عزيزي الموظفـ/ـة :
لطفاً منك إذا ارسلت إيميل تبلغني بوجود مشكلة وتناقشني لحلها .. ما يحتاج تحط معنا بالـ cc كل الموظفين شوي وتضيف الرئيس التنفيذي عشان تعلمه أنك تشتغل وتفهم..!
ترا عادي ترفع السماعة تسمع صوتي وتسولف معي بطريقة لبقة وتنحل المشكلة في ١٠-٢٠ ثانية.!
ارحمونا الله يرحم والديكم ..

للتوضيح:
المقصد من التغريدة ليست توثيق عمل أو ما شابه ذلك ..
المقصد فيها من يدور الزلات والتصيد على الرغم كل يوم بينك وبينه اتصالات .. فيه طرق احترافية للتعامل بالايميلات وعدم ازعاج الكل والمناصب القيادية بموضوع ماله داعي اساساً يرسل بالايميل 💐
وهذا الموضوع نيابةً عن كل من تواصل معي بخصوص الايميلات وكيف الطريقة الاحترافية للتعامل معها ..
وجهة نظري :
ابلغتهم بعدم الرد ابداً وتطنيش مثل هالايميلات لأن بيصير مهاترات ممكن تسبب لك احراج وانت في غنى عن ذلك .. حتى لو الطرف الاخر غلطان وعندك حجه قوية عليه ..

من حقك ترسل ايميل توثق ذلك .. ولكن بعد ما تتصل وراح يكون وسيلة التواصل اسهل وتفهمون على بعض وبكل احترام ، الايميلات تحسك في حرب احياناً ..
وثق بالايميل بعد انتهاء المكالمة بينك وبينه فقط .. بكذا عمل احترافي 👌🏻
بالنسبة للموظفين الي يطلع عينك وتقولون لازم اضيف العالم كلها( ترا تقدر باسلوبك الطيب تخليه يتجاوب معك بدون الطرق المستفزه الي ممكن تسبب لك احراج وله كذلك ) ..

نصيحتي لك بالذات اذا مديرك جداً ضعيف ما يقدر يحامي عليك اذا صارت مهاترات بالايميلات واحياناً يوقف بصفهم ( لا ترد على اي ايميل وتجاهل الايميل عشان ما تصير مشكلة اكبر )
اذا فعلاً فيه مشكلة حلها وارسل ايميل جديد بينك وبينه هذا الموظف بأنه تم حل المشكلة ( هذا اذا كان فيه فعلاً مشكلة ) اذا مافي اي شيء ومجرد ( شو ) اسمع نصيحتي ولا ترد ابداً وطنش حتى لو ارسل مليون مره 👍🏻 خل الشو يقتله بتجاهلك ..
احياناً المدير الضعيف يسبب لك مشكلة أكبر لانه ما يقدر يدافع عنك ويخاف يتلطش من المدراء الاخرين 💔