صيانة عربيتي ال ٦٠٠٠٠ كانت قربت فكلمت التوكيل عشان استفسر عن الصيانة قالي هتتكلف حوالي ٤٦٠٠ جنيه وده كان رقم بالنسبالي عالي ..ومع الشكوى المستمرة من التوكيل وانه بيغلي في تمن الصيانة وقطع الغيار وعلى الجروب الخاص بمالكي نفس نوع عربيتي شوفت اكتر من اقتراح لناس مجربة..١
اني اطلع برة صيانة التوكيل واعمل عربيتي برة ارخص ..فطبعا لجأتل @SaryLasheen استشيره فقالي اسأل التوكيل هيعمل ايه في الصيانة فروحت سألت..وقولت ل ساري فقالي: حلو اسأل بقى على تمن الحاجة دي برة..سألت لقيت فرق مش كبير ف ساري قالي لو الفرق مش كبير يستحسن تعمل عربيتك في التوكيل ٢...
حجزت ميعاد فعلا وروحت قابلت المهندس قالي انت محتاج كذا وكذا وقعد يعدلي في شوية حاجات لفت انتباهي في حاجة كنت مغيرها الصيانة اللي قبلها فقالي : خلاص هنشيلها.. بعدين قالي رقم مش عاجبني برضه قولتله : بص انا لو معجبنيش السعر ونزل لرقم معين انا مش فارقة معايا اطلع من الضمان..٣
قالي طب بمناسبة صيانة ال ٦٠ وامك محافظ على صياناتك معانا انا ممكن اعملك خصم خاص وننزل لكذا برضه الرقم معجبنيش ..قولتله من الاخر انا سالت عالحاجات دي برة تعمل حوالي ٢٨٠٠ بالمصنعية انا عشان جوة توكيل هدفع ٣٥٠٠ يعني سايب ٧٠٠ جنيه زيادة..من هنا لهنا وافق وعملت صيانتي.. ٤
بالرقم اللي انا عاوزه واسمي مطلعش من الضمان وكمان كان قايلي الصيانة اللي فاتت ال ٥٠٠٠٠ ان التيل الأمامي مش هيكمل معاك لحد الصيانة الجاية في الصيانة دي قالي آخره ٣٠٠٠ كيلو ..خلاصة الكلام فهمهم انك فاهم وواعي ..واستفاد بضمان العربية لآخر لحظة..امسك العصاية من النص.٥
جاري تحميل الاقتراحات...