الكلب دا ظهر من فترة عند البيت واختار إنه يكون دا مكانه وأنا اقنعت الناس ان مفيش منه قلق وكلهم حبوه بعد كدا، اختفى فترة ورجع رجله غالبا مكسورة وبقالي يومين عامل مش واخد بالي عشان وقتي وظروفي متسمحش بس مقدرتش اتجاهل أكتر من كدا وقفشته انهاردة وهوديه للدكتور يارب تكون حاجة بسيطة 😭
عملتله x-rey طلع كسر وهيحتاج عملية وعنده عيب تاني خُلقي في مفصل الركبة بس مش قصتنا دلوقت ، عنده ممان بدايات جرب ومليان حشرات اديتله قرص برافيكتو هيحل المشكلة دي ، للأسف بقى لما رجعت سيبته في الجنينة ودخلت اتطمن على الكلاب ورجعتله لقيته قطع السلك وخرج وهيطلع عيني عشان أقفشه تاني😭
هو متوتر وخايف على نفسه ومش فاهم إني بساعده طبعا بالعكس هو فاهم إن أنا واحد عمال أأذيه وأشيله وأحطله حاجات في بوقه وأمسكه ياخد حقنة وناس تتلم عليه تمسكه"الدكاترة" وأركبه شيء مزعج ومخيف"العربية"،حد حابب يتطوع معايا في الموضوع دا وييجي يتعرف عليه ويمسكه عشان هو فقد الثقة فيا تماما؟
شغلت دماغي عليه وطلع عبيط ومربطش بيني وبين الشخص اللي خطفه من شوية لمجرد إني غيرت هدومي وخرجت بسوزي ولوسي 🤣
جاري تحميل الاقتراحات...