مجموعة رصاص كلاش في الحائط وباب الشارع أثارت الرعب في البيت تبعها قرع الباب بعنف شديد وأوامر بالخروج من المنزل...
منعتُ الأولاد من فتح الباب وذهبت بنفسي متوكأً على عصاي التي ليس لي فيها أي مآرب أخرى...
تاتشر ذات دوشكا موجه إلى الباب ، فاجأها ظهوري ولم يفاجئني ظهورها ،

وثلاثة صبيان لم يتجاوز أكبرهم العشرين مدججين بأسلحة رشاشة.
يسألني أحدهم بمنتهى الأدب : *(عمنا ، دا بيت اللوا حسن مَحَمود)؟*...
أجبته بهدوء يبدو أنه قد فاجأه *(أي نعم ، دا بيت اللوا ، إنتو منو؟)…..*
أجابني: *(إنت أبوهو؟ )...*
أجبته *(أيوه أبوهو ، إنتو منو؟ )*

*_(نحن زملاتو وعاوزنو ، هُوْ وينو؟ )*
_*(شغال في شندي وقاعد هناك مع اولادو وبيجينا يوم الخميس)*
_*(خلاص كل سنة وإنت طيب يا عمنا خليهو يرجانا الخميس ، طيب بتعرف بيت اللوا نصُرالدين واللا اللوا بدُرالدين في حِللتكو دي؟)*
*(أبداً والله، أنا أصحاب ولدي ما بعرفهم)*

غادرت التاشر بما فيها ومن فيها وغادرتُ أنا إلى بورتسودان ومعي كل آلأسرة...
تحية لكل الأحباب من بورتسودان التي وصلنا إليها الآن بعد رحلة مضنية...
*محدثكم اللواء معاش حسن محمود