باقي الكلام علي النيابات في الصحه بثريد رقم ٣ عن احسن الاماكن و المستشفيات ف تخصصات معينه
١- لو فكرت تاخد تخدير يبقي دور علي مستشفي tertiary hospital فيه كل التخصصات الجراحيه عشان تتعلم كويس و تشوف مختلف العمليات , عندك معهد ناصر امانه ,احمد ماهر التعليمي , المطريه , دار الشفاء , الساحل التعليمي , الهرم امانه , معهد القلب تعليمي , الاحرار التعليمي زقازيق
٢_ لو بتفكر في نيابه اورام , حراحه اورام , عنايه اورام اطفال يبقي الافضل تدور علي مستشفيات الاورام التابعه لامانه المراكز المتخصصه دي كلها سناتر اورام كبيره و فيها كل ما يخص الاورام , كمان تقدر تنقل تكليفك عليها لو اخدت تخصص منهم اورام معهد ناصر اورام السلام اورام هرمل الخ
٣- لو بتفكر ف جراحات عامه خليك ف معهد ناصر و المستشفيات التعليميه الكبيره زي احمد ماهر و بعدين مستشفيات الامانه الكبيره زي الزيتون الهرم دار الشفاء القباري شرق المدينه الشيخ زايد التخصصي ثم المستشفيات العامه الكبير ف المحافظات
٤- النيوروسيرجي مشهور ف ٣ اماكن بس معهد ناصر اعلاهم ثم دار الشفاء ثم احمد ماهر
٥- جراحه قلب و صدر , معهد ناصر ف المقدمه بسنين ضوئيه عن اي مكان تاني ثم معهد القلب غير كده متكتبهاش ف اي مكان تالت ٦
٦- جراحه الاطفال مش كويسه اوي ف الصحه ف قبل ما تكتبها ف اي مستشفي انزل اسال عليها بنفسك
٧- الجلديه اشهرهم مسشتفي الحوض المرصود ف االقاهره ثم مستشفيات الجلديه ف الاقاليم ثم التعليمي
٨- جراحه التجميل حلوه ف معهد ناصر , الشيخ زايد التخصصي ف اكتوبر , المطريه التعليمي , ثم باقي التعليمي بالاضافه لام المصريين
٩- العظام حلوه ف كذا مكان الحقيقه احسنهم الهلال رمسيس امانه , الهرم , معهد ناصر , مبره المعادي , هليوبوليس , المستشفيات التعليميه , العامريه ف اسكندريه , ام المصريين , العظام حبوه ف كذا مكان الحقيقه
١٠- الرمد :- معهد بحوث الرمد التعليمي , المعهد القومي للرمد بروض الفرج امانه , القاهره الفاطميه امانه , المطريه التعليمي , رمد قلاوون , رمد معهد ناصر , ثم مستشفيات الرمد ف الاقاليم
١١- النساء , حاول تاخدها ف مستشفي عام او مركزي ريت عالي ولادات كتيره و عمليات اكتر , احسنهم طبعا الجلاء التعليمي ف القاهره ثم باقي التعليمي ثم مستشفيات الصحه زي المنشاوي العام طنطا , المنيا العام و هكذا , الامانه مش قد كده ف النساء عشان بفلوس غاليه ف محدش بيولد هناك
١٢- الكلي حلو ف معهد الكلي التعليمي و معهد ناصر و دمنهور التعليمي و الساحل التعليمي , و مستشفيات الامانه كويسه فيه
١٣- الاطفال , المستشفيات التعليميه طبعا زي احمد ماهر , بنها التعليمي , و المستشفيات العامه الكبيره عموما تعليم الاطفال مش صعب
١٤- العنايه عندك معهد ناصر و دار الشفاء و الهرم و احمد ماهر , الشيخ زايد التخصصي دمنهور التعليمي و جزء كبير من مسشتفيات الامانه
١٥- الكارديو , طبعا احسن ٣ اماكن هم معهد ناصر و مدينه نصر تامين صحي و معهد القلب , ال٣ اماكن دول ممكن تحط اي حاجه فيهم الاول او الاخر فمهم تنزل تشوفهم بنفسك لان كل حته فيهم مميزه بحاجه , ثم المستشفيات التعليميه و مستشفيات الامانه اللي فيها قسطره
١٦- الباطنه العامه ( ابعد عنها ف الصحه ) لو زنقت معاك روح الساحل اىتعليمي او معهد السكر التعليمي او مستشفيات الامانه
١٧- زرع النخاع و امراض الدم ف الصحه يا معهد ناصر يا الشيخ زايد التخصصي
١٨- الاشعه يخليهم ف المستشفيات التعليميه الكبيره لو عايزين يتعلموا ثم مستشفيات الامانه , الصحه اكيد مش افضل اختار للاشعه
١٩- النيورولوجي حلو ف المطريه التعليمي و معهد ناصر الاتنين حلوين جدا رتبهم حسب ما تحب ثم مستشفيات الامانه
٢٠- السيكاتري , مستشفيات الامانه العامه للصحه النفسيه احسنهم ع الاطلاق مستشفي العباسيه للامراض النفسيه , الخانكه , المطار , حلوان , المعموره ف اسكندريه
٢١- جراحه الاوعيه حلوه ف معهد ناصر و الساحل التعليمي و هو تخصص صعب ف الصحه الحقيقه ا
اخر نصيحه دايما اقولها متكتبش مكان الا لما تبص عليه و تشوفه بنفسك و عندك وقت كفيل انك تنزل فيه كذا مكان و تشوف بنفسك و تسمع من الناس هناك , و في الاخر انت اللي هتكتب و تختار ب ايدك بس ركز عشان ضريبه تغيير التخصص او الغاءه فيها تاخير و تعطيل كتير ليك بالتوفيق
جاري تحميل الاقتراحات...