شراء جهاز حتى للمتخصصين عملية تحتاج بحث ومقارنة والتأكد من احتياجاتك قبل الشراء لا جدوى مثلا من شراء جهاز بكرت شاشة عالي المواصفات بدون استخدام الالعاب او برامج التصميم او ما في حكمها (من أكثر القطع في الجهاز تكلفة ) ، ثم إن كل استخدام له قطع هاردوير تناسبه مثلا في البرمجة ومشاريع الذكاء الاصطناعي وعلم البيانات تحتاج معالج ممتاز للقيام بالعمليات الحسابية ، إذا هي مجموعة مكونات تحتاج منك أن تنسقها حسب احتياجك تماما مثل رغبتك في شراء سيارة جديدة .

هنا مثلا معالجات انتل ويظهر من اليسار بالصورة انتل كور ( وهي غالبا الأشهر ) غيرها ستجد بنتيوم وسيليريون لا أنصح بها ، بعدها فئة المعالج تبدأ من 3 حتى 9 ، ثم جيل المعالج ويظهر بالرقم 13 هنا مهم جدا بعضهم يشتري معالج i7 لكن جيل قديم مثلا الجيل 6 ( وصلنا اليوم الجيل 13 ) الفئة i5 الاجيال الحديثه افضل بمراحل من i7 جيل قديم أنصح بالشراء من الجيل العاشر وبعدها ، الرقم 700 في الصورة فئة المعالج من هذا الجيل كل مازاد الرقم كفائته افضل - ختاما في هذة النقطة الفئة i5 الاجيال الحديثة ممتازة جدا .

نعود للصورة بتفصيل للحرف الاخير وهي suffix اللواحق ان صحت الترجمة الفكرة منها نوع المعالج مثلا موفر للطاقة او لايهتم بتوفير الطاقة اهم شي الاداء العالي وهنا تحدد انت احتياجك اذا رغبت في جهاز معالجة موفر للطاقة لحفظ البطارية مدة اطول .

هنا نتكلم عن RAM او ذاكرة الوصول العشوائية طبعا هذي الصفحة في اجهزة ويندوز لازم تفتحها قبل تشتري جهازك اذا لقيته في العرض تعطيك ملخص عن المواصفات الرام له اجيال ايضا مثل المعالج DDR بعد حرف R يجي الجيل مثل DDR5 وهو اخر ماوصلنا له اليوم هنا لا انصح بشراء ماهو اقل من 4 ، نجي للمهم وهي الذاكرة نفسها كم نشتري 8 او 16 يعتمد حسب احتياجك الرام عبارة عن كم تستهلك انت في خلال استخدام الجهاز مثلا تفتح صفحات كثير وتشغل برامج في وقت واحد واستخدامك ثقيل هنا تحتاج راح عالي لأن البرامج والمتصفح تاكل من مساحته لكن ترا اذا قفلت كل التطبيقات والصفحات يرجع الرام فاضي عكس ذاكرة التخزين تبقى المعلومات فيها حتى بعد اطفاء الجهاز - توصيتي حسب الوضع الحالي بسبب ويندوز 11 والمتصفحات المشهورة مثل كروم لاتنزل عن 8GB

نجي لذاكرة التخزين وصحيح مثل ماصرتو تعرفون لاتشتري اليوم HDD راح يجون بطيئ وصعب التعامل معاه ، بعض الاجهزة يجي فيها SDD مع HDD هنا راح يساعدك توفر تكلفة لأن SSD اسعارة مرتفعة مقارنه ب HDD - ذاكرة التخزين لها سرعات لكن في نظري للمستخدم العادي ماتهمه خذ السعة اللي تناسبك اهم شي SSD

نجي لكرت الشاشة او معالج الرسوميات واللي يهم المصممين والممنتجين والقيمنق اذا ماكنت منهم ( نفس وضعي ) لاتتعب نفسك كثير في البحث عن افضل معالج راح يكون مكلف عليك بدون جدوى - اذا كنت من المهتمين بالامور اللي فوق مراجعات اليوتيوب راح تفيدك لأن الكروت كثير ومتنوعه ، لو تذكرون اول صورة نزلناها suffix بعض المعالجات مدمج معها كرت شاشة يعني امورك طيبة واذا كان الجهاز بكرت شاشة منفصل من Nvidia او غيرها خذ من الاجيال الجديدة اذا حبيت .

طيب وش رايكم نسوي ملخص للكلام الكثير هذا 😅 ، ادخل في جهاز الويندوز واضغط CTRL+SHIFT+ESC راح تظهر لك صفحة مدير المهام او TASK Manager وهذي هي ويندوز 11 بالاسود ويندوز 10 بالابيض ولو تلاحظون كل اللي قلناه موجود انت هنا تسوي تشكيلتك بنفسك حسب احتياجك - حاولت اتكلم بطريقة بسيطة واضحة للجميع اتشرف اجاوب عليكم لأي سؤال واسأل الله لنا ولكم التوفيق 🤍.