اقنعة الاكتئاب ( مين قال لك ان الاكتئاب له وجه واحد؟! ان الشخص مو قادر يتحرك او يعمل شي ، خذ عندك في الثريد هذا ( حنتكلم فيهم عن كم قناع المكتئبين ماشيين فيه وكمان ولاحاسين الا بحاجة وحدة ( فقد المتعة)
١-اول قناع الكمالية( الكل او ولا حاجة) واكثره عند الناس المتفوقة جدا واللي غالبا تربوا في بيئة حادّة شوية في المعايير، فيكبر يتعامل مع نفسه ( كآلهة) مايغلط ولو غلط ( يدي نفسي على قفاها) وينزوي وتتهدّ الدنيا.
٢- ثاني قناع المهرّج، اللي في كل قعده هدفه يضحك الناس ويزغزهم والناس تشوف منه الوجه ذا بس ولاعمره اتكلم عن هو مين ومشاعره ايش وساعات يخلي نفسه هو مادة ضحك لغيره ( يتريق على نفسه)
٣- قناع الدينمو( وذا اللي تشوفه يشتغل ٢٤ ساعة) ولما ياخذ اجازة يحس بذنب مرضي ياكله من جوه ودائما علاقاته فيها بعد عن الطرف الثاني .
٤- قناع الاكّيل، وذا اللي حاطط تفكيره كله في الاكل والسمنه اكل واحد تخدم على هدف نفسي خاص بكل شخص ولايضيع فيها غيره .
٥- قناع الصرّاف، عايش عشان يلبس بس من سوق لسوق نهار وليل ومهما اشترى تعيس من جوة حفرة مهما رمى ماتملا
٦- قناع الثرثرة ، الشخص اللي بيتكلم طوال الوقت لدرجة ساعات يلهث من التعب لكن مايوقّف ( كلام قهري) كأنه يهرب او يجري وورا كثرة الكلام هذه الام لاتحتمل .
٧- قناع شمعة الجلّاس ، ابو العزايم كل يوم ومن اول مايصحى لين ماينام شغلهم الشاغل ترتيب حفلة او جمعة او عزومة ، القعدة لحالهم والاستمتاع الذاتي ( مرعب) يهرب عن نفسه بالناس والناس طبعا مو دائما فاضية فيرجع يتضايق ويرجع يدور على الناس ثاني دائرة مستمرة
٨- قناع بابا نويل ، صاحبنا ابو الهدايا يشتري للناس اكثر مايشتري لنفسه وهو ( يدفع عشان ينحب) طبعا ذا شفاط للمستغلين والمتطفلين والمتزحلقين على قفاه ،،
٩- الدنجوان ، وامرأة العزيز اخطرهم لان الاذى يتسرسب على الناس ، ينط من علاقة لعلاقة وكل مرة يحب وبرضه يكره محتار ومتعدي ونهايته سودة لو ماراح لحق نفسه وتعالج
١٠- صاحب البرج ، وهم اللي يبنوا انفسهم برج ويقعدوا فيه ويخاطبوا الناس من فوق ( نقد مستمرتحت غطاء ديني-نقدتني غطاء علمي_نقدتحت غطاء عادات وتقاليد) شغال ٢٤ ساعة يحاكم الناس من غير محد يطلب نصيحته تلاقي النصيحة خابطة وجهك
وللثريد بقية ( الجزء الاول )
جاري تحميل الاقتراحات...