انا الكلام دا ح اكتبو عسى ولعل زول يستفيد منو
انا اتغربت برا السودان وكان دا اكبر حلم ممكن يكون في حياتي اني اعيش مستقله اقرا المجال العايزاهو بطريقه كويسه اتعرف على شخصيتي ونفسي في مجتمع جديد كنت مفكره الموضوع زي في الافلام،عافرت شديد واقنعنا بابا اني اسافر بعد شهور وشهور ولما
انا اتغربت برا السودان وكان دا اكبر حلم ممكن يكون في حياتي اني اعيش مستقله اقرا المجال العايزاهو بطريقه كويسه اتعرف على شخصيتي ونفسي في مجتمع جديد كنت مفكره الموضوع زي في الافلام،عافرت شديد واقنعنا بابا اني اسافر بعد شهور وشهور ولما
بابا وافق كان يوم المنى والسعد جهزنا حاجاتنا سريع سريع وسافرتا شفت العجب شفت الجانب الكويسه عشت حياتي بالصوره العايزاها طلعت من السودان الما كان مستقر حالي حال اي زول اتغرب اخترت حاجاتي براي اكتشفت حاجات في نفسي كتيره بس الغربه ورتني وشها التاني الما اتوقعتو ولا 1%
شفت تربيه ناس غير عن تربيتي شفت ناس قلوبهم حجر شفت مجتمع مؤذي كنت مجبوره اني اعيش فيهو ودا الحزو الاسوء شفت ناس ماف فرق بينها وبين اليهود شفت تصرفات وشفت مواقف ورتني العجب بديت اخسر الناس البحبهم بحكم المسافه بس الكبيره في الموضوع كلو اني خسرت اعز صحباتي واقربهم في مواقف تافهه
علاقتي بالباقيات اتوترت شديد بالمختصر خسرتهم كلهم بس بطرق مختلفه واتاكدت تماما انو المسافه ليها اثرها قدر ما حاولت وضغطت لقيت اني بسبح في بحر غريق مصيري اغرق مهما كنت بعرف اعوم ماف زول ح ينقذني كل واحد داير يثبت انو نظرتو هي الصائبه
تعبت وبانت حاجات في شخصيتي ما اتوقعتها شخصيتي اتغيرت توتلي بسبب مواقف برضو بقى عندي ترست ايشوز من كل البشر ما قدرت اضمن زول تاني بعد موقف واحد بس هز نفسي كلها لقيت اني جد جد بعافر وبرضي لقيت اني ما زي في بيتنا وبين اخواني واني وابوي لقيت اني وسط ناس مربين تربيه تانيه عندهم فهم
مختلف عن فهمي لقيت انو ماف زول قادر يفهم اي صفه فيني لقيت اني كنت في نعمه وسط اهلي الكنت متذمره من قعادي معاهم لقيت مشاكل اخواني اهون لي لقيت نهرة بابا وماما ارحم لي لقيت اني كنت ملكه وانا هسا ما عايشه رغم كل الرفاهيات
مهما الزول كان معتمد على روحي هنا في الغربه ح يتعب ح يضطر يعمل كل شي لانو لا في اختي ولا في امي ولا اخواني مضطره اني اقرا واعمل واطلع وانزل واتعامل واقوى ودا كلو اثر علي برضو مواقف اتراكمت من ناس مختلفه دخلتني في نوبة اكتئاب حاد وصلتني مراحل متقدمه
ماف زول اقتنع بالحاجه دي الا زول واحد انا نفسي ما كنت مقتنعه الضغط والقلق والزعل وعدم قدرتي اني ابين حاجات كتيره واني اشرح وبحكم اني عصبيه جاني قولون عصبي برضو خسرت روحي ونفسي وما كسبت اي شي من الغربه الت القليل ولا يذكر
بتمنى ماف زول يعيش تجربتي بتمنى لاي زول اتغرب يعيش حياه هاديه وسالمه بتمنى لكل الناس ينعمو بسلام نفسي بس ما اكتر
جاري تحميل الاقتراحات...