معظمنا بيتجوز ومش واعي بفكرة الجواز وسنينه !
قلة الوعى بيؤدي لقلة نضج في إدارة نموذج الزواج بشكل يخليه يمشي في الحياة من غير ما العجلة تنام !
لان طول ما هما عايشين ومش واعيين وسايقين ؛ بيقابلوا شروخ !
قلة الوعى بيؤدي لقلة نضج في إدارة نموذج الزواج بشكل يخليه يمشي في الحياة من غير ما العجلة تنام !
لان طول ما هما عايشين ومش واعيين وسايقين ؛ بيقابلوا شروخ !
لو متصلحتش اول بأول بيوصلوا للحظة اللي بيضطروا فيها يغيروا العجلة وممكن يغيروا شريك الحياة !
ف بعض المفاهيم محتاجة تتظبط عشان تركزوا فيها وانتوا بتركبوا مرجيحة الجواز !
وهنا لازم نتكلم علي نقط لاداره هيكل الزواج ؛ وهيكل الجواز هو اللي بيحمي العلاقه من اي مخاوف تنخر فيها من جوا !
ف بعض المفاهيم محتاجة تتظبط عشان تركزوا فيها وانتوا بتركبوا مرجيحة الجواز !
وهنا لازم نتكلم علي نقط لاداره هيكل الزواج ؛ وهيكل الجواز هو اللي بيحمي العلاقه من اي مخاوف تنخر فيها من جوا !
- الجواز مش حب وهمبكة ، الجواز شركة بتتفتح بين الأتنين بيواجهوا فيها تحديات ، وكل واحد عنده قدرات وإحتياجات محددة ؛ لازم كل واحد فيكوا يبقى واعي لاحتياجات شريك حياته ولقدراته عشان يعرف امتى يسندله مهمة وامتى يخفف عليه ؛ انتوا بتكملوا بعض ، مش بترموا المسؤوليات على بعض !
- بعد ما نفهم الاحتياجات والقدرات المختلفة ؛ ممكن نقرى شوية في اختلاف طريقة تفكير الراجل عن الست ، عشان نقدر نتكيف مع التحديات اللي بتواجهنا واللي ممكن يكون تحدي منهم انه بيعاملها زى صاحبه ، وهى بتعامله على انه صاحبتها !
- نهد التوقعات تمامًا ، ونشيل اى افكار سابقة لشكل الجوازة ؛ انتوا الأتنين فريدين من نوعكم ، اشتركتم في انتاج كيان تالت اللي هو الجواز ، ومفيش تجربة شبهكم اطلاقًا ؛ فيبقى في مرونة في مواجهة التحديات ، والتوقف عن المقارنة باحلامنا ، او بغيرنا !
- اتفقوا على الأدوار اللي بتلعبوها في البيت بوضوح ، وكل فترة راجعوها مع بعض ؛ عشان كل ما الايام بتمشي ؛ الاحتياجات والقدرات بتختلف ، ف لازم برضو المرونة !
- حددوا هدفكم في انشاء الاسرة ؛ بلاش تعيشوا عشان تموتوا ، وما بينهم اكل وشرب وعيال بتتربى والسلام ؛ عيشوا لهدف محدد تفتكروه لما الدنيا تتعبكم فيديكم امل ، تفتكروه لما يحصل تحديات فوق الطاقة فتختلفوا فيرجع هدفكم يلمكم تاني في نفس المركب !
- خليكوا قد الخلفة ؛ مبتخلفوش عشان تنبسطوا، كده بتلبسوا في الحيط على فكرة ؛ من ساعة ما تخلفوا محتاجين تشدوا الاستك وتعلوا قدرة التحمل لغاية ما تموتوا ؛ عيال يعني مسؤولية لازم اتعلم اربيهم ازاى، اركز على هدفي، يبقى في اجتماعات دورية اشارك فيها مع مراتي في حل التحديات وادارة حياتهم
- على فكرة بلاش بعد الخلفة مود ابو العيال وام العيال ، متنسوش علاقتكم كزوج وزوجة ، لازم اجتماعات لإدارة علاقتكم ، مثلا (ميعاد محدد متفق عليه، اهتمام عالي بالبرفان واللبس اللي يبهر، قعدة بدون مقاطعة فيها حميمية ، عينك مبتفارقش عينيها، ونظرتك كلها اهتمام ، وانتي نظرتك كلها احترام ،
هتعملوا تلات حاجات ، كل واحد يقدّر التاني في اي حاجة بيعملها ويوصف احساسه بالتفصيل ، كل واحد يتكلم عن تحدي محتاج دعم فيه ، كل واحد يتكلم عن انجاز عمله ، وتنهوا الاجتماع ببوسة وحضن من غير اى حاجة تانية )
- بلاش حياتكم سوا تفقد بريقها بكثرة التركيز على العيوب وكمان الكلام عنها ، غضوا البصر عن العيب ، وخلي كلامكم كله تقدير ، وخلي عينكم تقع على اللي يعجبكم فيظهر فيها الانبهار ،
اما بقي لو عيب محتاج تواصل ممكن نتكلم فيه في الاجتماع والمهم يتعرض كاحتياج لك وتقولي محتاجة اي اللي هو عكس العيب ، من غير الكلام عن العيب نفسه ؛ الايجابية بتعمل المعجزات !
- نراعي ان كل شوية بنكبر ونتغير ، ولو عملنا كل النقاط السابقة ، هنحتاج نعمل تعديل مسار كل فترة عشان يحصل مواكبة للتغييرات النفسية لكل واحد فيكم ؛ عارفين لو ركزتم هتكتشفوا ان كل مرحلة كأنكم بتتجوزوا شخص جديد ، وده كفيل انه يجدد الحب جواكم !
بس احنا بنفضل ماسكين في القديم وعايزينه يكمل ؛ يا جماعة هو في اي باقي في الحياة لما تتخيلوا ان محدش هيتغير ! الشاطر اللي يعرف يركب الموجة صح !
- بلاش تسيبوا الزعل يتحوّش ، معظم الطلاقات بتبقى بسبب زعل متكوّم من حاجات كتير صغيرة ؛ لما تلاقي مراتك زعلانة متتخيلش انها هتصفى مع الوقت ، لازم تحسسها باهتمامك انها تصفى ، لانك لو حاولت من تحت لتحت هى كل محاولة بتخبط في سد الزعل ومش بتحس بيها !
لازم مواجهة واضحة عشان الزعل يتصفى ، وطبعا هى مش هتقولك انها زعلانة ؛ لما تلاقيها سخيفة وغلسة ومتغيرة ، وساعات سوري قليلة الادب ، افهم انها موجوعة ، ومش هوصيها عليك ، لانك بتدب الزعلة في وشها ومش بتحوش ، وانتي دلعيه هيصفي علطول !
- كوني له خديجة يكن لك محمدًا ، يا ريت محدش يستنى التاني ، كل واحد فيكم عليه مسؤولية ؛ كن محمداً ، وكوني خديجة ؛ فتحلو الحياة !
اظبطوا هيكل جوازكم ، واتصرفوا جواه بايجابيه ؛ هتعيشوا عيشة لوز !
اظبطوا هيكل جوازكم ، واتصرفوا جواه بايجابيه ؛ هتعيشوا عيشة لوز !
جاري تحميل الاقتراحات...