في فرصة كويسة اننا نكسب زمنا ونحاول نستفيد من وقت الفراغ الكبير القدامنا دا
- في منحة اسمها kiron بتقدر من خلالها تقرا اغلب كورسات coursera مجاناً وتاخد شهادات الكورسات برضو، المنحة معمولة للدول الفيها حروب وحالياً متاحة للسودانيين (المنحة مدتها سنتين).

- شهادات coursea قوية شديد ومعتمدة وفيها كورسات من جامعات كتيرة وممكن ترفع الشهادة طوالي لحساب linkedin اذا عندك.
- اغلب الناس حالياً قاعدين في حتات مافيها شبكة مستقرة، الحاجة الكويسة انو انت ما حتحتاج لنت كتير، كل العليك انك تمشي اقرب حته ليك فيها نت وتنزل كل الmaterial حقت

الكورسات (فيديوهات وpdfs) .. وتاني بتقدر تفتح التطبيق حق coursera من غير نت عادي وتقرا الكورسات.
- خطوات بسيطة وساهلة شديد حتاخد منك دقايق بس (حنزل لينكات شرح مفصل من يوتيوب في الكومنتات) :
1- نزل تطبيق coursera من google play واعمل اكاونت بالايميل حقك

2- افتح موقع kiron واعمل اكاونت بنفس الايميل السجلت بيهو في coursea
3- في موقع kiron في حته بترفع فيها اي اثبات يثبت انك سوداني (يفضل الجواز)
4- بتعمل ربط لحساب coursea بحساب kiron عشان الكورسات تتفتح ليك مجاناً

5- حردو عليك في فترة اقصاها اسبوعين (انا ردو علي بعد يوم واحد بس) وان شاء الله حوافقو ليك