانت حقودي ، عينك على اللي ف إيد غيرك ، مستكتر النعمه على الناس ، وهتعيش طول عُمرك تايه ف دوامه لا هتوصل للي وصلوله ولا حقدك وكُرهك هينقِص ويقلل من رزقهم في حاجه.

" وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ "
أول الآية "ولا تمدن عينك" ،، آخرها "ورزق ربك خير و ابقي"
لا ترهق نفسك بالمقارنات فرزقك آتيك آتيك
..