قصة حقيقية:
قصة السرقات العابرة وتهريب مسروقات الدعامة من الخرطوم !
عندنا واحد من حلتنا عندو دفار جامبو من ابناء الهوسا المحترمين والصادقين.
طالع من الخرطوم مشوار مع خمسة افراد بلبس مدني عادي معاهم ٤ ثلاجات كبيرة وصندق حديدي كبير اتفق معاهم المشوار للابيض ٨ مليون لحدي هنا الامر+

عادي وطبيعي قبل الابيض شاف الجماعة من المرايا استبدلوا ملابسهم بملابس جيش قال خفت وتاكدت انهم دعامة يقول وصلنا الابيض قال الجماعة غيرو رائهم وقال ليهو تطلع بينا منطقة بعد الابيض باتجاه دارفور يقول لو رفضت ليهم مصيري الموت وافقت وطالبتهم بزيادة المبلغ اكملوا المبلغ لعشر ملايين +

وطلعنا قال الجاز عندي كم كيلو وبخلص سكت ماقلت ليهم اول ماطلعنا من الابيض بمسافة بسيطة الجاز قطع وقفت الجماعة مالك واقف قاليهم الجاز قطع طيب والحل قال برجع الابيض بجيب جاز وارجع ليكم باي تكتك قال رجعت الابيض واقرب ارتكاز جيش بلغتهم قال ادوني جاز وقالو لي ارجع ليهم وصلت الدفار +

وصلت الدفار والدعامة قاعدين عملت فيها بعبي في التنك خمس دقائق ٣ تاتشر جيش يدك فوق يدك فوق قال رفعت يدي معاهم ووقفنا كلنا مسكوهم ربطوهم قال المفاجاة فتحوا الثلاجات لقوها مليانة فل دولارات رزم والصندوق من فوق جنيهات وتحت ذهب سبائك ومشغول. قال والله قربت اجن ركبوا الدعامة في تاتشر+

وركب معاي واحد رجعنا الابيض، الجيش حاسبني علي حق المشوار كامل ١٠ مليون،
قال والله ماصدقت اني لسة انا عائش !
ياجماعة والله القصة حقيقة شوفو القاعد يحصل من اجانب عابرين الحدود !!
منقول