الرعب الحقيقي هو أن بلد عندها ٣٣٠ يوم مشمس في السنة - UV Index كاسرة ٨ مستريح - معتمدة إعتماد شبه كلي على المعونات الخارجية لتنفيذ أي مشاريع ذات صلة بالطاقة الشمسية، لأ وكمان مانعة المواطن أنه يستثمر فيها بمعرفته ويكون off grid أو يخزنها لنفسه، مُجبر بالعافية يبيع الفائض للحكومة.
يعني فعلياً لو كان ١٠٪ من اللي أتصرف في الهطل اللي بيتصرف فيه ده راح لمشاريع طاقة شمسية جديدة في الصحراء الغربية - اللي فيها مساحات شاسعة غير مأهولة - كان زمانك بتصدر طاقة نظيفة لجيرانك بدل ما أنت "بتخفف أحمال" علشان أهم عندك تبيع الغاز بتاعك بالدولار على أنك تضخه في محطات الطاقة
مش هاتكلم طبعاً عن خلق الوظائف اللي مشاريع زي مشاريع الطاقة الشمسية أو المتجددة عموماً بتنتج عنها ولا هي إزاي حرفياً بتخلق قفزة نوعية في مجالات كثير منها أنواع الخريجين الجامعيين والحرفيين محلياً باستدامة، مقارنةً مثلاً يعني بمشروع بناء ڤيلل هيخلص بسرعة و"الوظائف" بتخلص بإنتهائه.
يعني فعلياً أنا باشفع لناصر حاجة واحدة في تاريخه غير مشروع العروبة اليوتوبيان المعادي للإستعمار، ودي السد العالي
الفكرة أنه من أولها وهو هيجان على فكرة المشاريع القومية بس الهطل سايق ف محدش عارف يقوله أن المدن الجديدة دي مش مشاريع قومية لأن المدن تاريخياً مش بتتبني بالغصب، العادة أن يكون هناك صناعة سائدة في منطقة وهي اللي بتشد الناس لها وينتج عنها مدينة بشكل أورجانيك
يا عيني فاكر أن المدينة بتنبني بتيجي معاها وظائف شيطاني كدة
خد عندك، مصر طلعت بتعمل subletting للشمس لو نفسك زاولتك وحاولت تعمل solar على سطوح بيتك أو على أرضك، ولازم تدفع ٢٥% من قيمة الكهرباء دي حسب سعر الحكومة وأسمها "ضريبة إنتفاع من الشمس" على الرغم أنك متكفل بكل التكاليف وكمان الفائض من احتياجك بيدخل الشبكة بتاعتهم ودكر تأخد ثمنه
مش لما يكون عندك grid شغالة أو يعتمد عليها تبقى تمنع المواطن الغلبان يكون off grid؟ جتكم وكسة في خيبتكم كل اللي تعرفوه هو المنع أو التحجج
جاري تحميل الاقتراحات...