كيف تعمل إدارة (FP&A) في الشركات - ثريد
أعتقد في الفترة الأخيرة سمعت وشوفت زملاء كتير بيتكلموا وبيكتبوا مواضيع عن الــــ (Fianacial Palnning and Analysis - FP&A) …. بس ممكن ميكنش حد قالك هما الناس اللي شغالين الشغلانة دي بيعملوا أيه بالضبط ؟
هو بيني وبينك المصطلح نفسه مطاط شوية ومش واضح …. تعال نحاول مع بعض وبعبارات مُختصرة نشوف الشغلانة دي عبارة عن أيه.
بص يا سيدي تخيل معي أن إدارة شركتك عاوزه تُطلق مُنتج جديد في السوق، فالمُنتح ده له مخاطر وممكن يكسب أو يخسر، فبييجي فريق الـــ (FP&A) يقعد مع فريق التسويق والمبيعات والإدارات الأخرى ويقولهم قلولي بقى أيه هو حجم السوق المُتوقع، تكاليف الانتاج، التسعير والمبيعات المُتوقعة.
بعد كده يجي فريق الــــ (FP&A) ياخدوا التقرير ده ويعملوا منه تقرير مُفصل يحتوي على نمذجة مالية (Financial Modelling) ويتوقع حجم المبيعات، التكاليف، المُنتج هيكسب ولا لا والاستثمار اللي محتاجه المُنتج ده عشان يتم اطلاقه، وكمان التقرير ده يشمل توقعات التدفقات النقدية وحساب (ROI)
وعشان يعمل كده بياخد في اعتباره كل العوامل اللي أخدها من الناس بتوع التسويق ومُختلف إدارات الشركة، ولازم يحط أكثر من سيناريو ويشوف أداء المنتج أيه مع كل واحد، ويقدر يستعين بتحليل (SWOT) وتحليل (PEST) وتحليل (BCG Matrix) وتحليل (Porter's Five Forces).
كمان لازم يعمل تحليل ماذا لو أو (Sensitivity Analysis) يعني ماذا لو المبيعات انخفضت أو التكاليف ارتفعت بنسبة 10% هل المنتج سيظل يكسب ولا هيخسر ؟.
يبقى هنا دور الناس دي إنهم يساعدوا إدارة الشركة في اتخاذ القرار وتوزيع الموارد وتحديد المخاطر وإدارتها ومعرفة ربحية المنتج، والدور دور ممكن نسميه:
Business Planning and Strategy
Financial Modeling
Business Planning and Strategy
Financial Modeling
طيب المُنتج ده عشان نصنعه محتاج فلوس وفلوس يعني بدجت، فييجي دور فريق (FP&A) في إعداد الموازانة (Budgeting) ويجتمعوا مع رؤساء كل الإدارات ويقولهم الكلام علي أيه … محتاج فلوس كام السنة دي عشان تحقق الأهداف بتاعتك وتنفذ مشاريعك؟ يقوله عاوز قد كده ….
وبعد هات وخد مع كل إداراة بيتم الإتفاق على موازنة الشركة (Budget Report) وموازنة كل إدارة ويقولها نصيبك أهوه من الموازنة وده اللي هحاسبك عليه، وفي نهاية كل شهر أو كوارتر يشوفوا كل إدارة صرفت كام وكان ليها بدجت قد أيه..
فلو صرفت كتير يقولوا لرئيس الأدارة أيه اللي خلك تصرف كتير ؟ ولو صرف قليل أوي يقولهُ ليه مصرفتش؟ وده بيكون من خلال الـــ (Variance Report)،
طبعًا مع الأخذ في الاعتبار أهداف كل إدارة ووضع التوصيات لتصحيح مسار انحرافات الموازنة… وفي الاخر ياسيدي المفروض كل إدارة تتحاسب بناءً على الموازنة اللي كانت مُخصصة ليها.
وهنا دورهم نقدر نسميه (Budgeting)
وهنا دورهم نقدر نسميه (Budgeting)
حلو جدًا كده كله تمام … والمنتج بدأ يبيع في السوق والمبيعات زي الفل … والمبيعات دي وما يرتبط بها من تكاليف ومصروفات وأصول والتزامات بتركن أخر السنة في القوائم المالية،
فييجي فريق الـــ (FP&A) يمسكوا القوائم دي ويحللوا أداء الشركة ومركزها المالي باستخدام نسب التحليل المالي ومؤشرات الأداء التشغيلية (Operational Metrics) ومؤشرات الأداء الرئيسية (KPIs) اللي بتخلف من شركة لشركة.
فيشوفوا المبيعات والتكاليف زادت ولا انخفضت وأيه الأسباب، وكل اللي أنت عارفه من أمور التحليل المالي، وهنا الناس دول بيدوا صورة كاملة للإدارة، وبالتالي الإدارة تقدر تاخد قرارات زي مثلًا تزود سعر البيع ولا تخفضه، تزود الحملات التسويقية ولا لا، تشوف موردين تانيين ولا تعمل ايه وهكذا
كمان ممكن تعمل تحليل على مستوى كل بند فمثلًا تقوم بتحليل هيكل تكاليف الشركة، بما في ذلك تحليل مكونات التكلفة الرئيسية (مثل المواد الخام والعمالة والنفقات العامة)، وتحديد محركات التكلفة والانحرافات ويقدر يوصي باستراتيجيات لتحسين التكاليف.
بس كده … لا …. دول كمان ممكن ياخدوا القوائم المالية دي اللي هي مبنيه على بيانات تاريخية ويحولوها لـــ (Projections)،
يعني مثلًا ياخد مبيعات السنة اللي فاتت ويفترض افتراض معين بناء على ترند المبيعات وظروف السوق الحالي والمُتوقع، ويقولك المبيعات متوقع تكون قد كده السنة الجاية وممكن يقسمها حسب خطوط الإنتاج أو قطاعات الأعمال وهكذا..
وهنا الناس دول ساعدوا إدارة الشركة على توقع الأداء المالي المُستقبلي، وبالتالي تخصيص وتوزيع موارد الشركة بناء على هذا التوقع.
والدور ده ياسيدي نقدر نسميه (Financial Analysis and Forecasting)
والدور ده ياسيدي نقدر نسميه (Financial Analysis and Forecasting)
وفي المُجمل …. فريق (FP&A) بيقارن النتائج المالية الفعلية لإدارة معينة وللشركة ككل بالأرقام المُدرجة في الميزانية، وبيحددوا التجاوزات الكبيرة للتكاليف في نفقات تشغيل الإدارة،
وده بيشمل تحليل للسبب الجذري للفروقات دي، ويحلل مؤشرات الأداء الرئيسية (KPIs) مثل إيرادات المبيعات والنفقات وهوامش الربح، ويحدد فرص التحسين ويقدم رؤى وتوصيات لتعزيز الأداء وتحقيق الأهداف المالية.
والدور ده نقدر نسميه (Performance Management)
والدور ده نقدر نسميه (Performance Management)
وأخيرًا كل الكلام ده لازم يطلع في شكل قصة للإدارة العليا فيقوم فريق (FP&A) بتقديم تقارير شهرية للإدارة التنفيذية، يسلط الضوء فيها على المُؤشرات المالية الرئيسية
مثل الإيرادات والنفقات، هوامش الربح، معدل حرق الكاش، وصافي الدخل، التدفقات النقدية التشغيلية والحرة، معدلات التحصيل ودروان المخزون، وغيرها من المُؤشرات..
بالإضافة لكده بيقدموا تفسيرات لأي انحرافات كبيرة عن الميزانية أو الفترات السابقة، والرؤى والتوصيات لتحسين الأداء المالي وتحقيق الأهداف الاستراتيجية للشركة.
والدور ده نقدر نسميه (Management Reporting)
والدور ده نقدر نسميه (Management Reporting)
الخلاصة دور فريق (FP&A) يتلخص في التالي :
Business Planning and Strategy
Financial Modelling
Budgeting
Financial Analysis and Forecasting
Performance Management
Management Reporting
Financial Modelling
Budgeting
Financial Analysis and Forecasting
Performance Management
Management Reporting
ده كان ملخص بسيط لشغل إدارة (FP&A) والكلام يطول في كل دور، وللمزيد والاطلاع على نماذج من التقارير اضغط هنا
linkedin.com
linkedin.com
استفدت من الثريد ؟
تابعني @walidyassinacca وريتويت أول تغريدة.
واشترك في قناتنا على اليوتيوب
@walidyassinacca" target="_blank" rel="noopener" onclick="event.stopPropagation()">youtube.com
تابعني @walidyassinacca وريتويت أول تغريدة.
واشترك في قناتنا على اليوتيوب
@walidyassinacca" target="_blank" rel="noopener" onclick="event.stopPropagation()">youtube.com
جاري تحميل الاقتراحات...