بخصوص تخفيف الأحمال الكهربائية
الحكايه باختصار ان محطات التوليد والنقل بيكون ليها قدرة معينه
مثلا لو المحطه س قدرتها 1000ميجاوات بتغذي محافظة ع
باجمالي 800 ميجا
وجت الذروه الصيفيه وارتفعت درجة الحرارة وزاد استخدام التكيفات والمرواح والمصانع ووصل الاستهلاك ل 990 ميجا ومازالت

المحطه في الخدمه
هنا بقي لازم عمل تخفيف احمال بالتناوب ولو ساعه واحده بين المناطق حتي يستقر الوضع ولا يتجاوز القدره النهائية والا هتخرج المحطه trip اوتوماتيك فورا وهنا بقي المصيبه
اللي هتخلي الكهرباء بدل ماتقطع ساعه هتقطع خمس ساعات حد ادني،، قولي ليه
هقولك لان في حالة الtrip

بيكون حصل ارتفاع شديد في درجة حرارة ملفات المحولات لان تيار الtrip عشر اضعاف تيار التشغيل وهنا لازم نستني المحولات تبرد تماما حتي لا تتلف ثم إعادة تشغيل ايضا بأقل احمال ودخول الأحمال بالترتيب علي فترات زمنيه
انت نفسك في بيتك المروحه او التكيف لانه في الأصل ملف زي ملفات المحولات

بالظبط لو فضلت تحرت بيه وتشغله علي اقصي قدره بيعطل او بيقل كفاءته ويقولك والله ما عاد عندي حاجه تاني اديهالك ارحمني شويه 😂
ده ياجماعه علم التشغيل و الصيانه للحفاظ علي حالة المحطات و المحولات عمرها التشغيلي يطول
ولا نسيتوا اما كانت قبل التطوير ده بتقطع باليوم والنص يوم

عموما هي فترة ارتفاع الحراره موجه كام يوم وان شاء الله
كله هيبقي زي الفل
وصيف سعيد علينا جميعا.......منقول