رتبها

مواعيد مواعيد يا وزيرة التخطيط
هذا السرد مخصص للناس اللي حابة تفكر، اللي بتسمع الرأي والرأي الآخر وشاغلها أزمة اليوم لكن مش ناسية تشوف نجاحات المرحلة.
فكرت أتتبع مشوار الدولة المصرية بعد 10سنين من مشوار الاصلاح،
-١تابع
#شيرين_هلال

واحترت أحكي وأعيد في أحداث مش هتساعد ولا هتفيد
فقلت أبتدي بكلام الحكومة وخططها من كلام وزيرة التخطيط د #هالة السعيد
وفي السرد:
-خطة الدولة بدأت إزاي
-أهم مراحل الخطة ونتايجها
-مشروعات المنطقة الاقتصادية لقناة السويس
-الصندوق السيادي ودوره وامكانياته
-علاقة الدولة يالمستثمرين
-٢👇

-مصير أهم مباني مصر بعد الانتقال للعاصمة
-العلاقات الاقتصادية المصرية الهندية
إفتكرت حديث تلفزيوني لوزيرة التخطيط الدكتورة هالة السعيد مع سكاي نيوز على هامش مشاركتها في مؤتمرقمة الحكومات العالمي فبراير2023 اللي كانت مصر ضيفة شرف القمة، ولقيت في كلامها اللي يسهل مهمتى.
-٣تابع

المعروف إن وزارة التخطيط هى جعبة عقلية الإدارة المصرية والمسؤولة عن وضع الخطط طويلة ومتوسطة وقصيرة الأجل والتأكد من اتساق الخطط مع التنفيذ وحاجات تانية دقيقة كتير
وزارة مهمة والقرب منها عادة بيكون لأغراض بحثية
بس انا فككت الكلام الدقيق وأحوله لكلام قريب لحياتنا اليومية،
-٤تابع

عن طريق ترجمة بعض المصطلحات اللي ذكرتها الوزيرة للإجابة على بعض أسئلتنا، وشجعني شخص حاملة حقيبة الوزارة د.هالة السعيد واللي معلوماتي عنها قبل كتابة هذا السرد زي معلومات حضراتكم بالظبط "وزيرة التخطيط وstop✋"
ملف انجازاتها كسيدة مصرية وكادر "قيادي واداري وتنفيذي"مبهر جدا
-٥تابع

لكنه مش موضوعنا،هكتفي بمنصبها الحالي وأقف عنده:
د هالة السعيد اتعينت وزيرة التخطيط والمتابعة والاصلاح الإداري في فبراير2017
واتجدد حملها لنفس الحقيبة مع التعديل الأتي:
وزيرة التخطيط والتنمية الإقتصادية في ديسمبر2019
وفضلت بعض ملفات الاصلاح الاداري والمؤسسي تحت إدارتها.🤓🤔
-٦تابع

ورئيسة مجلس صندوق مصر السيادي، والمهم جدا نعرف إن أجندة مصر 2030 اتهندست وتمت صياغتها وحاليا بتتنفذ تحت اشرافها.
الحلقة المذكورة كانت في برنامج "مع جيزاي" بتاريخ 18 فبراير 2023 وكان عنوان الحلقة (مصر لا تباع)، وهسيب لينك الحلقة بالكامل لحضراتكم
-٧تابع

هستقطع أجزاء تخص تتبع مشوار الدولة المصرية جنبا إلى جنب مع تحدياتها السياسية والأمنية
في الجزء دا المذيعة بتنقل للوزيرة قلق الناس على اقتصاد مصر وبتعيد عليها كلام بيقول إن الحكومة لم تحافظ على الاستثمارات الخاصة والمستثمرين، وروحتو للجيش اللي تملك مفاصل اقتصاد الدولة
-٨تابع

واستعرضت مشوار الدولة المصرية اللي الناس مصرة تنساه وفاكرة أنه طالما عدى 10 سنين يبقى اثاره انتهت تماما ونبدأ نجني الثمار- بتتكلم عن الحقبة من 2013-2017 تقريبا- هى ذكرت الوضع من خلال نقص الوقود والخدمات الكتير الاخرى وأولها الكهرباء، ومؤسسات الدولة وعلى رأسها الجيش دخل
-٩تابع

لما كانت البلد بتمر بظروف صعبة محتاجين مؤسسات قوية عندها قدرة وسرعة في اتخاذ القرار ولديها هدف (وطني) بعيدا عن حسابات المكسب والخسارة عشان تساهم في استقرار الدولة اللي كانت بالفعل بتنهار زي دول كتير حوالينا انهارت لما مقدرتش مؤسساتها تقف أمام طوفان الخراب.
-١٠تابع

ومن عندي أنا حابة أفكر حضراتكم بأن في خبراء اقتصاد أكاديميين أو مستثمرين رفضوا يمسكوا الوزارات من 2014، في عز الأزمات ناس كتير اختفت من المشهد "التنفيذي"واكتفت بالبقاء في المشهد "التنظيري"وأغلبهم الناس اللي بتشتكي من معوقات الإستثمار أو من الغلاء، ولسة حاصل لحد النهاردة
-١١تابع

في ناس بترفض تحمل المسؤولية بالرغم من إن وضع الدولة واستقرارها السياسي أصبح أفضل بكتير، والحقيقة محدش يقدر يحكم، هل دا بسبب عدم مقدرة الدولة على إعطاءهم رواتب مغرية زي المؤسسات الدولية أو الشركات الخاصة، ولا لمواقف شخصية ، لكن في النهاية دا الحاصل وكل واحد حر في اختياراته
-١٢تابع

برضو أفكر حضراتكم بالمؤتمر الإقتصادي اللي انعقد في شرم الشيخ "مؤتمر دعم وتنمية الاقتصاد المصري" في مارس 2015 ، وكان هدفه الانفتاح على الافكار وجذب القطاع الخاص للإستثمار في مشروعات تخدم الاقتصاد المصري على المدى البعيد ولكن مين مستثمر كان ممكن يعمل دا وبسرعة
-١٣تابع

"عشان يخدم الأهداف التنموية المصرية"؟ في وقت كانت الدولة شبه منهارة ومفيش أفق واضح لطريقها ومستقبلها؟ والحقيقة بالرغم من تمكن الحكومة أيامها من إجتذاب تمويل من خلال المؤتمر كبير "الرقم الفعلي لم استطع الحصول عليه"، إلا إنه مكانش كافي أيامها لحل أزمات الاقتصاد المصري
-١٤تابع

ولا الاقتراب حتى من الصرف على "الأزمة الأمنية الضاغطة في وجود تحدي الإرهاب"
وقتها كانت الحكومة برئاسة المهندس إبراهيم محلب صريحة للحد اللي قالت فيه :
"الصورة الوردية لم تأت بنتيجة" وبقية التصريحات المهمة في الاسكرين شوت من تصريحاته لرويترز في 2014.
-١٥تابع

ونرجع لكلام د.هالة السعيد وهى بتقول إن المرحلة الأولى كانت تثبيت أركان الدولة وتجهيز البيئة الاستثماريةالاساسية لتناسب المستثمر الخاص وتحقيق السلام الإجتماعي من خلال حزم حمائية غير مسبوقة(دعم الطبقات الفقيرة) للوصول للسلام والأمان الاجتماعي
استهداف زيادة مشاركة القطاع الخاص
-١٦👇

في الاقتصاد كان محتاج خطوات عملية لكن طويلة جدا. أول خطوات الحكومة كان من خلال الاجتماعات مع القطاع الخاص لمعرفة المعوقات (دا بحسب كلام الوزيرة-لكن يا ريتها تسمح لي: المعوقات ظاهرة ومرصودة من قبل التواريخ المذكورة- أنا بنوه فقط!)، اللي بتواجه القطاع وكانت النتيجة
-١٧تابع

الخروج بوثيقة ملكية الدولة وإنشاء ذراع استثماري نشط وغير مكبل بالروتين بيتعامل مع القطاع الخاص بمرونة ويقدم فرص استثمارية حقيقية نابعة من دراسات اتعملت على مختلف القطاعات اللي بحاجة للإستثمار.
(ذكرت الوزيرة عدد:40 جلسة مع القطاع الخاص للخروج بالوثيقة!)،
-١٨تابع

الصندوق السيادي، وبحسب الوزيرة له أصول وتمويل من الدولة وبيقوم بطرحها "بالمشاركة" مع القطاع الخاص اللي دوره التطوير والإدارة لها. وأنا هخلي الوزيرة تشرح نماذج من دا بس كمل معايا . اللي بتحاول الدولة تعمله من خلال هذا الصندوق هو ما يطلق عليه
"De-risking”
-١٩-تابع

-ودا مصطلح بيعني اتباع سياسة في المؤسسات بتقوم بإنهاء تقييد التعاملات الاستثمارية أو عوامل عرقلتها مع العملاء لتجنب المخاطر بدل من الاكتفاء بادارة تلك المخاطر بنفسها. وفي حالتنا هيقوم الصندوق السيادي بدور المفاوض والمتعامل مع الحكومة بالنيابة عن القطاع الخاص
-٢٠تابع

لتذليل عقبات الاستثمار في الاقتصاد المصري وتسريع خطواته
وفي سؤال بيدور في مخيلتنا جميعا وبيمس حياتنا وهو إيه أهم المشروعات حاليا اللي داخلة فيها الدولة وليه؟
جاوبت إجابة لا تقدر بثمن واحب أنوه إننا وصلنا لمحطة ما بعد 2019
"هدفنا الاقتصاد الحقيقي" والمقصود بيه
-٢١تابع

الاقتصاد القائم على الانتاج الحقيقي، زي الصناعة والزراعة والتصدير للخدمات زي التكنولوجيا مثلا والعوائد الثابتة مش القائم على التمويل زي الاستثمار في البورصة أو الأموال الساخنة
أهم مميزاته القدرة على مقاومة الصدمات وامتصاصها والحفاظ على ثبات واستقرار الأمن الاقتصادي للدول
-٢٢تابع

ودا ببساطة شديدة قد تكون مخلة لكن على أد حاجتنا لفهم الموضوع.
Real Economy: makes the economy resilient
يعني إيه الاقتصاد الحقيقي وهل في إقتصاد ووهمي؟
ودي بتعريفي الشخصي
أه في اقتصاد وهمي كان متبع في مصر من سنين طوبلة، قائم على تشوهات في هيكل الاقتصاد بنعاني منه من بدري
-٢٣تابع

وبندفع فاتورته حاليا كاش مش بالتقسيط عشان كدة تعبانيين وحقنا نشتكي ونتسمع ومحدش يقلل من شكوتنا ولا يهين قدرتنا على التحمل اللي بالفعل اتحملت كتير أوي. الاقتصاد الوهمي اللي كنا عايشنه :
-٢٤تابع

-خدمات مش دافعين تمنها (مية-غاز-كهرباء-بنزين-عيش-تموين)
-قطاع عام (كبير) بيخسر ومكملين دعمه من ميزانية الدولة
-دعم جاي من ديون
-ديون للصرف على الدعم المصروف عليه من الديون
-سعر صرف للعملة مش حقيقي مدعوم هو كمان ناتج سياسة نقدية غير مكترثة الا بالبقاء في المنصب
-٢٥تابع

-خصخصة وبيع أصول بتتحسب من ضمن معدلات النمو
-الاعتماد على الاموال الساخنة كمصدر رئيسي للإحتياطي الأجنبي
كل دي مظاهر الاقتصاد الوهمي اللي كانت بتتكلم عنه الوزيرة وطبعا عشان التحول دا يحصل وندخل على اقتصاد حقيقي بالسرعة اللي ماشية بيها الدولة مع تعاقب الأزمات العالمية :
-٢٦تابع

كورونا بعدها الحرب الروسية الأوكرانية، كان لازم كلنا نحس بالأزمة غير المسبوقة اللي بنعيشها مع سياسات جريئة برضو غير مسبوقة، وعشان كدة العالم كله بيعاني لكن احنا بنعاني أكتر بكتير.
وبتوضح الوزيرة وهي هتبدأ تتكلم عن ما بعد 2021
-٢٧تابع

إن رؤية الاستثمار لدى الدولة بعد الانتهاء من تحقيق الاستقرار السياسي و تمهيد البنية التحتية هتدعم الارتكاز على 3 محاور
الزراعة
الصناعة
تكنولوجيا المعلومات
دا غير طبعا تصدير الطاقة
و ضربت مثل باستغلال المنطقة الاقتصادية لقناة السويس بعد الدخول في عدد من الاتفاقيات وابرزها
-٢٨تابع

Egypt the Gateway to Africa
واتفاقيات المنطقة الاقتصادية في قناة السويس اللي فيها لوحدها 6 موانئ، وقعنا 24 إتفاقية تخص صناعة الهيدروجين الأخضر والطاقة الجديدة بنظام ال
Offtake Agreements
ودي معناها اتفاقيات البيع بنظام الاقتطاع بتقوم على أساس الاتفاق المسبق بالبيع قبل البدأ
-٢٩👇

في عملية الانتاج، وهدفها تمكين المنتج من الحصول على تمويل سهل ومشتري مضمون لمنتجاته المستقبلية ، دا بالنسبة للمشروعات القائمة ، ولو هيكون في بناء لمشروع من البداية ، بطبيعة الحال بتكون عقودها طويلة الأجل لضمان استرداد العائد، هي مميزاتها بتكون للطرفين:
-٣٠تابع

البائع ضامن سوق لمنتجاته (مصر)
المشتري ضامن ثبات سعر لمشترياته (المستثمر الأجنبي)
وقبل ما ندخل على التنفيذ تخلل كل هذه الانشاءات و دعم المؤسسات والقروض، تقديم لحزم رعاية تنموية ضخمة، اللي كانت الحكومة شايفاها من الأولويات، وهى "حياة كريمة"
-٣١تابع

من عندي أنا هرفق لحضراتكم إشادات البنك الدولي بهذه المبادرة الكبيرة من 2019 وحتى 2023
ونشوف الفيديوهات على الطبيعة عن حياة كريمةوغيرت حياة الريف والصعيد المصري تحديدا ازاي
الاشادات دي بتروح في سكة قد تكون بعيدة عن المنظار الشعبي لكتير مننا،
وجايز كمان تكون بعيدة عن زاوية
-٣٢

الرصد لدى مؤسسات تقييم محدودة الامكانيات أو الرؤية.
وطبعا اتعرضت هذه المبادرات لكتير من التشويه والاستخفاف من قٍبل المعارضة أو مراكز التحليل ذات التوجهات "الخاصة"، بس الأكيد أوي أن النتيجة هى الفيصل
-٣٣تابع

"نفس المؤسسات اللي بتقول ديون مصر وتوقعات النمو لمصر مغايرة للواقع زي مركز كارنجي مثلا التابع للبنتاجون ما بيقول ونشوف تصريحه
إنت حقك تشتكي من كيلو اللحمة اللي مش قادر تجيبه، لكن حق اللي في الريف يوصل له مية
وحقك تشوف إن 25جنيه لكيلو الرز اللي كان ب3جنيه كتير،
-٣٤تابع

لكن هو كان من زمان محروم من الكهرباء ودلوقتي عنده
وحقك تعترض ليه تذكرة المترو اللي كنت بتلفق بيها مصر من أولها لأخرها كانت بجنيه دلوقي محددة بعدد محطات تبدأ من 5جنيه ، بس هو مكانش عنده طريق ولا مواصلة!
ونجيي للأهم
هل كان سعر اللحمة ولا الرز ولا تذكرة المترو سعر عادل؟
-٣٥تابع

كان فيه تشوهات كتير سعرية
براحة وواحدة واحدة:
اللحمة كانت غالية زمان ودلوقتي بس زمان كانت أرخص عشان الجنيه كان بيتسند من جيبك، دلوقتي لأ بعد التعويم
الرز كان رخيص عشان الحكومة كانت بتقدمه لحضرتك مدعم ودلوقتي لأ
التذكرة مكانتش رخيصة (كانت مجحفة لحق الدولة)
-٤٠تابع

لما مكانتش أقساط المرفق بتدفع من الثمانينات ودلوقتي بنسدد وبنبني بدل المرفق مراااااافق ومحطاااااااات

وصلنا بفضل الله مع سيادة الوزيرة لمرحلة تنفيذ الاستثمار وصدور وثيقة ملكية الدولة أو بالأحرى خلينا نقول وثيقة تخارج الدولة من المشروعات اللي بتقوم بطرحها للإستثمار المشترك
-٤١👇

أو البيع واللي على أساسها تمت الاستحوازات الأخيرة.
وتم فيها الاعلان عن الدفعة الأولى من الشركات اللي هتتخارج الدولة من جزء منها أو من كلها وهما ال32 شركة ودول محدد لهم الطرح بحسب الوزيرة لغاية مارس2024
والمفروض انتهى قلق المستثمرين
الوزيرة قالت كدة
-٤٢تابع

وأنا هنا برقت وعطست وزعلت وكحكحت
قالت القطاع الخاص ما زال ينافس وبيشغل 85%من العمالة ورفضت تماما الوزيرة الدخول في منطقة المصانع اللي مش قادرة تنافس أو بتقفل وحقها متجاوبش لأن دا سؤال المفروض يتسإل فيه وزير التجارة والصناعة مش التخطيط!
"إلا هو أنتو مبتسألهوش ليه؟"
-٤٣تابع

المذيعة:
إزاي هتقدروا تتخلصوا من العادة المصرية في القومية والحيازة وفي نفس الوقت تتحصلوا على استثمار؟وهل مفيش خطورة؟
الرد:
كان بالامتيازات اللي تم تفعيلها في قوانين الاستثمار والحوافز الضريبية الحواز الخاصة بتدريب العمالة وحوافز الاستثمار في المنطقة الاقتصادية لقناة السويس
-٤٤👇

"صفر ضرايب وجمارك و50%تخفيض على الضرايب اللي بتفرض على السلع الاستثمارية"
دا غير الرخصة الذهبية للمشروعات اللي جاية بمستثمر أجنبي ورؤوس أموال أجنبية لتشجيع الاستثمار الأجنبي عشان يحصل على الموافقات والتراخيص بحد أقصى20 يوم(إشي خيال يا ناس)
الوزيرة وصفت المستثمر الأجنبي شريك
-٤٥👇

للحكومة لأنه شريك برأس المال وبيفتح أسواق جديدة والحكومة بتستهدف الشركاء وليس مستثمرين "اخبط واجري"
Hit & Run
السؤال القادم الدكتورة هالة السعيد جاوبته عشان الطلبة يلموا المنهج في محاضرة واحدة يعني كبسولة النجاح من وجهة نظري
السؤال عن شروط صندوق النقد وعلاقته بالتنمية البشرية
-٤٦

قالت:
برامج الإصلاح كلها بتكون برامج وطنية بدعم من المؤسسات الدولية وخطة البرامج والاصلاحات الهيكلية، الدولة المصرية أطلقتها ف2020 وقت كوفيد وبرضو تمت بتشاور مع القطاع الخاص من ضمنها البنود اللي ذكرتها الدكتورة مسبقا زي التركيز على القطاع الحقيقي من الاقتصاد وحوافز الحكومة
-٤٧👇

للقطاع الخاص ووثيقة ملكية الدولة. وعن التنمية البشرية قالت الوزيرة مفيش تنمية اقتصادية بتحصل من غير تنمية الانسان ودا جزء أساسي من خطة الدولة كان لها أولويات في وقت مكانش فيه كهرباء ولا شبكة طرق ولا خدمات عموما، لكن النهاردة بنستثمر في التعليم وخصوصا منظومة التعليم الفني
-٤٨تابع

(وصدقوني أكاد أجزم إن موضوع التعليم الفني هو نتاج المشاورات الطويلة بين الدولة والقطاع الخاص-لأن أزمة التعليم الفني ونقص العمالة المدربة هو اللهيب اللي كابشه أهل الصناعة بسبب الاختلالات في النظرة المجتمعية للتعليم الفني وشهاداته وانعكست علينا جميعا اقتصاديا-
-٤٩تابع

بس زي ما قلت في أمور بتكون بعيدة عن زاوية رؤيتنا ميشوفهاش إلا أهلها). ومعنى كلام الوزيرة إن في بند صرف كبير تم على التعليم الفني واستراتيجية كاملة لتطويره بدأت من2018 وهسيب لحضراتكم أهم الانجازات اللي اتعملت في هذا الملف الخطير:
-٥٠تابع

سوق العمل بيقدم تقريبا800ألف فرصة عمل سنويا ومحتاج يكون في تنوع في المعروض من خريجين جامعات ومعاهد فنية وتعليم البرمجات (مجموعة مصر الرقمية)ووظايف المستقبل
وبسؤال د.هالة السعيد عن المجالات اللي الدولة هتركز فيها على التنمية قالت إن الدولة المصرية عندها اقتصاد متنوع
-٥١

ودا بيعمل تنوع في نمو مصادر الدخل له و ظهر النمو في قطاعات:
قطاع الاتصالات: زيادة 16.5%
قطاع السياحة: زيادة أكتر من50%
قطاعات الصناعة واللوجيستيات زايدين
قناة السويس: زيادة بنسبة34%
و كل دا جنب الزيادة السكانية 2.2مليون مواطن كل سنة، زاد الاكتفاء من القمح من 45% إلى 55%
-٥٢تابع

نيجي على سؤال الفورة:
وبتعبير جيزال
"بيقولوا مصر عم تنباع"😡
واجابات هادئة من الوزيرة بدون تبريرات ولا تطويل، اجابة (الفاهم بيريح)
مطلوب من الحكومة زيادة مشاركة القطاع الخاص فطبيعي هتخارج من المشاريع- هل هتخارج للحكومة برضو؟
مش كل المشروعات بتتخارج منها الدولة بشكل كامل
-٥٣تابع

وعلى حد تغبير الوزيرة
"لو قاعدين – بتشتكوا الدولة هي اللي داخلة بتستثمر في كل حاجة
لما بنتخارج بتقولوا بيع !"🧐🤨
وندخل على كلام الوزيرة في وقتنا هذا ونشوف إنها أعلنت عن طروحات حكومية ل32 شركة حكومية في برنامج طروحات طموح لسد الفجوة الدولارية
-٥٤تابع

وأعلنت أنها بتهدف لتجميع 2 مليار دولار بنهاية يونيو 2023 ولحد دلوقتي المبلغ متجمعش وحجم الصفقات المعلن عنها محصلش ربع المبلغ وزود الشكوك والمؤسسات العالمية بدأت تزن وتطن ووراها مؤسسات التقييم الاقتصادية وأكشاك التحليل النقدية وراها بالطبلة والمزمار .
-٥٥تابع

وظهرت وزيرة التخطيط في مكالمة متبقاش عارف فيها كتير معلن ولا قليل مخفي!
بتدلل فيها صدق كلامها في لقاء فبراير على هامش القمة العالمية للحكومات في فبراير بمدينة دبي الإماراتية واللي عادت فيه كلامها عن إن الخطة الحكومية حققت المستهدف!
-٥٦تابع

اتكلمت وزيرة التخطيط مع الاعلامي عمرو أديب بشكل مفصل عن مجهودات الحكومة مؤخرا للرد على سيل التقارير والتصريحات القادمة من الخارج و المحشية اشاعات والمتزوقة بالتهويل:
ادت فكرة سريعة عن العلاقات المصرية الهندية واللي شملت محادثات مع رئيس الوزراء الهندي مودي ناريندرا
-٥٧تابع

بخصوص اجتذاب مزيدا من الاستثمارات الهندية في المنطقة الاقتصادية لقناة السويس و دورها حاليا كرئيس لمجموعة العشرين فهي بتستضيف مصر و صرحت بان التعاون والاقبال مستمر على استثمارات مشتركة بين البلدين واهم الاستثمارات اللي وصلنا فيها لنتائج نهائية:
-٥٨تابع

البنية التحية والهيدروجين الأخضر داخل تحالف هندي + تحالف مصري في المنطقة الاقتصادية لقناة السويس والصناعات اللي بتخدم قضايا المناخ زي صناعة السيارات والاتوبيسات الكهربائية، وهما داعمين لمصر في مجال تصنيع الدواء في شراكة مع شركات دوائية كبرى + اتفاقيات تجارية تسهل المجال
-٥٩تابع

للدخول للقارة أفريقيا بشكل كبير"يا ريت نركز في تصريحات الوزيرة اللي قالت الدخول إلى أفريقيا من خلال الاتفاقيات مع مصر" ، الهند موجودة في أفريقيا من أيام الاحتلال البريطاني منذ بداية القرن الماضي من جنوب أفريقيا جنوبا وحتى مصر شمالا، يعني هى بالفعل نافذة ،
-٦٠تابع

لكن لما يكون في اجتذاب لشركات تجارية وصناعية واستثمارية من خلال قناة السويس يبقى بتثبت حقيقة جيوجغرافية من خلال استغلالك لموقعك بين القارتين و بتدلل على مقولة "مصر بوابة أفريقيا" مش كلام لكن فعل وأرقام .
وعشان محتاجين قدر من التكنولوجيا اللي سبقتنا لها الهند في تصنيع معدات
-٦١👇

الهيروجين الأخضر وتوطين صناعتها والتوربينات في مجال تحلية المية
علقت الدكتورة على إلغاء الاعفاءات للهيئات والشركات الحكومية اللي أعلن عنه رئيس الوزراء وقالت إنه جزء من برنامج الاصلاح الهيكلي "الوطني" يعني الدولة المصرية اللي حاطة استراتيجية لبرنامج الاصلاح الهيكيلي
-٦٢تابع

أما اخبار طرح الشركات هيعلن عنها رئيس الوزراء في مؤتمر صحفي بعد العيد
انتقال الوزارات للعاصمة تقريبا بالكامل – تعمل بكفاءات معقولة بالنسبة لكونه مكان جديد والخدمات بتدخل بالتدريج- ميزة العاصمة الادارية إن كل الوزارات جنب بعضها و دا بيوفر من وقت العاملين في المواصلات.
-٦٣تابع

اما المقرات القديمة فقالت الوزيرة
في لجنة مشكلة من مجلس الوزراء والرقابة الإدارية بتحصر المقرات القديمة لإعادة التسكين للجهات اللي طالبة مقرات وإدت مثل بالمجلس العربي للتحكبم اللي طالب مجلس الشورى بمقر. وهنا بتيجي وظيفة لجنة الحصر في تعيين المقرات وإعادة استغلالها من ضمنهم
-٦٤👇

30 مبنى قديم للوزارات + مباني أخرى بمنطقة وسط البلد.
ضربت الوزيرة مثل بمنى وزارة الداخلية القديم في لاظوغلي اللي اصبح في حيازة لجنة الحصر من سنة ، اتعملت عليه دراسات و تم طرحه وتحويله الى جامعة ايباج و ملحق بها فندق داخلين فيه بشراكة الدولة بالارض والمستثمر بالتطوير
-٦٥تابع

والدولة لها جزء من العوائد، كمان فنادق 3نجوم والتاني 4نجوم ،هتدخل لسد العجز في عدد الغرف السياحية اللي محتاجاها مصر بعد الطفرة السياحية الكبيرة اللي بيشهدها سوق السياحة حاليا
من ضمن دراسات التطوير اللي اتعملت مباني مربع الوزارات في وسط البلد الحكومية اللي هيعاد استغلالها
-٦٦تابع

عشان يكون في منطقة ذات طابع واحد من الصورة البصرية المتحضرة ، دا غير احتياجها لكول سنتر وغيره. اظهرت الدراسات كمان بحسب وزيرة التخطيط الاقبال على استخدام منطقة وسط البلد لما يعاد تطويرها
اما مبنى مجلس النواب مش داخل من ضمن خطة التطوير لأنه صاحب ال157سنة هيتحول لمتحف
-٦٧👇

وأخر يوليو 2023 هيكون تصور خطة التطوير مكتملة لأنه إلى الأن لجنة الحصر استلمت فقط مباني الوزارات وايه مباني هتؤول للصندوق السيادي للإستثمار.
أما أرض الحزب الوطني فهتكون فندق+سكن فندقي+مبنى اداري تجاري بعد ما دخلت الدولة فيها نظام شراكة بملكيتها للأرض بحصة 25% من العوايد وبعد
-٦٨

طرح المبني تنافسياوبعد تقدييم الشركات المنافسة رسوماتها وتصاميم المشروع اللي لازم تراعي حرم مبنى المتحف المصري القديم ولا تحجب سقف المتحف الأثري، وبعد المفاوضات والدراسات على عدد كبير من المستثمرين في قطاع الفنادق وتم تصفيتهم لقائمة قصيرة من 3 فقط،وهترسي الصفقة خلال اسبوعين
-٦٩👇

على مستثمر وواضح ان دا من ضمن البنود اللي هيعلن عنها رئيس الوزراء في مؤتمره بعد العيد .
أما مبنى مجمع التحرير جاري فيه العمل والتجهيز عشان يكون فندق ومجمع إداري الدولة دخلت فيه شراكة مع تحالف أمريكي إماراتي وهو نفس التحالف اللي عمل مبنى شيكاجو لندن هاوس في مدينة شيكاجو
-٧٠تابع

وجاي يعمل نظيره هنا في المجمع تحت اسم "كايرو هاوس".
أما بقى من المفاجآت اللطيفة بالنسبة لي هى أرض القرية الكونية في مدينة 6 أكتوبر و للي ميعرفش دي مستعمرة من المباني الحديثة جدا المهجورة وكانت بتسمى مدينة مبارك التعليمية وهى عبارة عن مباني بمساحات شاسعة بمجسمات مصغرة
-٧١تابع

من المزارات السياحية والتاريخية في مصر، تصلح لجامعة أو مجمع مدارس كبيييير و فيها مدن ترفيهية كانت تكنولوجية على ايامه لأن كان فيها قاعات متحفية ومجسمات بتشرح دروس العلوم والفضاء للطلبة وعفى عليها الزمن إلى حد ما و طالها الإهمال وبسبب الروتين والعراقيل متمش استغلالها الا في
-٧٢👇

رحلات المدارس زهيدة التكلفة وعلى يدي و في وجودي حصل عدد من المحاولات من مستشمرين للدخول بعروض لاستغلال المكان ولكن مستعمرة الموظفين والاداريين هناك كانت بتؤد اي فرصة في مهدها خوفا من تهميش دورهم أو نقلهم أو لأي اعتبار مش مفهوم لحد عايز المنفعة للبلد.
-٧٣

وزيرة التخطيط قالت إن القرية هتكون مجمع مدارس دولية تخدم أبناء الطبقة المتوسطة بنموذج مطبق فعليا بيكون هذا النموذج قايم على خدمات مشتركة زي إن المدارس بمختلف مراحها تتشارك في استخدام ملاعب مشتركة لكن مجهزة تجهيز عالى وبمساحات كبيرة جدا تستوعب الحاجة منها وتقدر توفر امكانيات
-٧٤👇

للمدراس مكانتش موجودة قبل كدة زي ملاعب كورة ملاعب تنس وسلة وحمامات سباحة ومسرح مدرسي وقاعات فنون وهيشتغل هذا المجمع في خلال سنة.
اللي بيتقال دا عظيم لأن كل واحد فينا مر بتجربة التقديم في المدارس وعارف أد ايه أحنا بنعاني والاجيال اللي بعدنا هتعاني من قلة توافر اماكن
-٧٥تابع

في المدارس ، فكون تواجد فكر تحت مظلة "حسن استغلال المتاح" لازم نعرف انه مكانش موجود في الفكر الحكومي أصلا ، فإنه يكون موجود وكمان يوفر 4 مدارس في طلعة واحدة في منطقة واحدة فتقريبا دا سحر وشابوه كبير للي حرك هذا الملف وقدر يقتنص القرية من أباطرة الموظفين فيها.
-٧٦تابع

لو أطمع أن السادة في هيئة الأبنية التعليمية المالكة للقرية يتم حسابهم على كم فرص الاستثمار المهدورة في ال10سنين اللي فاتوا بسسسسس ،أكون شاكرة جدا بالمرة بقى طالما السيسي مر من هنا
بمناسبة #الجمهورية_الجديدة
-٧٧تابع

وباعترافها بحق الناس في القلق والمعاناة ، لكن الامور كتير بتتحسن و هيبدأ على نهاية العام أو بداية العام القادم
واستشهدت بمؤشرات التنمية المستدامة اللي العالم كله بيتراجع فيها احنا متحسنين 6 دراجات بمؤشراتها ولم تقف معدلات تحسنها ودا برغم إنه مش مبلوع في زور ناس كتير بسبب
-٧٨تابع

استثمارات الدولة والمبادرات اللي عملتها زي حياة كريمة والصحة والتعليم وخدمات الصرف الصحي والمياه واستشهدت بزيادة الانفاق على التعليم بزيادة 170% في ال3 سنين اللي فاتو بس!
والناس مازالت بتقول مش كفاية وطبعا مش كفاية والكفاية مش هتحصل دلوقتي وحضرتك بتزيد في الدقيقة 4 مواليد
-٧٩👇

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد