كنت صاحيه مقريفه ومزاجى مش حلو يدوب فوقت ودخلت المطبخ وعملت فطار امى وقهوتى وخلصت ودخلت المطبخ لاقيت امى دخلالى المطبخ وبتقولى هقعد اتفرج عليكى وانتى بتطبخى هاتيلى الكرسى بتاعى هنا قولتلها الجو حر وارتاحى رفعتلى حاجب🤨جريت على برا جيبتلها الكرسى وقولت فنفسى ليلتى مش فايته 👇
لان امى مبتفوتش الهفوة ووقفت اشتغل عادى كل شويه الاقيها تقولى اترحمى على ستك نبيهه جدتى لابويا الله يرحمها ويغفر لها يارب اقوم مترحمه عليها وقاريالها الفاتحه فالاخر قولتلها فيه ايه يعنى مالها ستى هافه عليكى النهارده كده ليه قالتلى انتى ماوقفتيش مع ستك فالمطبخ بس انا وقفت معاها👇
كأنى شايفه ستك ال واقفه بتشتغل وتطبخ قدامى كل حاجه بنظام وبترتيب ومركزة مابتفوتش الهوا وقفت فرحت والله وفعلا بسطتنى وافوت الكلام يعنى لازم اتغاتت عليها قولتلها من هنا وجاى تقوليلى يا نينه قامت خبطانى بعكازها وقالتلى يا كلبه والله لو عملتى ايه ما هتحصلى ضافرها وسابتنى وخرجت👇
بس حقيقى حقيقى حقيقى انا مبسوطه جدا جدا جدا بان ماما قالتلى كده امى مابتشكرش فى حد بسهوله انها تقول انى شبه ستى وستى دى عندها احسن من اى حد تانى ده فحد ذاته مخلينى حاسه انى واخده شهادة محدش خدها فالعالم قبلى انا فرحانه اوى اللهم لك الحمد 🥰🥰🥰🥳🥳🥳🥳💃🏼💃🏼💃🏼💃🏼
جاري تحميل الاقتراحات...