انا لازم اعلق على الموضوع دة بصراحه لان موضوع مهم جدا ، الدكتور محمود وهبة بيقصد هنا ان البنوك المصرية والبريد بتتوسع فى اقراض الحكومة من اموال المودعين بدون حد اقصى وان دة بيرهن فلوس الناس تحت سلطة وقرارات الادارة السياسية للبلاد ودة نسبيا مظبوط لكن النظام البنكى بكل العالم كدة
ومافيش دولة بتقدم ضمان كامل ١٠٠% للمودعين بالبنوك ولو تفتكرو حادث افلاس البنك الامريكى القريبة من شهرين الاحتياطى الفيدرالى قال ان هناك نسبة مؤمنه من اموال المودعين وهيا ١٠% ودة بيكون فى شكل ان البنوك المركزية بكل بلد بتفرض على البنوك التجارية الاحتفاظ بنسبة معينة مثلا ١٠%
من حجم الودايع والحسابات طرف البنك المركزى واسمة احتياطى نقدى وباقى سلطة البنوك المركزية هيا مراقبة عمليات البنك الائتمانية لتكون متطابقة مع المعايير الدولية بانها تحدد حد اقصى للقروض بكل نشاط ( عقارى /تجارى الخ ) وبان كل عميل بالبنك لازم لة حد اقصى من القروض الى نسبة ودايعة
وضرورة عدم تركيز البنك فى منح ائتمان الا بشروط معينة بان العميل يكون موثوق ولية حسابات وعندة تعاملات واوراقة سليمة وهكذا دواليك ، والدكتور محمود متخوف مش من كل دة لكن من قروض الحكومة نفسها زى اذون الخزانة والسحب عالمكشوف لجهات حكومية زى ماسبيرو او الصحف القومية ودة بيتم بدون حد
طيب يبقة كلامة صح ؟ هوا كلامه صح تقنيا لكن عمليا مش صح لية لان البنك المركزى والحكومة بمصر هما الى بيصدرو النقود ومافى قانون او جهة رقابية بتتحكم فى دة او تشربع معين يخلى جهة رقابية زى الجهاز المركزى للمحاسبات انه يراقب دة او حتى البنك المركزى نفسة يكون مستقل فى قراراتة وطالما
البنك المركزى هوا الى بيطبع وماعلية رقيب يبقى مافيش خوف كمى واساسا قيمة البنكنوت الى بيحددها ظروف الاقتصاد والطباعة ، اذن الحل ليس سحب الفلوس من البنوك لان لو الناس عملت كدة هايبقى زى جماعة حبو يطفو نار فقامو رشو عليها بنزين فولعت اكثر وموتتهم كلهم لكن الحل الوحيد تغيير النظام
ارجو اكون واضح فى التفسير ولو حد عندة سؤال اجابتة مش موجودة بالثريد يتفضل يسال وانا هاجاوبة
بالبلدى كدة انت خايف على فلوسك عندى وانا اللى باطبع الفلوس نفسها ، عاوز تسحب فلوسك اتفضل هاطبعها كلها واديك كل فلوسك كاش وحالا بس قيمتها ساعتها هاتبقى ارخص من الورق المطبوعة علية وتقدر تروح تعملها مراكب بالبانيو او تولع بيها البوتاجاز 😅😅 فهمتم ان السحب مش حل
وحاجة كمان كل العالم كدة انتم فاكرين مشكلة الديون الامريكية الى حصلت من شهر ورفعو سقفها الحكومة الامريكية نفسها مستلفة من البنوك والعالم ٣٠ ترليون دولار ورفعت السقف ل٣٤ تقرببا ومش هاتسدد حاجة لحد هوا النظام المصرفى كدة انت بتسحب وغيرك بيودع بس كدة على طول ماشية كدة بكل العالم
ولو افترضنا ان السيسى ومدبولى وحسن عبد الله وكل الحكومة ماتو بكرة الصبح وتولى ناس ثوريين الحكم والادارة مش هايقدرو يغيرو قيد انملة فى القصة دى لكن تغيير السياسات نفسها هيا المهمة زى الانفاق الحكومى رايح فين وغلق حنفية الفساد وانهاء القطاع العام وضغط الانفاق لكن البنوك زى ماهيا
جاري تحميل الاقتراحات...