نصائح لترتيب الرغبات :
اول شي بتكلم عن الاستخارة قبل ترتبون رغباتكم استخيروا استخيروا مليون مره ثاني شي اسألوا ناس خبرة بالجامعات اللي بتقدمون عليها ثالث شي ترتيب الرغبات اذا جيتوا ترتبون الرغبات انسوا موزوناتكم رتبوها على حسب اللي تبونه حتى لو موزوناتكم ما تسمح ما تدرون ممكن النسب تنزل
رابع شي اللي ناوين على التحويل اقروا عنه زين وطبعًا التحويل يختلف من جامعة لجامعة نصيحة ثقفوا انفسكم فيه اكثر واعرفوا كل شي عنه خامس شي لا تغركم الجامعة كثر التخصص واللي محددين رغبتهم وما يبون الا هي لا تغركم الجامعة أيًا كانت روحوا للأضمن لكم اذا ما كنتوا قادرين على التنافس
سادس شي لازم ترتبون كل رغباتكم لان بالقبول الموحد اذا بقى رغبات ما رتبتوها هم بيرتبونها لك ف الأفضل انتوا ترتبونها سابع شي لحد يلعب عليكم ويقول لا تحطون رغباتكم الأولى اول شي ما يقبلونكم فيها لا ترا هذا كله كذب مثلًا رغبتكم الأولى صحي سعود حطوها اول شي لا تحطونها ثاني رغبة
، ثامن شي اذا في تخصص تبونه بس ماعندكم معلومات كافية عنه اسألوا اللي حولكم وابحثوا زيين تاسع شي مستقبلكم حاليًا يعتمد عليكم مستقبلكم كله معتمد على اختياركم لتخصصاتكم حطو هالشي ببالكم
عاشر شي لا تختارون تخصص عشان والله بيصير حرف الدال ولا الميم قبل اسمي صدقوني ماراح تكملون بالطب ولا بأي تخصص ثاني اذا ما كنتوا حابينه ومستعدين تخسرون اشياء كثيرة عشانه وبتتحملون ضغط الشغل فيه وبيئة الوظيفة بعدين
اخر شي اذا عندكم اي سؤال او اي استفسار اسألوني تحت او بالتيل او الخاص والأفضل بالتيل وانا بجاوبكم🤍
صح نسيت شي مرررره مهم للي ما يعرفون وش التخصص اللي يبون يدخلونه من وجهة نظري اقولكم اعتمدوا على ٣ نقاط
١- درجاتكم وين ممكن تدخلكم
٢- اختاروا التخصصات اللي لها مستقبل وظيفي مضمون
٣- بيئة الشغل فيها مناسبة لكم
١- درجاتكم وين ممكن تدخلكم
٢- اختاروا التخصصات اللي لها مستقبل وظيفي مضمون
٣- بيئة الشغل فيها مناسبة لكم
خلاص صدق اخرررر شي نصيحة اللي موزوناتهم مره نازله رتبوا حسب التخصصات اللي ممكن تقبلكم اذا كان اهم شي عندكم انكم تدخلون الجامعة يعني لا تشطحون بترتيب الرغبات واكون معكم صادقة ترا الموزونات اذا ما ارتفعت ممكن تنزل شي بسيييييط يعني فواصل وبالكثير ٣ درجات خلو هالشي ببالكم
جاري تحميل الاقتراحات...