خالي كان بيحكيلنا موقف من حلاوته لازم ارفعه !
عن بنت اتقدملها عرسان صالونات كتير ، بس كانت بترفض دايمًا ، كانت بتخاف من الجواز وأنها هتأمن حياتها مع راجل غريب ، هتسيب نفسها تنام ازاي وممكن هو يبقى صاحي ؛ مش ممكن يموتها ، كانت أفكارها صعبة والناس طلعوا عليها انها تعبانة في عقلها !
عن بنت اتقدملها عرسان صالونات كتير ، بس كانت بترفض دايمًا ، كانت بتخاف من الجواز وأنها هتأمن حياتها مع راجل غريب ، هتسيب نفسها تنام ازاي وممكن هو يبقى صاحي ؛ مش ممكن يموتها ، كانت أفكارها صعبة والناس طلعوا عليها انها تعبانة في عقلها !
لحد ما اتقدملها واحد مشلول واصم ، بيتكلم بس مش بيسمع(والعجز كان مكتسب من حادثة) ، وقاعد على كرسي بعجل ، والدها كان متخيل انها هترفض بس اتكسف يرفض من برة برة وعمل قعدة صالونات ، ف البنت بتحكي وبتقول انه ما اتكلمش ولا كلمة ، فضل باصص ليها وساكت !
وبعد ما مشي والدها ما راحش سألها أصلا ؛ لانه متوقع الرد انها هترفض ، لقاها داخله عليه وبتقوله انها موافقه !
والدها اتذهل جدًا ؛ ازاي ده مشلول يا بنتي ومش بيسمع ، بقي ترفضي كل دول وتوافقي علي ده ؛ قالتله اه !
والدها اتذهل جدًا ؛ ازاي ده مشلول يا بنتي ومش بيسمع ، بقي ترفضي كل دول وتوافقي علي ده ؛ قالتله اه !
وفعلا نشفت دماغها واتجوزته وعاشت معاه ٢٠ سنة لحد ما هو مات وهي ماتت بعده بسنتين ، ف خالي كان سألها مرة اشمعنى ده ؛ صحيح يعني هو كنتي بتعاندي وخلاص ، قالتلي لا بس يوم ما اتقدم ما اتكلمش ولا بص لشكلي ولا اي حاجة فضل باصص لوشي ومبتسم وساكت !
شوفت في عينيه بيقولي اطمني انا معاكي، اطمني متخافيش، حسيته بيطبطب عليا بدون ولا كلمة، طمني بنظرته، غير كل اللي شوفتهم كانوا داخلين يعاينوا بضاعة هيشتروها ، عينيهم كانت كلها غل وامتلاك، قالتله الحياة بينا كانت صعبة بسبب ظروفه بس كل ما احس اني زهقت ابص لعينيه اشوف فيهم كلمة اطمني !
من اسبوع كده راكب ف ميكروباص ركب ولد وبنت معايا ، الولد قعد على كرسي بعيد عن البنت ؛ لما سألتهم عن السبب عرفت ان هما اخوات وهو باصص عليها مشالش عينه من عليها ، هي تقعد شوية باصة قدام وتبص ورا فجأة تلاقي اخوها باصص عليها تبتسم وتبص قدامها تاني !
وهكذا لحد ما البنت نزلت وهي نازلة اتكعبلت ووقعت ، اخوها بيحاول يقوم عشان يوقفها ، هي وقفت بسرعة وبصت عليه لقيته مخضوض وواقف وبيحاول ينزل الناس عشان يقومها ، هي ابتسمت وشاورتله أن خلاص مفيش حاجة ومشيت وهي عينها متعلقة ومبتسمة لأنها شافت في عينيه اطمني انا معاكي انا موجود ؛ اطمني !
كتير اوي في حياتنا بنقع والحياة بتنفخنا فعلاً ، ومش بنبقي مستنين من اللي حوالينا مساعدة لا مادية ولا نفسية ولا عايزين حد يحل مشاكلنا ؛ بنبقي محتاجين بس حد يبصلنا ويقولنا اطمن احنا موجودين عيننا عليكم بس !
البنت اللي وقعت مكانتش مستنية اخوها يقومها بس اول ما وقفت بصت ناحيته لقت عينه عليها اطمنت وابتسمت مع ان الوقعة ممكن تكون جرحتها ، بس نسيت الجرح ويمكن متحسش بوجوده ؛ لأن فيه عين عليها بتقولها اطمني !
البنت اللي اتجوزت مكنتش مستنية معجزة تخلي جوزها يمشي ويسمع ، هي عارفه هي داخلة علي اي ؛ اتجوزته وجابت منه بنت وولد ربتهم احسن تربية تقدر عليها ، بس هي شافت في عينيه اطمني ؛ انا مش هساعدك بحاجة بس اطمني انا موجود !!
اي علاقة بين اخ واخت ، اب وبنته ، حبيب وحبيبه ، زوج وزوجة ؛ محدش محتاج منك حاجة ، محدش محتاج التاني يحل ليه مشاكله ، كل اللي الواحد بيبقى محتاجه حد عينه علينا لما نقع يقولنا اطمنوا !
طمنوا نفسكوا ، طمنوا عيالكوا ، طمنوا اخواتكم ، طمنوا الناس في الشارع بنظرة وابتسامة ، طمنوا حبايبكم ، طمنوا زوجاتكم ، طمنوا تلامذتكم !
طمنوا بعض بنظرة ، محدش محتاج من حد حاجة !
طمنوا بعض بنظرة ، محدش محتاج من حد حاجة !
جاري تحميل الاقتراحات...