الناس ديما لما بتحاول تدور على الفايدة من قراءة التاريخ، أول إجابة بتكون مفيد علشان بيخلينا نتوقع هيحصل ايه في المستقبل وبيحسن فهمنا للواقع اللي بنعيشه.
في حين إن في اعتقادي إن الحاضر هو اللي بيفسرلنا التاريخ، التاريخ ديما قاصر.
بس حدث زي ده يوريلك في أرض الواقع..

ازاي حصل "تجديد للخطاب الديني/الفقه الإسلامي" على مر التاريخ ودور السلطة المحوري فيه، وبيبين حقيقية الصورة الوردية اللي العلماء المسلمين قاعدين في صحن المسجد وراهم عامود وبيتدارسوا مع طلابهم وبيتناقشوا مع العلماء التانيين وبعدها يطلعوا بمذهب جديد، وكمان مذهب معترف بيه من السلطة

اللي بيعمله ولي العهد واحنا بنتفرج عليه وتطوره بيسلط الضوء وبيورينا لايڤ اللي عمله مثلا المأمون مع المعتزلة وتبنيه للفكر بتاعهم، وإزاي بقوة السلطة تراجع المذهب الحنبلي، ولو بس المأمون كان عنده ذرية، كان زمان الإسلام النهاردة معتزلي

ودي الحاجة المثيرة للإهتمام في اللي بيحصل، واللي بيخلي الفرجة عليه ليها معنى، بتدي تفاصيل وروح لأحداث تاريخية مكنتش عارف إزاي حصلت بشكل يومي، إزاي التفاعلات كانت بتحصل، وبتفهما أخيرا بشكل أقرب للواقع