قِبيل كنت قاعد براي بعد الدكان فِضَى شوية من الزباين؛ قاعد بتأمل في الناس المارين بالشارع، جاء واحد ظريف كده شايل باقة فاضية وجردل وصابون وشنطة ضهر، و أنا من طبيعتي بشاغل الناس البجوا مارين بَي و بتونس معاهم، الشاب شكلو في نفس عمري، عاوز أفتح معاهو موضوع فقلت ليهو وأنا بضحك :"يا
"يا ود الخرطوم الخبر شنو؟ جيت متين البلد دي، أنا شايفك في حتة لكن ما متذكر وين! قريت جامعة السودان إنت؟" عاين لي بتعجب و قال :"إنت بتتكلم معاي؟!" قلت ليهو :"أيوه معاك إنت"، قال لي إنو من رفاعة و جاء مدني هنا شغال غسيل عربات، قال لي دخلت تجارة «خضار» الأسبوع الفات وخسرت قروشي كلها
خسرت قروشي كلها، و طلع خريج هندسة مدنية دفعة2016 أكبر مني بسنة، قال كان منتظر الشهادة بس عشان يقدر يسافر السعودية وهسي ما لاقي طريقة، في النهاية بتونس معاهو زي نص ساعة، جاء ماشي سألتو من اسمو و طلعنا بنعرف بعض و كنا سوا في واحدة من الدول الإفريقية وأبوي صديق أبوهو و أسرنا بتتعارف
و أسرنا بتتعارف حق المعرفة، سلمت عليهو سلام شديد، و قلت ليهو تمشي معاي البيت الليلة، كان مبتسم و راضي رغم الحاصل ..
الليلة الصباح زي الساعة 11 تعبنا و وقفنا من الشغل قلنا نفطر، جبنا فطور السوق و قعدنا جماعة نتونس، جات مرأة و معاها بنتها تقريبا عمرها 10سنوات، قعدت جنبنا في نفس
الليلة الصباح زي الساعة 11 تعبنا و وقفنا من الشغل قلنا نفطر، جبنا فطور السوق و قعدنا جماعة نتونس، جات مرأة و معاها بنتها تقريبا عمرها 10سنوات، قعدت جنبنا في نفس
في نفس السرير القاعدين فيهو، ظاهر عليها التعب و الإعياء، قالت إنها جات من الخرطوم بسبب الحرب و قاعدة في مدرسة هنا، و هسي بتفتش لبيت تأجره وما عندها حاجة، قلنا ليها أفطري إنت و بنتك و تاني ربنا بسهلها، رفضت تفطر، في راجل عمل لينتها ساندويتش و شالته على استحياء منها، قالت عاوزة
قالت عاوزة قروش مواصلات ماشية بيهم المناقل لزول قال احتمال يوفر ليهم سكن، الناس ساعدوها و مشت..
قبل شوية جاء راجل لابس جلابية نضيفة و قعد جنبي في الأرض، قلت ليهو أقعد فوق في السرير يا خال، قال لي بقعد هنا ما مشكلة، هيأته نهائيا ما بتوحي إنو متسول، قال لينا :"والله أنا ظروفي كعبة
قبل شوية جاء راجل لابس جلابية نضيفة و قعد جنبي في الأرض، قلت ليهو أقعد فوق في السرير يا خال، قال لي بقعد هنا ما مشكلة، هيأته نهائيا ما بتوحي إنو متسول، قال لينا :"والله أنا ظروفي كعبة
و أمي متوفية و حالتنا صعبة شديد، عاوز مساعدة" و قال و هو متأثر :" و الله دي أول مرة في حياتي كلها أشحد فيها" و مشى بعيد مننا شوية و بكى ومسح دموعه و الله ..
دي تلاتة حالات من آلاف حالات البؤس الأنتجتها الحرب، غير الكمية المهولة من الناس المتعففة البتجي تسأل المساعدة كل رأس دقيقة
دي تلاتة حالات من آلاف حالات البؤس الأنتجتها الحرب، غير الكمية المهولة من الناس المتعففة البتجي تسأل المساعدة كل رأس دقيقة
رأس دقيقة في الدكان، قعدت شوية بتأمل في حال الأم و طفلتها و الراجل و الشاب، و حاجة آمنة ست الشاي و سُمعة بتاع الدرداقة و إدريس بياع العصير، عرفت إنو المصائب مَسَّتْ كل الفئات و كل الأعمار و كل المجتمع، من الصغير للكبير للشاب و النساء، ما فرّقت و كلنا تضررنا منها بطريقة مباشرة أو
أو غير مباشرة.
بتأمل في حال الأم المسكينة و الراجل المتعفف و الشاب المجتهد المصادم و الحاصل معاهم ده و أحوال الدنيا المُتَقلّبة و صعوبات الحياة البواجهوها في الفترة دي..
حقيقة الدنيا إنها لا تُمَثِّل إلا مرحلة مؤقتة قبل الحياة الحقيقية، و وسيلة نقل لمكان الإقامة الحقيقي ...
بتأمل في حال الأم المسكينة و الراجل المتعفف و الشاب المجتهد المصادم و الحاصل معاهم ده و أحوال الدنيا المُتَقلّبة و صعوبات الحياة البواجهوها في الفترة دي..
حقيقة الدنيا إنها لا تُمَثِّل إلا مرحلة مؤقتة قبل الحياة الحقيقية، و وسيلة نقل لمكان الإقامة الحقيقي ...
الدنيا دي دار ابتلاء و دار شقاء، ما دار قرار و استقرار و سعادة، دار أكدار وليست دار صفاء، الدنيا ما هي إلا كُبري مفترض نعبر بيهو للمرحلة الجاية، و مهما واجهتنا من أهوال في الكُبري ده فهو عنده نهاية و ختام...
الاكتئاب و الضغط النفسي الكبير الحاسي بيهو معظمنا بسبب الضائقة دي، كل ده
الاكتئاب و الضغط النفسي الكبير الحاسي بيهو معظمنا بسبب الضائقة دي، كل ده
كل ده حاصل بسبب عدم فهمنا لطبيعة الدنيا، فهي تسرك مرة و تسوؤك مرات.
في النهاية هي دار انصرام لا دار دوام مهما حصل فيها، دار عبور لا دار حبور، ما قاعدين نتفكر في حقيقتنا و مُنتهانا، الحرب ورتنا بوضوح الحاجة دي، مهما عشنا كتير، لو اتعذبنا فيها أو عشنا حياة فارهة، في الأخير النهاية
في النهاية هي دار انصرام لا دار دوام مهما حصل فيها، دار عبور لا دار حبور، ما قاعدين نتفكر في حقيقتنا و مُنتهانا، الحرب ورتنا بوضوح الحاجة دي، مهما عشنا كتير، لو اتعذبنا فيها أو عشنا حياة فارهة، في الأخير النهاية
النهاية واحدة للكل ..
و لو إنت فاهم إنو الحياة دي نهايتها الموت و خلاص حتكون عايش حياتك كلها في دوامة اكتئاب مستمرة و دائمة، و لو اتعاملت مع الحياة بالمنطق ده ما حتعيش مرتاح أبدا و حتكون شايف إنو ربنا دائما بضيق عليك.. "و للآخرةُ خيرٌ لك من الأولى" و لو متضايق لسة الآية البعديها
و لو إنت فاهم إنو الحياة دي نهايتها الموت و خلاص حتكون عايش حياتك كلها في دوامة اكتئاب مستمرة و دائمة، و لو اتعاملت مع الحياة بالمنطق ده ما حتعيش مرتاح أبدا و حتكون شايف إنو ربنا دائما بضيق عليك.. "و للآخرةُ خيرٌ لك من الأولى" و لو متضايق لسة الآية البعديها
البعديها بتقول :"و لسوف يعطيك ربك فترضى"، و إنت منو عشان تعترض ؟! "ألم يجدك يتيما آوى؟"،و كان ممكن نكون غير مهتدين أو ضالين غير مسلمين "ووجدك ضالاً فهدى"
ربنا سبحانه وتعالى حكمته إنو وضع الاختبار ده ليمحصنا، و حقيقة الدنيا دي ما هي إلا لعب و لهو حتخلص في ساعات معدودة "ما لبسنا
ربنا سبحانه وتعالى حكمته إنو وضع الاختبار ده ليمحصنا، و حقيقة الدنيا دي ما هي إلا لعب و لهو حتخلص في ساعات معدودة "ما لبسنا
"ويوم تقوم الساعة يقسم المجرمون ما لبثوا غير ساعة" و الآخرة هي الدار الحقيقة لكن أغلب الناس غافلين من الحقيقة دي "و ما هذه الحياة الدنيا إلا لهوٌ و لعب وإن الدار الآخرة لهي الحيوان لو كانوا يعلمون"
لو كانوا يعلمون! و نحن غافلين.
الرسول بيقول لينا وهو الذي لا ينطق عن الهوى :"إنما
لو كانوا يعلمون! و نحن غافلين.
الرسول بيقول لينا وهو الذي لا ينطق عن الهوى :"إنما
"إنما أحدكم في الدنيا كنت استظل بظل شجرة ثم تركها و ذهب". بس ضُل تقعد فيهو دقيقة و تمشي تخليهو؛ فما تديها أكبر من حجمها عشان ما تتعب.
ربنا يرحمنا و يغفر لينا، و ينصر قواتنا المسلحة على الميليشيا المرتزقة، و نرجع بيتنا و ترجع حياتنا زي ما كانت.
"یأیها النّاس إِنّ وعدَ اللّه حَقّ⬇
ربنا يرحمنا و يغفر لينا، و ينصر قواتنا المسلحة على الميليشيا المرتزقة، و نرجع بيتنا و ترجع حياتنا زي ما كانت.
"یأیها النّاس إِنّ وعدَ اللّه حَقّ⬇
ربنا يرحمنا و يغفر لينا، و ينصر قواتنا المسلحة على الميليشيا المرتزقة، و نرجع بيتنا و ترجع حياتنا زي ما كانت.
"یأیها النّاس إِنّ وعدَ اللّه حَقّ فلا تغُرنّكُمُ الحياة ٱلدنیا وَلَا یَغُرّنّكُم بالله الغَرُور".
"یأیها النّاس إِنّ وعدَ اللّه حَقّ فلا تغُرنّكُمُ الحياة ٱلدنیا وَلَا یَغُرّنّكُم بالله الغَرُور".
"ويوم تقوم الساعة يقسم المجرمون ما لبثوا غير ساعة" و الآخرة هي الدار الحقيقة لكن أغلب الناس غافلين من الحقيقة دي "و ما هذه الحياة الدنيا إلا لهوٌ و لعب وإن الدار الآخرة لهي الحيوان لو كانوا يعلمون"
لو كانوا يعلمون! و نحن غافلين
الرسول بيقول لينا وهو الذي لا ينطق عن الهوى:"إنما
لو كانوا يعلمون! و نحن غافلين
الرسول بيقول لينا وهو الذي لا ينطق عن الهوى:"إنما
"إنما أحدكم في الدنيا كنت استظل بظل شجرة ثم تركها و ذهب". بس ضُل تقعد فيهو دقيقة و تمشي تخليهو؛ فما تديها أكبر من حجمها عشان ما تتعب.
ربنا يرحمنا ويغفر لينا، و ينصر قواتنا المسلحة على الميليشيا المرتزقة، ونرجع بيتنا و ترجع حياتنا زي ما كانت.
"یأیها النّاس إِنّ وعدَ اللّه حَقّ⬇
ربنا يرحمنا ويغفر لينا، و ينصر قواتنا المسلحة على الميليشيا المرتزقة، ونرجع بيتنا و ترجع حياتنا زي ما كانت.
"یأیها النّاس إِنّ وعدَ اللّه حَقّ⬇
ربنا يرحمنا و يغفر لينا، و ينصر قواتنا المسلحة على الميليشيا المرتزقة، و نرجع بيتنا و ترجع حياتنا زي ما كانت.
"یأیها النّاس إِنّ وعدَ اللّه حَقّ فلا تغُرنّكُمُ الحياة ٱلدنیا وَلَا یَغُرّنّكُم بالله الغَرُور".
"یأیها النّاس إِنّ وعدَ اللّه حَقّ فلا تغُرنّكُمُ الحياة ٱلدنیا وَلَا یَغُرّنّكُم بالله الغَرُور".
جاري تحميل الاقتراحات...