فكرت كتير قبل ما انزلهم بس لازم اوثقهم هنا ..
المهم
واحد اعرفه قبل ما يتجوز اتصل بيا وقالي "بعد سنتين هكون بشتغل في شركة محترمة بمرتب محترم وهعيش الحياة اللي انا استحقها"
مفهمتش قصده وقتها وكل واحد راح في طريقه ، المهم بالصدفة قابلته بعد الشغل امبارح وقعدنا ندردش شويه
المهم
واحد اعرفه قبل ما يتجوز اتصل بيا وقالي "بعد سنتين هكون بشتغل في شركة محترمة بمرتب محترم وهعيش الحياة اللي انا استحقها"
مفهمتش قصده وقتها وكل واحد راح في طريقه ، المهم بالصدفة قابلته بعد الشغل امبارح وقعدنا ندردش شويه
وإكتشفت انه فعلآ بيشتغل في شركة توريدات بمرتب مكنش يحلم بيه وساكن في منطقة جميله في المنصورة ؛ علي قد فرحتي علي قد ما اثار فضولي وافتكرت كلامه معايا قبل ما يتجوز فسألته ازاي كنت واثق انك هتحقق احلامك بعد الجواز
قالي ..
"كنا متفاهمين من البداية ، اتكلمنا بالعقل وحددنا الحياة اللي عايزينها ، اتفقنا ان الحلم المشترك بينا هي الحياة الكريمة اللي توفر لينا ولاولادنا الامن والاستقرار ، ودا اللي سعينا وراه علشان نوصل مع بعض ،
"كنا متفاهمين من البداية ، اتكلمنا بالعقل وحددنا الحياة اللي عايزينها ، اتفقنا ان الحلم المشترك بينا هي الحياة الكريمة اللي توفر لينا ولاولادنا الامن والاستقرار ، ودا اللي سعينا وراه علشان نوصل مع بعض ،
افتكر لو كان جمعنا الحب بس كان زمانا عايشين في وضع اقل من دا ، لكن لما اتجمع الحب مع الحلم عرفنا نحقق اللي عايزينه"
جوز خالتي الله يرحمه كان بيحكي في وقت ما عن ايام الخطوبة ، ف كان بيقول لخالتي ان نفسه في شقة تمليك ، ولما اتجوزوا سكنوا في إيجار بس هو كان مُصر علي حلمه ومع الوقت ربنا كرمه واشتري شقة تمليك ، بس جوز خالتي اتزنق ووسط الزنقة دي خالتي باعت الدهب بتاعها علشان تساعده وميستلفش من حد
وبعد ما الزنقة اتفكت هو قالها انه هيجيب عربية ، خالتي قالتله ان شاء الله وبعد سنة ، جوز خالتي حقق حلمه ، وخالتي كانت مؤمنة بيه بطريقة غريبة وتمر الايام وجوز خالتي يجيبلها الشقة في حي جميل اوي
ف في نص حديثه قال ..
ف في نص حديثه قال ..
لولاها كان زماني لسة بشتغل عند الناس بمرتب ميكفيش اكل اسبوع ، دلوقتي عندي شقة وعربية والحمدلله مرتبي كويس وكل دا حصل لانها كانت جمبي ومعايا واتحملت الفقر والتعب وكانت مؤمنة اني في يوم هعيشها حياة متحلمش بيها، ف طول ما انت بتحب وليك هدف ربنا هيكرمك لكن تحب من غير هدف يبقي متحبش
ايام الكلية برضو كنت اعرف بنت مبتفكرش غير في السفر والشغل ؛ يوم ما اتخطبت عرفت انها اتخطبت لشاب عادي جدآ لا هو غني ولا هو عنده واسطة او معارف ، كلمت البنت دي بعد خطوبتها وقولتلها ان "الاحلام بتتغير مع العمر" البنت ضحكت وقالتلي "الاحلام بتكمل بالحب"
وقتها سكت ومحبتش اناقشها وبعد سنتين عرفت ان البنت اتجوزت من الشاب دا وسافروا امريكا وتقريبآ كل يوم بتحقق حلم من احلامها ، المهم قريب جدًا كانت دخلت عادي تعلق علي تويتة ف افتكرت كلامها وسألتها "كان قصدك اي بإن الاحلام بتكِمل بالحب"
البنت قالت اكيد لو كنت قولتلك اني كنت واثقة اننا هنسافر ونحقق احلامنا كنت هتقول عليا مجنونة ، بس قبل ما نرتبط كنا متفقين ان الحياة في مصر متنفعش واننا لازم نتجوز ونسافر ، وبعد ما اتخطبنا نزلت اشتغل غصب عن اهلي لحد ما وافقوا ورضوا انزل ، وهو اشتغل ١٦ ساعة علشان نحقق اللي عايزينه
تقريبآ مكناش بنشوف بعض غير مرة كل اسبوعين وساعات كل شهر بس كنا واخدين الارتباط خطوة للحلم ؛ يا نحقق احلامنا واحنا مع بعض يا ننفصل ، اه الحب مهم بس الحب لوحده مش هيعيشك الحياة اللي انت عايزها !
الرضا والمودة كويسين بس طول ما احنا شباب وفينا صحة يبقي نعافر الاول ونحاول مع الحب ده علشان نعيش صح ؛ فهمت ليه الاحلام بتكمل بالحب !
ف الحب مهم في اي علاقة ، لكن الاجمل لما تحقق احلامك مع الحب ، في ناس كتير مستعدة تعيش في عشة مع اللي بيحبوهم بس الاجمل لما "العشة" دي تتحول "لبيت ، لسفر ، لانجاز" ؛ لاي حاجة في احلامك ، مش عيب انكم تفكروا بالطريقة دي ؛ العيب انكم تتجوزوا وترضوا بأي حاجة وانتوا اصلا معملتوش حاجة !
الراجل علشان يحقق احلامه محتاج بنت جدعة تسنده وتتحمل وتكمل معاه ، والبنت علشان تحقق احلامها بتحتاج لراجل بالمعني الحرفي للكلمة يكون في ضهرها ويسندها ويفهمها ويحميها ، الظروف صعبة اه واوقات الواقع بيكسرنا بس صعب الواقع يكسر اتنين بيحبوا وييحلموا مع بعض !
وبمناسبه كميه قرايه الفاتحه اللي بتتقرأ اليومين دول وكم الناس اللي بتتخطب لحبايبهم ف بجد بيبقي شكلكو قمر أوي اوي وانتو مبسوطين ببعض ما شاء الله !
واتمني صحابي يدوقوا الفرحه دي اضعاف اضعافها ف اقرب وقت ومش هبطل ادعي ان ربنا يفرح الناس كلها ويفرح اي اتنين بيحبو بعض ببعض !♥️
واتمني صحابي يدوقوا الفرحه دي اضعاف اضعافها ف اقرب وقت ومش هبطل ادعي ان ربنا يفرح الناس كلها ويفرح اي اتنين بيحبو بعض ببعض !♥️
جاري تحميل الاقتراحات...