ثريد:-
"الحرب دي مسألة زمن وتنتهي" دي بديهيات يا جماعه ، المشكله في الفتره الزمنيه زاتها ،الدعم السريع إنتهى وتم فصله من قياداته وأصبح مشتت؟! نعم حاصل لكن عمليات تنظيف الجيوب ومستعمرة شرق النيل وغيرها من المناطق المُحتلة في العاصمه "هي الاغلبيه" دي جراحة طويل جدا جدا ومن غير بنج
"الحرب دي مسألة زمن وتنتهي" دي بديهيات يا جماعه ، المشكله في الفتره الزمنيه زاتها ،الدعم السريع إنتهى وتم فصله من قياداته وأصبح مشتت؟! نعم حاصل لكن عمليات تنظيف الجيوب ومستعمرة شرق النيل وغيرها من المناطق المُحتلة في العاصمه "هي الاغلبيه" دي جراحة طويل جدا جدا ومن غير بنج
الواقع مفصول عند كُل فئه في كُل منطقه على حدا ، مثلاً شرق النيل ، جنوب أمدرمان و غربها الدعامه كتار جدا على العموم ، بِقدر ما في كميات بتموت وكميات بتهرب في كميات غيرها بتجي داخله بغرب أمدرمان وبطرق ومنافذ تانيه فبتلقى نظرات الناس لواقع فترة الحرب مختلفه
كدي قبل اي حاجه عشان ما تصدعوا بي صاحب الحساب لا ينتمي لاي جهة سياسية او عسكريه "مواطن سااااي يعكس نظره واقعيه بعيداً عن سوق الوهم والقطيع" داعم لمؤسسة القوات المسلحة و وحدة الجيش السوداني.
المهم
إنتشار الدعم السريع وتكتلاته تمثل أزمة عسكريه حقيقيه تهدد الدوله وعدم التدرج الرُتبي والتنسيق الهرمي للقوة دي يمثل مشكله كبيره للجيش ، المعطيات المحليه والاقليميه لا تُبشر بحسم عسكري على المدى القريب ولا شكل توزيع وانتظام القوة دي ممكن يخضع لحسم عسكري في فتره زمنيه بسيطه
إنتشار الدعم السريع وتكتلاته تمثل أزمة عسكريه حقيقيه تهدد الدوله وعدم التدرج الرُتبي والتنسيق الهرمي للقوة دي يمثل مشكله كبيره للجيش ، المعطيات المحليه والاقليميه لا تُبشر بحسم عسكري على المدى القريب ولا شكل توزيع وانتظام القوة دي ممكن يخضع لحسم عسكري في فتره زمنيه بسيطه
عادةً الحروب قصيرة المدى والتمرد على الدول بتم حسمه عسكرياً بسرعه(خليل) لاسباب ما اتوفرت في الازمه السودانيه الحاليه منها :-
١-عددية القوة المتمرده بتكون بسيطه (الدعم كتير)
٢-التمرد بكون جاي من الخارج مستهدف العمق الاستراتيجي للدوله (التمرد هنا بدا من العمق الاستراتيجي للدوله)
١-عددية القوة المتمرده بتكون بسيطه (الدعم كتير)
٢-التمرد بكون جاي من الخارج مستهدف العمق الاستراتيجي للدوله (التمرد هنا بدا من العمق الاستراتيجي للدوله)
٣-عدم توفر دعومات اقليميه زي المتوفره حالياً للجنجويد.
٤-عدم الإطلاع المدروس على مداخل ومخارج الدوله.( فترتهم الزمنيه القعدوها كانت كافيه لاطلاعهم على المداخل والمخارج ودا بظهر في التعزيزات القادمه من خارج الولايه وبتصل)
٤-عدم الإطلاع المدروس على مداخل ومخارج الدوله.( فترتهم الزمنيه القعدوها كانت كافيه لاطلاعهم على المداخل والمخارج ودا بظهر في التعزيزات القادمه من خارج الولايه وبتصل)
الدعم السريع وقياداته بصوره سياسيه وعسكريه ضُربت في مقتل ووجودهم في الحكم ما عنده علاقه بانتصارهم او هزيمتهم لانو دي حاجه مرفوضه تماماً عند الشعب (من زمان) وعند المؤسسه العسكريه (حالياً) فدا بأثر سلباً على فترة انقضاء الحرب دي او حسمها عسكرياً.
ماف حرب بين قوتين متقاربات في العدديه والعتاد انتهت بحسم عسكري كامل وفي فترة زمنيه بسيطه ما تبيعوا للناس وهم وتضيعوا ارواحهم واملاكهم واعراضهم سُدى.
الشعب كاملاً مغبون وكاره الجنجويد فما تزايدوا علينا بالله لما نقول لا للحرب الخيار دا حتتمنوه لقدام وما حيكون في طريقه ليه اذا تفاقمت أجندات بعض الدول وزادت مطامعها وامكانية وولوجها لاحد اطراف النزاع وبالمناسبه زي ما تركيا بتدعم في دول ضد تركيا بتدعم في الاتجاه المضاد.
تعجيل عملية التفاوض والحل على الطاوله هو أسلم وأسرع حل يا اهل العقل والمنطق وكل ما زادت الفتره الزمنيه كلما زادت الضريبه على الوطن والمواطن ، والعناد والاصرار على الحسم العسكري ما هو الا مراهقه سياسيه كانت ام عسكريه ومزايدات يدفع حسابها المواطن.
فيبقى كل التمنيات لانتهاء الحرب اذا كانت مقرونه بنظرية" الحسم العسكري " فما تنتظروا شهر او شهرين او تلاته او اربعه لانه ما حيحصل واكسبوا زمنكم بالهجره ووسعوا خياراتكم عشان تقدروا تعيشوا..
جاري تحميل الاقتراحات...