لو ممشيش في خلال نهاية السنة دي ولو عمل انتخابات و نجح فيها و كمل ، البلد دي هتتحول سودان ، سوريا ، ليبيا ، يمن ، عراق وهو بنفسه اللي هيحولها لو حد بعد كدة قال له امشي، البلد مش هتقوم لها قومة تانية طول ما هو فيها ،البلد مرشحة لانهيار مفيش معه عودة تانى ،الوضع اخطر مما حد يتصور

العالم كله عارف انها بتغرق نهائيا و مفيش امل للنجاة ، الكل عارف ان فرص النجاة دلوقتي ربما تأخر الغرق مدة من الوقت ربما قصيرة أو ربما يجبلها مخرج تنجى به ، و الكل عارف ان استمراره فيها يعني أنها مش هيبقي في فرصة نجاة واحدة و أن الغرق هيشمل الكل و بسرعة ، المصريين بس اللي ميعرفوش

المصريين بس اللي في مكان تاني من الدنيا ، في حتة تانية مقفول عليهم باب و مطفي عليهم النور و اساسا هم عميان ، علشان يوصلوا للدرجة دي من عدم الرؤية !!! مستحيل يعني اللي بيحصل ده ، مستحيل بجد ، ده محصلش في تاريخها من يوم ما ربنا خلقها والله

مفيش منطق يقول إن في عاقل يبقي عشمان أنها هتقوم طول ما هو فيها ، مستحيل يبقي بني ادم سوى و عنده ٣٪ عقل من عقل البشر يفكر كدة ، مستحيل اللي بيحصل ده ، وصلنا كدة ازاي ؟! مش قادر افهم ، بس اللي قادر أفهمه أنها هتنهار قريب جدا ، يعني لو دخل علينا ٢٠٢٥ و البلد دي موجودة يبقي اعجاز