غايتو الشاعر دا اتقطع في القصيدة دي 😁😁😁
(مرثيه لروح قائد المليشيه المتمردة حميدتي)
رحل الكان بوزع في القروش بالكوم
ورحل قايد المليشه الما بعرف الصوم
رحل المن صغير همباتي صايع وشوم
فاقدنو البفش تصريحو كل مضيوم
رحل الناصر القحاطة في الخرطوم
،،،،

يا حليلو الجمع كل الملائش وجانا
ويا حليلو البفاوض لينا شان ياذانا
يا حليلو البيضرب في بيوتنا بالدانا
رحل ود، دقلو بوراهو البلد طربانا
فاقدنو العبيط طبعه وشبايهو قلال
فاقدنو العبيط المابستر الحال
فاقدنو الخبيث الخائن الدجال
فاقدنو العميل شاري الرجال بالمال
،،،،،

وين فايتنا يا سياتو الفريق النائب
وين فايتنا يا راجل الفريق الخائب
وين فايتنا يا الدهمه الوراها عجائب
بدون ما تسوق جماعتآ،ودروك يا العائب
،،،،،
ياحليل الشرد من سوبا لي شمبات
في ضل الشدر قيل نهارو وبات
ياحليل الرقد في عنبر الدايات
وياحليل النضم بعد ما كفنوه ومات.

الصلا والسلام لي سيد كنانه - قريش
عدد الختا في هذا الوطن من جيش
بدعوك يا كريم يا الندرتك مافيش
يجيك في قبرو متغربل تِغربل عيش