إمبارح روحت "المنتزة باي" بعد زن الولاد، قلت ماشي على الأقل نتفرج على المنتزة أعمال التطوير، بداية : رسوم الدخول 25ج للفرد تدخل مباشرة بعربيتك إجباري على البارك تدفع 50ج رسوم جراج.. طيب أنا عايز أروح الشاطئ؟ يقولك فيه golf car هتوصلك يا فندم.. تفاجئ بطابور طويل
الناس آخدين حاجتهم ومنتظرين دورهم في ال Golf car.. بعد وقفة نص ساعة تركب يقولك تذاكر 20ج للفرد.. تمام وماله 🤷 لغاية هنا إنت شايف 3 جراجات ضخمة على أعلى مستوى بس للأسف إحتلت تلت المنتزة حرفيا وعكننت على الزائرين بترك عربياتهم وتحميلهم رسوم ملهاش داعي.. بس ماشي خلينا نكمل
ركبنا الجولف كار وبنتفرج على المنتزة إللي كنا نعرفها... فين هي؟ مفيش.. طرق انترلوك شكلها حلو بس مش مريحة للعجل ولا حتى للجولف كار.. شجر المنتزة المتبقي حالته سيئة.. محتاج شغل.. مخلفات بناء ونجيلة محروقة.. مفيش روح ولا انسجام ولا إحساس البراح ولا ماشي في ظل..شمس ايفري وير
وصلنا الشاطئ.. رسوم 125ج للفرد ماشي.. دخلنا، للفرد كرسي وللمجموعة شمسية.. تمام..الشاطئ بشكل عام كويس.. الماية جميلة بحر مفتوح وعاملين حاجز أمواج بس إدارة تعبانة أسلوبهم زبالة بس لابسين يونيفورم🙄.. حمامات وأماكن تغيير ملابس مش نضيفة وزحمة لإن عددها قليل ومفيش أي نضافة طول اليوم
أسعار الطلبات عبيطة الشاي مثلا ب 40ج قهوة تركي ب 50ج كانز ب 40 ج ، البيتزا معقولة بداية من 90ج
طول الوقت حوارات على القعدات والشماسي... المكان بصفة عامة معقول بس خسارة الموقع بالجمال ده وميبقاش أحسن بكتيير من كده
طول الوقت حوارات على القعدات والشماسي... المكان بصفة عامة معقول بس خسارة الموقع بالجمال ده وميبقاش أحسن بكتيير من كده
يكفي إن الناس بصفة عامة مش مبسوطين وجايين علي الريفيوز العالية للمكان.... آخر اليوم بقي عايز ترجع الجراج.. ال Golf car إنت ورزقك.. مفيش نظام ولا دور ولا منظمين.. نظام سواقين توكتوك.. انتظرنا نص ساعة مفيش أمل قولنا نمشي للجراج.. طبعا مشوااار بس كانت قفلت معانا
بشكل عام أقدر أقول إن مشروع التطوير فاشل..المكان قل ما زادش وبقى متعب ومكلف.. مفيش كونسبت مدروس غير تحصيل تذاكر.. إنما راحة وتطوير ومحافظة على مكان راقي متلاقيش.. حقيقي تجربة لن نكررها
بالمناسبة أحيي القائمين علي مشروع نفق 45.. المشروع عامل سيولة ماحصلتش. شابووو👌😁👏
جاري تحميل الاقتراحات...