بما اني فاضي قلت بقول لكم قصة حقيقية صارت معاي في احدى الدول الخليجية .قبل اربع سنوات تقريبا رحت الى هاي الدولة للعلاج كنت مريض كان فيني مس كان معاي اخوي اصغر مني بثلاث سنوات وصديقي اكبر مني بسبع سنوات و صديقي الثاني اصغر مني تقريبا باربع او خمس سنوات رحنا الى هاي الدولة اخذنا
اخذنا موعد من الشيخ الموعد كان بنفس اليوم بعد صلاة العشاء رحنا انا واخوي واثنين من اصدقائي الشيخ شايب عمره تقريبا في التسعينات وما يتكلم عربي يتكلم بلغة غريبة عمري ما سمعتها وكان في شخص معاه المساعد ماله يترجم بالعربي قالي اجلس وقول في قلبك بسم الله بسم الله كرر هالجملة
وانا كنت اكرر في قلبي بسم الله بسم الله كان يقول كلمات ما افهمها والله كإنها مب لغة بشر كنت احس اللي يتكلم الجني اللي في داخله هالشايب مجرد حبل وصل بين عالمنا وعالم الجن كان يقول كلام غير مفهوم وانا اكرر في قلبي بسم الله بسم لين رجعت وخيست كندورتي قالي تعال باجر بس لازم تشتري زيت
لازم تشتري زيت الزيتون وماي مقراي عليه واعشاب كلفنا كل هذا تقريبا 700 درهم اماراتي َانا وقتها كنت تعبان احس جسمي مكسور من التعب بحكم ان فيني مس من الجن الله يبعدهم عني وعنكم يارب كنا حاحزين غرفة في فندق بحكم اني مريض وما احب اسير بيت اهلي وماخبرت احد من اهلي او ربعي عشان
عشان لا يحنون علي وسير عندهم البيت خلصنا من الشيخ (الساحر) ورجعنا الفندق ريحنا شوي لين صرت زين غيرنا وطلعنا نتعشى في مطعم تعشينا وسرنا منطقة اخو صديقي الثاني اللي يصغرني بالعمر خمس سنوات تقريبا سرنا عنده واخو صديقي مواليد الامارات كبر معانا وفي هالفترة تقريبا كان مكمل سنتين
وهو يالس هناك بيت نسيبه بيت اخته من ام ثانية جلسنا عند المطعم نسولف ونضحك ولا وصل نسيبه مع اخوه شاربين خمر سكارى مشغلين اغنية بوب مارلي ونحن بدينا نضحك ونطنز عليهم اخوه اللي مع نسيبه اعرفه كان يجي الامارات بين فترة وفترة من هناك عرفته بس مب معرفة عميقة يعني معرفة سطحية
نزل نسيبهم من السيارة واخوهم خذ السيارة راح بيتهم هو ساكن بيت ابوه عكس اخوه اللي كبر معانا وحاليا يشتغل في بلاده وصل نسيبه ومعاه مشاوي سألني منو المريض صديقي اللي ساكن عنده في البيت قاله هذا سألني انت تحب من هنا تغير كل شي قمت اقول كلام انا بروحي ماعرف معناه قلت له ليش تسوي جي
رد علي قالي محبور عشان عيالي وانا في بالي انا اتكلم عن الخمر لا يشرب خمر بس مخي مب مستوعب اللي في داخلي هو يتكلم معاه قالي باجر تيي عندي البيت تتغدى قلت له ما بيي قالي بتيي قلت له مابيي قالي ما بتي عيل اشوف كيف تروح من هني اقسم بالله وانا جالس فوق الكرسي البلاستيك مال الكافتيريات
وما اقدر اتحرك بس راسي يتحرك والأعضاء اللي في راسي عيوني وحلجي يتحركون وانا اصارخ اتوسله قالي تيي ولا لا قلت له لا قالي قوم عيل قلت له بيي بيي اخوي وربعي كلهم شردوا راحوا بعيد يطالعوني شو الموضوع اخوي يا قالي قوم بنسير صرخت عليه سير بعيد تغير شكله وهو خايف علي ما يعرف شو الموضوع
كلهم اللي كانوا معاي تغيرت اشكالهم واناراطالعهم واللي في داخلي يتكلم قلت له بيي باجر بيي راح المطعم مب مطعم هو كافتيريا اخذ دبة ماي مال درهم فتحه قالي ارفع ايدك واشرب الماي سبحان الله وفعت ايدي وشربت الماي رديت مثل ما كنت طبيعي سلمت على الريال انا واخوي و واحد من ربعي سرنا الفندق
وصديقي اللي اصغر مني راح يرقد بيت نسيبه انا دهنوا جسمي بالزيت الزيتون وبعض الاعشاب حطيت راسي رقدت واللي كانوا معاي عند الكافتيريا محد فيهم رقد طول الليل من المنظر والخوف سرد القصة شي ثاني يمكن ما يخوف بس المنظر صدق كان يخوف انا كنت اشوف كل شي بس ما كنت اتحكم في جسمي ولا كلامي
الصبح قمت من الرقاد ربيعي قالي والله ما رقدت عدل وربعي الاثنين الاخوان بعد ما رقدوا عدل من الخوف سألت واحد فيهم قال والله العظيم اول مره اشوف هالمنظر جدامي ع الواقع كان المنظر يخوف خاصتا صراخك نسيبهم طلع ساحر عنده خدام قالي مجبور عشان احمي عائلتي يوم الثاني قمت من الرقاد اتصلت
حق واحد من الربع هذا اعزه وايد كان مريض وانا ما كلمته يوم كنت عندهم اتصلت فيه قلت له تعال المنطقة الفلانية ابا اشوفك واحمد لك بالسلامه لان انا ما كنت اقدر اطلع من المنطقة كإني في دائرة ما اقدر اطلع وصل ربيعي حمدة له بالسلامه قالي متى يايين قلت له امس قالي وين ترقدون قلت له في
الفندق قال عيب وبيتنا فاضي هو ما عنده خبر ان فيني مس قلت له نحن معزومين بعد الغدى بنييك ان شاءالله قال الا تيون الحين صارخت عليه وسكرت باب سيارته بالقوة قلت له روح عباله انا امزح معاه ضحك وقالي ضروري بعد العزيمه تييون عندي رحنا بيت نسيب ربيعي دخلنا بيتهم تغدينا والغدى كان سمج
بعد الغدى غسلنا ايدينا ويلسنا ودخل علينا نسيبهم و يلس كإنه يطالع تلفزيون وهو ما يطالع صوبي وفجأة حسيت راسي ثجيل وعيوني تتغمض غصب ونزل راسي وحسيت بطني منتفخ ونفسي ثجيل والسواد اللي بعيوني خلاني احس اني بروحي في هالعالم سواد الله لا يراويكم في البداية كنت خايف من هالظلام لان اي
مطوع كان يقرا علي كان يجيني هالسواد في عيوني وانفاسي اصير ثجيله مع الايام تعودت نرجع عند بيت نسيب ربيعي حسيت بطني منتفخ تقريبا نص ساعه بعدين قام قال بسير برقد البيت بيتكم وربعي الإثنين يالسين معانا واحد عايش عنده و واحد في الامارات عند امه وابوه بعد عايش في الامارات بعد الغدى
يوم هو روح يلسنا مال ربع ساعه وطلعنا سرنا عند ربيعي اللي انا اتصلت في وسكرت باب سيارته بالقو يلسنا عندهم في الميلس وبعد ساعه اخوي قال بنسير السوق الفلاني قلنا يلا فوقه كان الوقت عصر رحنا السوق اخوي كان يبا يشتري اكسسوارات نسائية وحلوى تمشينا فس السوق لين اذن المغرب المؤذن يأذن
ربيعي اللي ودانانا الميلس قال يلا نروح نصلي وانا فجأة مادري شو صار فيني صرت اسب المطوع ربيعي استغرب هذا شو بلاه ربيعي الثاني قاله هذا فيه مس من الجن قال زين انتوا تموا معاه انا بروح اصلي وارجع وانا هالفترة كنت ما اصلي واتبلى على المطاوعة َالعياذ بالله رجع ربيعي رحنا بيتهم يلسنا
ويا ابوه ياب عشا دياي مكينه تعشينا و رحنا عندن الشيخ الشايب يوم الثاني بيقرى علي لا يوم الثالث انا مب كنت مستوعب بحكم ان كان فيني مس وكنت احس اني عايش في خيال رحنا عند الشيخ دخل ربيعي صاحب البيت معاي واخوي وصديقي الثاني اللي اصغر مني يلسوا في السيارة قام الشيخ يردد كلامته الغريبة
لين رجعت وخيست كندورتي صح اول مره ما رجعت اسف لاني ما اتذكر الأحداث عدل وطلع ربيعي وانا طلعت وراه قالي اوقف بروح اييب لك كندورة من السيارة راح ياب لي الكندوره واللي كنت لابسنه فسخته وعقيته في الزبالة وانتوا بكرامة ولبست الكندوره النظيفة وطلعنا وحسيت عمري خفيف يوم الرابع رجعنا
الامارات اسبوع حسيت ان جسمي خفيف واني طبيعي وقمت اصلي وبعد اسبوع رديت مثل قبل . هذا الشايب ساحر ومأجر بيت عند المسيد يقرأ على الناس ببلاش بس الماي والزيت والاعشاب بفلوس حسيت انها تجارة وزحمة عنده بعدين تيقنت ان هذا ساحر مب شيخ . نصيحة لكل شخصرعنده اعراض المس لا يروح عند السحار
الدجالين ياخذون فلوسك على الباطل وانت تصير تشرك معاهم رقي نفسك بنفسك او سير عند شيخ ما يسوي سوالف السحر والدجل علاج المس القرآن والاذكار صباحا ومساءا والمعوذات هاي القصة الكاملة اللي رحت عند واحد عبالي شيخ طلع ساحر . ومازلت اعاني ولكن الحمدلله اصلي احس اني احسن من قبل بوايد .
@rattibha رتبها
@rattibha رتبها
جاري تحميل الاقتراحات...