ايه الفرق بين التريننج و النون تريننج؟ عشان ناس كتير متخيلة ان النون تريننج هو العبد الحبشي الي بنعذبه 😂 و التريننج واحد قاعد متدلع كل حاجة بتتعمله 🙃شوية باكجراواند الاول؛ الحكومة هنا هى الي بتحدد عدد الدكاترة المطلوبين في كل تخصص (زي مصر).
طبعاً ده بيعتمد على ميزانية الحكومة بشكل كبير. و بما انهم مش بيشتغلوا في المستشفيات فهما مغيبين شوية و كمان عايزين يوفروا فلوس فبالتالي بيطلبوا عدد دكاترة اقل من الاحتياج الفعلي. دي خناقة كبيرة و قديمة الازل و ان شاء الله ربنا يفرجها يوماً ما 😂 الوظايف الي حكومة بتعرضها
هى دي التريننج و بالتالي مرتب دكتور التريننج معظمه بيبقى من الحكومة. المستشفيات طبعاً يهمها سلامة المريض و بالتالي بيطلبوا هما دكاترة من نفسهم و بيكونوا هما مسؤولين عن مرتبات الدكاترة دول، الي هما نون تريننج. ازاي التقديم على الوظايف دي؟
التريننج عن طريق موقع الحكومة الي هو oriel. الاعلان بينزل في اوقات معينة في السنة ( زي النيابات كدة في مصر) . النون تريننج عن طريق track jobs و ده موقع توظيف. مفيش وقت معين للاعلان لان الوظايف بتنزل حسب احتياج المستشفيات. مش هتكلم اكتر من كدة على التقديم عشان ده حوار كبير.
ايه الفرق في الشغل بقى بين الوظيفتين؟ التريننج بيكفلك ان يبقى ليه supervisor متابع شغلك و انك بتتقدم على المستوى المهني. في اخر كل سنة من التريننج بيتعملك تقييم اسمه ARCP بيقارنوا فيه بين الحاجات الي عملتها و الحاجات المطلوبة منك. المتطلبات تختلف من تخصص للتاني بس معظمها بيبقى
audits، case discussions ، تدريس و leadership. بيبقى ليك بورتفوليو الكتروني بتحط عليه الevidence بتاعك و الARCP panel بتبص عليه و في الاخر يدوك فيد باك هل انت ماشي صح او في حاجة ناقصاك.
النون تريننج مفيش ARCP لكن في حاجة اسمها appraisal و هى مشابهة بشكل كبير للARCP.
النون تريننج مفيش ARCP لكن في حاجة اسمها appraisal و هى مشابهة بشكل كبير للARCP.
ممكن يبقى ليك supervisor، الوضع مختلف بين مستشفى و التانية بس معظم المستشفيات فيها. لازم نعرف ان الGMC هنا مهتمة جداً ان كل الدكاترة يبقوا تحت الميكروسكوب و انهم دكاترة safe. طيب فين الفرق بقى؟ الفرق ان في التريننج لو في حاجة من المتطلبات مش عارف تعملها لاي سبب فالsupervisor
بتاعك محتاج يساعدك، ميقدرش يقولك لأ اتصرف انت. كنون التريننج فالsupervisor مش مجبر انه يساعدك و لكن على ارض الواقع هو فعلاً هيساعدك لان الموضوع مش هياخد منه لا وقت ولا جهد. بالنسبة للتعليم عشان دي اكتر حاجة الناس بتسأل عليها. من وجهة نظري الشخصية، فمفيش فرق بين الوظيفتين.
لان من مصلحة المستشفى ان كل الدكاترة يبقوا عارفين بيعملوا ايه و بيعرفوا يتصرفوا. محدش عايز العيانين يموتوا او الخدمة الصحية الي بيقدموها تبقى وحشة. اي مستشفى سمعتها وحشة في الخدمة الصحية، الفلوس الي بتجلها من الحكومة بتقل و في مستشفيات بتقفل. محدش هيسألك قبل ما يعلمك انت تريننج
و لا لأ. كلامي طبعاً عن الباطنة، في الجراحة الموضوع ممكن يبقى مختلف عشان طبعاً الtheatre time.
هل دكتور التريننج بيتم تفضيله عن النون تريننج في الaudits و التدريس و كدة؟ وجهة نظري الشخصية ان لأ. التفضيل بيكون على حسب مين المجتهد اكتر و هيعمل شغل كويس.
هل دكتور التريننج بيتم تفضيله عن النون تريننج في الaudits و التدريس و كدة؟ وجهة نظري الشخصية ان لأ. التفضيل بيكون على حسب مين المجتهد اكتر و هيعمل شغل كويس.
الفرق الكبير بين الوظيفتين، هو التقدم الوظيفي. في التريننج بيبقى معروف محتاج كام سنة بالظبط عشان نبقى ريجسترار و بعدين كام سنة عشان تبقى كونسالتانت. الpathway واضح المعالم. في النون تريننج مفيش الكلام ده. ممكن المستشفى بعد ما تشتغل فيها تقرر ترقيك كرجسترار بس ده يعتمد هل عندهم
وظايف اصلاً ريجسترار ولا مش محتاجين؟ تاني حاجة ان وظيفة النون تريننج تعتمد ان المستشفى يبقى فيها عجز، فبالتالي لو العجز اتحل بدكتور تريننج فهيقولوك خلاص مش عايزينك مع الف سلامة. فبالتالي مفيش امان و لازم تخلي في بالك ان ممكن عقدك ما يتجددش في اي لحظة.
هل كل الناس عيارة تدخل تريننج؟ لأ، في ناس من مختلف الجنسيات شغالين نون تريننج و مبسوطين كدة. شايفين الطب كوظيفة و مش مهتمين انهم يترقوا و دي تفضيلات شخصية. هل النون تريننج عمره ما هيبقى استشاري؟ لأ، ينفع يبقى استشاري عن طريق الCESR او الSAS و دول مش هتكلم فيهم لان معنديش معلومات
الهدف من ال🧵 ان الناس تعرف ان النون تريننج مش وظيفة وحشة او معناها انك مش تتعلم او مش هتوصل للي انت عايزة. في الاول و الاخر، المجتهد هيوصل. في ناس في التريننج مش مجتهدين و بالتالي للاسف بيترفدوا من البروجرام 🤷🏻♀️
جاري تحميل الاقتراحات...