بيب جوارديولا : رونالدينيو كان لاعبا من مستوى آخر حتى جاء ميسي ...
السؤال هنا : ايه اللي يخلي جوارديولا يقول كلام زي ده ؟
ايه اللي شافه جوارديولا مميز و مختلف في ميسي و مكنش موجود في رونالدينيو لدرجة انه يستغني عنه بكل سهولة كدة ؟
ثريد عن العظيم " ليونيل ميسي " ❤️
السؤال هنا : ايه اللي يخلي جوارديولا يقول كلام زي ده ؟
ايه اللي شافه جوارديولا مميز و مختلف في ميسي و مكنش موجود في رونالدينيو لدرجة انه يستغني عنه بكل سهولة كدة ؟
ثريد عن العظيم " ليونيل ميسي " ❤️
لو جينا بصينا علي الاتنين هنلاقيهم بيحققوا مبدأ مهم جدا في السكاوتنج ألا و هو الابداع و فعل امور جديدة علي الكرة و ده شئ ينم علي الموهبة الحادة بكل تأكيد و اللي في لعيبة كتير مش بتقدر تعمله ..
طب ايه المختلف في الثنائي ده طالما الموهبة عندهم هما الاتنين في مستوي عالي جدا ؟! 🤔
طب ايه المختلف في الثنائي ده طالما الموهبة عندهم هما الاتنين في مستوي عالي جدا ؟! 🤔
بكل بساطة المختلف هو " ادارة الموهبة "
الجملة دي معناها ان مش كل واحد بيتمتع بموهبة عالية قادر انه يحقق من خلالها نجاحات كتير ، لان الموهبة دي عبارة عن هدية او نعمة مجانية ربنا بيديهالك ، لو مقدرتش تديرها بشكل صح ، سهل جدا تتطفي في يوم من الايام ..
الجملة دي معناها ان مش كل واحد بيتمتع بموهبة عالية قادر انه يحقق من خلالها نجاحات كتير ، لان الموهبة دي عبارة عن هدية او نعمة مجانية ربنا بيديهالك ، لو مقدرتش تديرها بشكل صح ، سهل جدا تتطفي في يوم من الايام ..
هو ده رونالدينيو ، لاعب مستهتر و مش مدرك موهبته بالشكل الكافي ، واحد بيقضيها سهر و بييجي التدريبات و هو سكران و بيعمل علاقات غير شرعية و حاجات كلها قرف في قرف ادت في وقت من الاوقات ان مستوي رونالدينيو في الملعب اصبح اقل من العادي و بيأدي دايما ان استمراريته مع الفرق بتكون قليلة
لان اللاعب ده غير واعي و السكاوتنج بيقولك ان تصرفات اللاعب خارج الملعب لا تقل عن داخله ، يعني عشان اشوفه لاعب يستاهل التعاقد معاه ، محتاج اتابع كل تصرفاته ، بالكرة و بدونها ، جوة الملعب و برة الملعب ، طبقا ل مبدأ مهم في السكاوتنج اسمه " 4 corner model " و منهم النموذج الاجتماعي .
لو روحنا لميسي هنلاقي ان ميسي شخص واعي و حكيم ، عنده ادارة ناجحة لموهبته ، مدرك امكانياته و عنده فهم و تعمق شديد ل اللعبة ، عشان كدة عقله قادر يوزن السياقات كلها في الملعب ، امتي اقدم شئ فردي و انا مدرك اني قادر علي ده ، و امتي هحتاج زميل و اتنين عشان نوصل للمرمي .
برة الملعب زي جوة ، بدون الكرة هو متطرف لانه اكتر لاعب قادر يرصد الملعب بكل ما فيه و ياخد معلومات و يخزنها في ذهنه ، عشان لما تجيله الكورة يقدر يستدعي المعلومات دي و يقدم قرارات تقنية مناسبة للسياق ..
ميسي مش متكبر زي رونالدينيو في الملعب ، ميسي مبيدخلش ب وشه للمدافعين الا و هو عارف هيستخدم انهي نمط تحديدا للمراوغة او التمرير او التسديد .
فموضوع ادارة الموهبة مش متوقف بس علي انك تكون ملتزم في كل شئ و تحترم و تقدر الموهبة اللي اداهالك ربنا ، ده كمان انت بتدخل عقلك في القصة جوة الموقف نفسه في الملعب ..
عشان كدة ميسي دايما سابق الشحص اللي قدامه بثانية او اتنين ، ده معناه ان ايقاع ميسي في القرارات اسرع من كل لاعبي الملعب و ده الشئ اللي بيخليه يكرر كل مرة نفس المراوغة و نفس التسديدة و نفس التمريرة و برضه الخصم مش قادر يوقف ده مع انها اتكررت قدامه كذا مرة ..
في السكاوتنج كانوا بيوضحه ان مش شرط عشان اللاعب صغير الحجم ف متختاروش لفريقك ، لان علامات نضوجه بدنيا ملهاش علاقة بامكانياته التقنية و الذهنية ، و جابوا امثلة كتير زي ميسي و سانشيز و كوتينيو و جريزمان و محرز و بيرناردو ، كل دول لعيبة ذو إمكانيات مرتفعة بالرغم انهم بدنيا مش عاليين
ميسي بالاخص بقي واحد من اعلي لاعبي العالم ان مكنش الاعلي في مقاومة ضغط المنافس بالرغم انه صغير الحجم و معندوش مثلا مخزون عضلي كافي عشان يقدم ده في الملعب ..
لان ميسي بيقدم ده بعقله ، زي ما قولتلك ، ايقاعه اسرع ، يعني اماكن تواجده حول الكرة و احتواءه لها و تحصينها بيكون قبل ما الخصم يعمل كدة ، ف انت هتصطدم بجسد ميسي مش بالكرة ، ف يا هترتكب خطأ ، يا اما هتترك ميسي يعدي عادي ..
عشان كدة ميسي مش بيتأثر بالضغط نهائيا ، قصاد ٤ و ٥ لاعبين قادر يعملهم اقصاء من المشهد و يتقدم عموديا خطوات اكتر ، و ده بيحصل نتيجة حاجتين 👇
١ - اللمسة الاولي لميسي المتطرفة جدا ، عكس اتجاه الضغط اللي بيقدمه الخصم و في اتجاه قدمه الثابتة و المرتكز عليها عشان يضغط بالقدم الاخري
٢ - ميسي اصلا بيستني المدافع يعمل ال Action الاول و يكون هو رد الفعل اساسا و ده عكس الطبيعي ، ان المهاجم اكيد بيقدم ال action و المدافع بيتصرف علي اساسه كرد فعل
لكن اللي بيحصل من ميسي هو العكس ، و ده مجهود ذهني بيتقدم في كل لقطة مش طبيعي فعلا ، كمية طاقة ذهنية و تركيز و سرعة بديهة بيحتاجهم ميسي هنا يفوقوا الطبيعي ..
عشان نوصل للنهاية و نقول ان بسبب ادارة ميسي لموهبته و تقديره و احترامه لها هو استمر بنفس المستوي المتطرف لمدة تفوق ال 15 سنة و حصد الكثير و الكثير من النجاحات ، فالاستمرارية بتيجي من الادارة الصحيحة للموهبة مش من الموهبة نفسها ..
عشان كل الكلام ده بقي ، فاحب اقولك جوارديولا وقع في غرام ميسي و ترك رونالدينيو بسهولة لان ميسي مميز بعقله و ادارة موهبته اكتر ما هو مميز بموهبته بس ❤️ ..
عيد ميلاد سعيد لواحد من افضل الممتعين علي الكوكب ده ❤️
عيد ميلاد سعيد لواحد من افضل الممتعين علي الكوكب ده ❤️
جاري تحميل الاقتراحات...