ثريد:
قصه اثنين اصدقاء تعطلت عليهم السيارة وانقطعت بهم السبل ،في صحراء الربع الخالي في السعوديه 🔞☠️:
قصه اثنين اصدقاء تعطلت عليهم السيارة وانقطعت بهم السبل ،في صحراء الربع الخالي في السعوديه 🔞☠️:
في البداية الأشخاص المهتمين بالزراعه و المعدات الزراعية الثقيلة هذا خوينا مبتدي في مشروعه ويعرض السلع الي عنده في حاله الواتس او السناب ويترزق الله من وراها وحبيت اني ادعمه وانتم لا تقصرون بالرتويت لهذي التغريدة وإضافة حساباته في مواقع التواصل الاجتماعي ، الله يكتب لنا ولكم الخير…
في البداية اعزائي تنويه مهم لمن يُشاهد التغريدات وهو ليس من متابعيني، حسابي اقدم فيه ثريدات مختلفة بإستمرار، متابعتكم شرف لي🙏🤍
تدور احداث هذي القصه في المملكة العربية السعودية مع اثنين اصدقاء ذهبوا للبر في رحله صيد الإثنين ذول من ادهى الناس خبره في البر يعرفون كل تفاصيله وكل منطقة فيه يعاملون البر كأنه بيتهم من كثر ما يفهمون فيه وسبق لهم راحوا البر اكثر من مره ولا صار لهم شي
ولكن في يوم من الأيام مثل كل مره قرروا انهم يطلعون البر لمده عشره أيام في رحله الصيد في صحراء الربع الخالي التي لا تعرف الرحمه ، جهزوا انفسهم و أغراضهم الي يحتاجونها و المويه الي يكفيهم لمدة 10 ايام انطلقوا في الصباح وهم ماشين في الربع الخالي حل الظلام عليهم فقرروا انهم
يدورن مكان مرتفع عشان ينزلون عفشهم و السلق الي معهم وينامون هذي الليلة هنا واذا صحو الصباح يكملون طريقهم في رحله الصيد طبعاً كانت فايده السلق انهم تساعدهم في صيد الأرانب ، وهم طالعين احد الطعوس الكبيرة سيارتهم بدت يطلعلها صوت غريب فتكلم الراكب عرفت المشكله يا خوي
اضن اني عرفتها المشكلة كبليتر السيارة وقفوا سيارتهم وفتحوا الكبوت وشافوا الكبليتر فعلاً كان كله غبار بسبب الطريق وكانوا متوقعين ان المشكله راح تنحل في نص ساعه بالكثير لانهم خبره في امور تصليح السيارات كانت عندهم الخبره الكافيه وهذا شي بسيط بالنسبه لهم
وهم يشتغلون واحد منهم طاحت منه قطعة مهمه في الكبليتر فنزل بشكل طبيعي حتى يدور عليها ولكن ما وجدها فحس انه الموضوع صار خطير جداً ونادا خويه وقاله ترا ضيعت القطعه المهمه في الكبليتر وعجزت احصلها راح عنده خويه دور عليه ولكن ما حصلوا اي اثر عنها ويدرون بنفس الوقت مراح تشتغل السيارة…
التفت السواق للراكب وقاله لا ندور الحين و نضيعها زياده يا خوي خلنا ننام واذا صحينا الصباح ندور عليها اخذوا اغراضهم وطلعوا فوق الطعس وناموا وصحو الصباح ورجعوا لمكان السيارة وبدو يدورون ولكن للأسف ما حصلوا لها اثر ابداً و الراكب كان مرتبك وكان يعلم انهم وصلوا لنقطة ما يوصلها احد
و اقرب حدود لهم هي الحدود الاماراتيه فقام فجئة السواق وجلس وقال للراكب احنى لازم نمشي لان لو بقينا هنا راح نمـ.ـوت لا محالة لان المكان الي احنى في صعب احد يجينا فيه و اقرب منطقة لنا هي الحدود الاماراتيه خلنا نمشي مع هذا الدرب عارضة الراكب كيف تبينا نمشي مع طريق اول مره نجي معه
قاله السواق انكانك تبي تعيش انا اشوف انه هذا السبيل الوحيد للنجاة اقتنع الراكب وقاموا يجهزون نفسهم للنجاة من المـ.ـوت واخذوا لستك السيارة وقطعوه وعبوه ماء وألتفت السياق على خويه وقاله السلق ما نقدر ناخذهم معنا لانه يالله المويه يكفينا حطوا مويه واكل عند السيارة لهم ومشو في طريقهم
وهم ماشين في طريقهم الي يودي لدوله الإمارات لحقهم واحد من السلق وحاولوا انهم يرجعونه للسيارة ولكن رفض تكلم الراكب قال خله يا فلان ممكن وجوده معنا في خير وفعلاً اخذو السلق معهم وكملوا طريقهم ومر اليوم الاول و اليوم الثاني كانت طريقتهم يشربون المويه مره وحده باليوم
اما من ناحية الأكل كانوا يهشون على الشجر يطلع أرنب ويفكون عليه السلق و يصيدونه وياكلونه فعلاً وجود السلق معهم خير مر اليوم الرابع عليهم والخامس و لما جاء اليوم السادس تعبوا جدًا حسو انهم قطعوا مسافة طويله جداً والموية الي معهم على لحظاتها الآخيرة ناظر السواق في السلق
وقال لخويه المويه الي معنا مراح تكفينا لازم نتخلى عن السلق ولا راح نمـ.ـوت وكان قرار جدًا صعب عليهم لان السلق انقذهم من الجوع وكان معهم طول الطريق يحميهم ولكن مجبورين ويوم كانوا يشربون المويه كان السلق يطالع فيهم ويبي مويه كان الوضع جداً قاسي واستمرو على هذا الحال
لحد اليوم الثامن وشافوا السلق تمشي وتطيح إلى ان طاحت ولا قامت بعدها وكملوا الإثنين ولا جلسوا إلى يومين لما اكتمل اليوم العاشر الي يسوق السيارة طاح والتفت على خويه وقال انا الظاهر اني مودع يا خوي فكمل انت رفض الراكب وقال مستحيل اسيبك اخذه وشله على ظهره ولكن ما قطع مسافه طويله
لأنه كان تعبان جداً فحلف عليه صاحبه الا انك تنزلني ولكن قبل ما تمشي يا خوي انا بوصيك على وصيه ان الله نجاك ترى بيتي في فلوس ابيك تاخذها وتشارك فيها في بناء مسجد نيه عن امي المتوفاة فكان خويه يعطيه امل انه بلحق اجيب دعم وراح تعيش قام خويه واخذ عصا وحطها عند راس خويه عشان يرتكي…
وشماغه وربطه براس العصا اول ما ربط الشماغ مشى مسافة بسيطة الا خوينا الي الجالس الي كنا نعتقد انه بيمـ.ـوت طالع يمين شاف الشوفه اللي محد يتمناها شاف خويه الراكب مخلي المويه الباقية في اللستك ضحى خويه بالموية وكمل طريقه زعل السايق وجلس يبكي وينادي خويه يرجع ياخذ المويه ولكن كمل…
كمل طريقه الراكب ليل ونهار وهو يمشي ولما حل الظلام قرر انه يطلع فوق طعس كبير يبي يشوف اي شي ولكن للأسف ما شاف شي استسلم للمـ.ـوت بالعاده هو مكان يمشي في الليل ينام ويصحى الصباح يكمل طريقه ولكن في ذيك الليلة الله ارد انه يقوم ويتحامل على نفسه ويمشي وكان يمشي في ظلام ولا يدري
وين يمشي لحد ما وصل لطريق تمر منه السيارات وطاح واغمى عليه ولا يدري عن نفسه فجاة وبعد لحظات وصل رجل ماشي في الطريق معه جيب شاص شاف شخص مرمي على الطريق ما يدري هل هذا عايش ولا مـ.ـيت ولا وش سالفته بالضبط نزل من السيارة يجري اخذ علبه مويه بدا يكب عليه المويه لحد ما صحي وكان يردد…
خويي لا تنسونه عند المركاز وكان الشخص الي انقذه سوداني اخذه في سيارته وداه إلى اقرب عيادة وكانت تابعه إلى ارامكو وكانت حالته شبه ميئوس منها ولما وداه السوداني تذكر كلام الرجل خويي عند المركاز وطلع السوداني وكان عارف المنطقة هذي كويس وراح يمشي على اثر الراكب لحد ما وصل عند السواق
الي عند العصا قام واخذه جثه هامدة وداه للمستشفى الي في خويه وطلع عايش وتنوم جنب خويه في نفس الغرفه اول ما صحي السواق الي كان عند العصا مو مصدق انه عايش يناظر جنبه الا خويه مغمى عليه كان مفكر انه مـ.ـيت لكن طمنوه انه عايش وبعد فتره صحي خويه وكتب الله لهم عمر جديد
سنابي اتشرف فيكم 🤍🙏
t.snapchat.com
t.snapchat.com
جاري تحميل الاقتراحات...