1/12كام واحد تورط في قتل #فرحات_المحفوظي ؟ تحليل فيديوهات #سيدي_براني بيظهر ان اكتر من فرد من الشرطة اطلق النارعلي سيارة فرحات .ده🧵لتحليل ومزامنة الفيديوهات واختراق الرصاص للسيارة. النتيجة: زاوية اختراق الرصاص تشير لتورط اكتر من شخص +الشخص اللي في الصورة محتمل انه الضابط المتهم.
2/12 جيولوكيشن الواقعة علي الاحداثيات:
31°35'52.34" N 25°57'08.64" E
المكان هو معرض بغداد للسيارات واللي بيديره اخوات فرحات. المكان مش موجود في محيطة مباني تانيه وده بيرجح ان الشرطة كانت رايحة للمعرض ده بشكل مخصوص مش مجرد تفتيش عابر.
31°35'52.34" N 25°57'08.64" E
المكان هو معرض بغداد للسيارات واللي بيديره اخوات فرحات. المكان مش موجود في محيطة مباني تانيه وده بيرجح ان الشرطة كانت رايحة للمعرض ده بشكل مخصوص مش مجرد تفتيش عابر.
3/12 رواية النيابة بتبدء الاحداث بطلب الشرطه من فرحات التوقف. كاميرات المراقبة بتعرض جزء من الاحداث قبل الطلب بيظهر فيه هروب شخص مجهول من فوق سور المعرض بمجرد وصول فرحات. مين ده وليه بيهرب مش معروف. لكن اللي نقدر نقوله ان ده تصرف ممكن يصدر من واحد خايف من حاجة ما.
4/12 بمجرد وصول فرحات بيلاحظ شئ معين بيخليه يلف ويتحرك علي طول. وفي نفس الوقت اللي الشخص بيهرب فيه من فوق السور في شخص تاني بيتحرك في الجانب الاخر في نفس خط سير العربية قد يكون هو الضابط الجاني. جوده الفيديو مش موضحه هل هو بيتحرك بضهره او بيتحرك بوشه.
5/12 في الثانية ٣٥ من الفيديو بيظهر وميض مرجح انه اطلاق نار من ورا الشجرة وفي لحظه تقارب كبيره بين عربية فرحات والشخص ده.
6/12 فرحات بعدها بيكمل محاوله الخروج بالعربية لكن خط سير الشخص بيبدء ياخد منحنى عكسي ويرجع لورا. المرجح انه لو الضابط فهو واخد وضع دفاع ومستمر في اطلاق النار.
7/12 قبل خروج فرحات من الجزء الخلفي للمعرض ومغادره مجال رؤية الكاميرا الخلفية داس بنزين جامد وبعدها هتظهر العربية في مجال رؤية الكاميرا اللي قدام المعرض.
فرحات توقف بالعربية بعد ٨ ثواني من الفيديو. وبعد ١٣-١٤ ثانيه كان فاتح الباب ونزل علي الارض مصاب...
فرحات توقف بالعربية بعد ٨ ثواني من الفيديو. وبعد ١٣-١٤ ثانيه كان فاتح الباب ونزل علي الارض مصاب...
8/12 في الوقت ده عربية الشرطه ظهرت في الجزء الخلفي للمعرض ونزل منها احد الافراد وكان بيجري ورا العربية. وظهر عربية تانية عند نقطه خروج فرحات بالعربية. ليه التزامن ده مهم؟ عشان تحليل الرصاص اخترق العربية ازاي.
*جانب الفيديو اليمين هو امام المعرض وجانب الفيديو الشمال هو خلف المعرض
*جانب الفيديو اليمين هو امام المعرض وجانب الفيديو الشمال هو خلف المعرض
9/12الفيديو التالت المتداول بيظهر اختراق ٦ رصاصات للعربية. الرصاصة اللي اخترقت الازاز الامامي كانت جهة اليمين. واتجاه اختراق الرصاصة من اليسار الي اليمين. يعني مطلق النار كان ساعتها واقف علي يسار العربية لحظة الاطلاق. موضع الضابط المحتمل لحظة ظهور الوميض مناسبة لاحداث الاصابة ده
10/12 الموضع التاني هو احتمال وجود فرد امن تاني علي يسار الممر اللي خرج منه فرحات الى الجهة الامامية للمعرض. الشخص اللي اطلق الرصاصة ده لا يمكن ان يكون نفس الشخص اللي اطلق باقي الرصاصات لان موضع اطلاقهم من امام او يمين السيارة.
11/12 موضع مطلق النار لرصاصة ١ قد يكون نفسه لرصاصة ٢ لان العربية كانت بتتحرك فده احتمال وارد. موضع اطلاق ٣ و٤ و٥و٦ قد يكونوا نفس الجهة برضه لنفس السبب. لكن مطلق النار في موضع ١ و٢ لا يمكن ان يكونوا نفس الشخص اللي اطلق ٣ و٤و٥و٦ نظرا لخط سير العربية.
12/12 بالاضافة لاثر الرصاص الظاهر فشباك العربية اللي علي جانب السواق كان مفتوح. فوارد يكون في رصاص اخر مش شايفينه استقر في جسد فرحات. ده كده يدي احتمالية عالية للغاية ان اكتر من فرد في القوة الامنية اطلق النار. وبالتالي ممكن يكون في اكتر من فرد متورط في قتل المواطن فرحات.
جاري تحميل الاقتراحات...