رتبها

لو عايز تتفسح في مصر
ومحلتكش الاعشرة أو عشرين، ستة ولا ستين، مية ولامليونين هتتفسح وتلف الدنيا في اماكن دلوقتي وزمان
بما انها ام الدنيا اللي جمعت العجايب وضمت اللي غايب ولمة الحبايب، دى قايمة بالأماكن داخل القاهرة والجيزة اللى ممكن نتفسح ونغير فيها المود لو مفلسين او متريشين
-١👇

هنبدأ الأول بالحدائق:
(1)الأزهر بارك
شارع صلاح سالم
مساحة واسعة وكبيرة جدا من المسطحات الزراعية
الفيو جميل
وهتتصوروا صور تجنن وهتبقى ذكرى جميلة
وممكن وأنتم هناك تطلبوا زيارة منطقة آثار الدرب الأحمر و بيكون ليها تيكيت خاصة وبتوصلوا للمزارات بالجولف كار،
هتقضوا وقت ممتع😍
-٢

(2)حديقة الحيوان بالجيزة
في سنة 1890 استقطعت من حدائق سراي الجيزة مساحة 50 فدان وأعادت تنسيقها لعرض مختلف الحيوان و الطيور،واتفتحت للجمهور ف 1891 ، وفي1938 أُضيف إليها حدائق الأورمان القبلية وأصبحت مساحتها 80 فدان تقريبا
فيها متحف الحيوانات المحنطة
زيارة مش غالية و كلها متعة
-٣

(3)حديقة الأسماك" بمنطقة الزمالك في القاهرة
بـ"المشهد الساحر"يأخذك لخيال عالم البحار، بما فيه من سحر، لما تتميز به من تصميم فريد وإبداع معماري متميز.
الحديقة، انشئت 1867 في حي الزمالك، قام بتصميمها مدير الحدائق العامة بالعاصمة الفرنسية باريس آنذاك مسيو الفاندو،
-٤👇👇

استخدم فيها الطمي الأسواني المخلوط بمادة الأسروميل والمواد الداعمة الصلبة لإنشاء تكوينات معمارية على هيئة خياشيم الأسماك،وبتحتوي الحديقة على أشجار نادرة اتجابت مخصوص من مدغشقر وأستراليا وتايلاند، من الغابات النادرة. مكان مناسب جدا للاسرة والاحباب😍🥰🎉
-٥👇👇

(3)حديقة الأورمان
بيكون فيه مهرجان الزهور في شهر إبريل
من أكتر الأماكن اللي هتحسوا فيها براحة نفسية عشان كمية الزرع اللي موجودة هناك
ده بيكون معرض كل تجار الزهور بيعملوا عرض لمنتجاتهم في الوقت ده هناك ومعاها كذا حديقة شوفوها في الفيديو دا❤️🥰♥️
مصر في الجمال عدت الورد جمال
-٦👇👇

الحديقة الدولية،، مدينة نصر،، الحقيقة اني مزورتهاش،، ملاهي للاطفال ومساحات واسعة وحفلات التذكرة 10جنيه وفي الاعياد 40جنيه
بيتهيألي هتكون مكان حلو لعمل picnic "غديوة"،، 😂😋
أي حديقة بتعيد تجديد النشاط،، العين بترتاح لما بتشوف اللون الأخضر..
-٧👇👇

(القناطر الخيرية) :
المساحات الخضرا هناك حكاية كمان وفيها مجموعة متاحف رائعة من أهمها متحف القناطر "الري" ومتحف الطفل لعلوم الري و متحف الثورة
اولادكم هايستمتعوا فيه بشكل كبير
واتفرجوا على فيديو ابن القناطر الرائع @veto_brand شكرا على مجهودك🎉🌷🇪🇬
-٨👇👇

بالنسبة بقى للشوارع الأثرية والمزارات التاريخية:
قلعة صلاح الدين
واحدة من أشهر القلاع الحربيةتم تشييدها فالعصور الوسطى
ودا يرجع لموقع القلعة الاستراتيجي واللي ساهم في الدفاع عن مدينة القاهرة،لموقعها الجغرافي المتميز، اتبنت على ربوة منفصلة عن جبل المقطم
شكرا @Egyptian_mamluk
-٩👇

صلاح الدين كان حريص على تجهيز القلعة عسكريا بأعلى التجهيزات في الوقت دا، فحفر بئر عميقة داخل القلعة، بلغ عمقها 85 متر، يوفر المية لجنوده ولسكان قلعته في حالة حصارها، وعُرفت باسم بئر جوزيف، ممكن رؤيتها لحد النهاردة
شكرا @MostaHassan31
-١٠تابع

فيها مساجد، أشهرها مسجد محمد علي باشا، ومسجد سليمان باشا، وتم إضافة العديد من المتاحف للقلعة زي متحف الشرطة ومتحف قصر الجوهرة، ومتحف النقل الذي يضم مجموعة من السيارات الملكية الفريدة اللي بترجع لفترات تاريخية مختلفة
-١١👇👇

ندخل بقى على الشوارع الأثرية اللي حاليا معمول لها خطة تطوير من الدولة مبهرة تليق بقيمتها التاريخية، وحاول أول ما تدخل شوارع القاهرة الحضارية تحبس انفاسك من العظمة عشان هتحس انك فى زمن تانى!
ممكن تطلع على شارع الصليبة بالقلعة تشوف بعض القصور والبيوت التاريخية
-١٢👇👇😍🇪🇬❤️

ممكن تزور قصر الامير طاز،واحد من القصور التاريخية من عصر المماليك
القصر موجود فى منطقة حى الخليفة بالقلعة بشارع السيوفية المتفرع من شارع الصليبة. انشأه الامير سيف الدين طاز بن قطغاج
حاجة تحفة كدة وتلاقي نفسك ركبت آلة الزمن ب10جنيه فقط لا غير
متسالش ازاي..ماهى عمار يا مصر🇪🇬
-١٣👇

سبيل وكتّاب الملك الأشرف أبو النصر قايتباي.. ومسجد احمد بن طولون
وياريت كمان تستغل فرصة وتحود على شارع المعز وجود حفلات ومهرجانات زى مهرجان الطبول علشان تشوف جمال المكان هناك بليل
-١٤👇👇

كمان شارع المعز،
مليان آثار وأماكن فعلا تستاهل أكتر من يوم،مش يوم واحد
و ممكن تتصوروا كمان بالملابس التراثية هناك وهتكون ذكرى حلوة ومختلفة وفيه محلات هدايا هناك وأسعارها بتكون بسيطة ومعقولة
أهم حاجة بقى فطاطري الحسين😋😋
مش هتنسى طعمه ولا اليوم الحلو والتجربة اللذيذة🥰💃
-١٤👇👇

وندخل على شارع الخيامية،، القريب من باب زويلة وهو متخصص في فنون الرسم بالقماش مشتق من الخيام -أفضل وقت لزيارته قبل رمضان و في رمضان،، بس عموما طول السنة لو زورتوا المكان هتحسوا بروايح زمان و الأصالة
ونشكر صاحبة الفيديو❤️🇪🇬
@NAlmshhwrt
-١٥👇👇

الجمالية،، و عن جمال الحي و الشوارع و عراقته..
مسجدي السلطان حسن و الرفاعي،، عظمة المكان تكفي..متحف بيت الكريتلية
و لو ابتديت فيه كلام مش هنخلص ومعظمها مزارات تقريبا من غير فلوس خالص!!
يعني فسحة وتمشية رياضة ومعرفة وتسلية
مستنى ايه قوم على الجمالية😍🥰🇪🇬❤️
-١٦👇👇

ا المتاحف ،، فحدث و لا حرج::
(1)المتحف المصري بميدان التحرير،،
حيث الحضارة والتاريخ،، و التصوير متاح بالموبايل مجانا بدون فلاش
التصوير ممنوع داخل غرفة توت عنخ آمون وقاعتى تانيس
التذاكر للمصريين والعرب30 جنيه/الطالب:10 جنيه
متحف اثري افتتح 1902في عهد الخديوي عباس حلمي
-١٧👇👇

والمتحف المصري القديم هو اللي خرجت منه ال22 مومياء الملكية في حدث عالمي تناقلته وسائل الإعلام المحلية والعالمية، في يوم السبت 3 أبريل2021، تضمن الحدث مغادرة 22 مومياء ملكية من المتحف المصري إلى المتحف القومي للحضارة المصرية بالفسطاط.
وقفت فيه مصر انفاس العالم من الابهار
-١٨👇

المتحف القومي للحضارة المصرية
يقع في الفسطاط بالقاهرة علي مساحة 33.5 فدان. ويستوعب 50ألف قطعة أثرية تحكي لمراحل تطور الحضارة المصرية بالإضافة إلى عرض لإنجازات الإنسان المصري في مجالات الحياة المختلفة منذ فجر التاريخ حتى وقتنا الحاضر وهو اللي وصلت له ل22مومياء الملكية
-١٩🇪🇬❤️🌿👇

بيحتوى على نماذج وصور فوتوغرافية ومخطوطات ولوحات زيتية وتحف فنية وآثار من العصر الحجري والفرعوني واليوناني الروماني والقبطي والمملوكي والعصر الحديث. ويطل موقع المتحف على بحيره طبيعية وهي بحيرة عين الصيرة بعد التجديد والتطهير
-٢٠👇👇

فوتك في الكلام قبل ما امشي من القاهرة التاريخية
حود على
متحف الفن الإسلامي
باب الخلق أحمد ماهر وقريب من الخيامية
يعني ممكن نجمع الزيارتين مع بعض في يوم واحد والمتحف كمان فيه أنشطة للأطفال وبيقام معارض وحفلات داخل المتحف و لطلاب الدراسات العليا فيه مكتبة عظيمة داخل المتحف
-٢١👇👇

وانت في سكتك على مصر القديمة
ادخل متحف قصر الامير محمد علي بالمنيل مكان يستحق الزيارة
تذكرة الدخول الطلبه ب ٥ جنيه وغير الطلبه ب ٢٠ مسموح التصوير بالموبايل فقط وممنوع تصوير الفديو والتصوير بدون فلاش ..
تحف تستحق عينك تتمتع بيها مقتنيات فنية ثمينة على ارض مصر
-٢٢👇👇

وانت في سكتك على مصر القديمة
ادخل متحف قصر الامير محمد علي بالمنيل مكان يستحق الزيارة
تذكرة الدخول ا...

وعند مصر القديمة
اعزم نفسك والعيلة على لفة في مجمع الاديان
تقع المنطقة بجانب بقايا من الحصن الرومانى القديم، بجانب الحصن الكنيسة المعلقة،والمتحف القبطى وكنيسة مار جرجس،والمعبد اليهودى،ومسجد عمرو بن العاص
وكان في معبد للمعبود أوزير،وهى إحدى محطات العائلة المقدسة فرحلتهم لمصر
-٢٣👇

قصر الذهب
ودا في جزيرة الدهب جنوب الجيزة،وصاحبه نجيب عبدالله حسن شركس،وتم ترميمه وبيضم القصر علامات مملوكية على كل جدرانه وجناينه حكاية محاطة بالنيل بمبانيه وبواباته المقوسة،ولا يمكن الوصول لقصر شركس إلا عن طريق القوارب. وهى فرصة تاخد فسحة نيلية عظيمة
-٢٤👇👇

وطبعا او انت من السميعة و الناس التقال محبي الفن الفظيعة هتكون عايز تزور بالتاكيد متحف كوكب الشرق وسيدة الغناء العربي #أم_كلثوم في متحفها بالمنيل ومتحف امير الشعراء أحمد شوقي في كرمة ابن هانئ بالجيزة
-٢٥👇👇

ونختم بمزار سياحي ترفيهي جديد اسمه ممشى اهل مصر
تذكرةمجانى لكن20 ج رسوم دخول الكافيهات والمطاعم وبتتخصم من الفاتورة
فيه مطاعم وكافيهات رائعةبطول 3.2 كم
في المسافة من كوبري قصر النيل انتهاء بكوبري إمبابة وكوبري الساحل،
وتشمل تنفيذ ممشى أفراد متدرج
-٢٦👇👇

وسامحوني لو مقدرتش اغطي كل الاماكن الحلوة شبه المجانية في مصر لكن هكلم عن الاهرامات ولا ابو الهول و اثار منطقة سقارة ولا اثار منطقة المطرية ولا ايه ولا ايه؟
لسة في اماكن كتير ومزارات تخلي العقل يطير وكلها بفلوس قليلة اقل من خروجاتنا الكافيهات والمولات بكتير!!
-٢٧👇👇

فى النهايةحابة أقولكم
السعادة مش مرتبطة بفلوس أقل شئ ممكن يسعدنا
المهم ندى فرصة لنفسنا نشوف الدنيا بعين الرضا
اعذرونى لو طولت عليكم
اصلى اتكلمت عن حبيبتى اللى كل نسمة هوا فيها بالنسبة لى جمال
بلدنا حلوة وتستحق اننا نتمتع بيها
مصر نعمة كبيرة
#تحيا_مصر🇪🇬❤️
#شيرين_هلال

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد