#فضفضة
هو انت يا معارض يا محترم ياللى بتدعى ان كل همك مصلحة الوطن لما توصم ملايين من المصريين اللى راضيين بحالهم ومستحملين فى صمت كل الازمات اللى بتمر بها البلد لانهم مدركين وفاهمين اننا فى مرحلة حرجة مش بس من عمر الوطن ولكن المنطقة بحالها ...

- وان فيه ناس قدمت دمها تمن خلال المرحلة دى ، لما جنابك توصم الملايين دول بانهم (( معرضين )) وبتكتب الكلمة من غير نقطة طبعا !
يبقى انت كده بقي الواد الجامد اللى ماحصلتش!
الناس دى انضف واحسن منك مليون مرة
ناس بانت معادنها وقت شدة...ناس متربية وشبعانة وتشم ايدها تشبع👇

الشطارة مش انى اهتف تحيا مصر و هى
فى وقت يسر ورخاء
الشطارة انى اتحمل فى وقت الازمة والشدة عشان بلدى اللى غيرى قدم لها روحه بلا قيد
او شرط...وخصوصا لما تكون الازمة لها ابعاد خارجية ملناش يد فيها سواء ركود عالمى
او وباء ..او ظروف داخلية صعبة مرينا بها من ثورات وحروب ارهاب👇

حتقولى #مصر مش السيسي
حاقولك اكيد....لكن لما #السيسي يكون بيشتغل ليل نهار عشان مصر وحاطط روحه على كفه عشانها و مستهدف حتى اليوم من كل قوى الشر ..يبقى الراجل يستحق الدعم
لما يكون هو خايف على كل قرش وكل جنيه على ارض مصر يبقى يستحق الدعم و يستحق اننا نسند معاه وقت الشدة👇

الصابرين الصامدين ....صبرهم مش (تعريض ) ولا خوف يا نطع منك له .... صبرهم تقدير لحجم التحدى اللى بيواجه هذا الوطن اللي يستحق مننا الصبر ❤️🇪🇬 #انتهي