زمان مكنتش فاهم كونسبت ال smart money وال dumb money. كنت بقول ما كلها دولارات بس مع الوقت اكتشفت إن دولار ساويرس معاه خبرة وإسم تخلي قيمته أعلي من دولار حد تاني ... ثريد
أكتر حاجة فهمتني الدرس دة الشغل مع top tier VCs. انت بالفعل بتحاول تعمل حاجة صعبة جدا محدش عملها قبل كدة ومحدش مؤمن بيها ، وجود الناس دي معاك بيسهلك كذا حاجة كانت هتبقي أصعب بكتير من غيرهم ...
وإنت لسة معندكش إسم ومحدش يعرفك الناس بتبقي عايزة تشتغل في الشركات اللي فيها top tier VCs خصوصا الشباب ال juniors اللي متخرجين من أحسن أماكن في العالم. حتي البوزيشنز العالية المهمة أغلب الsourcing بتاعها بيجي عن طريق ال investors لأن محدش جامد هيرد عليك وانت معندكش اسم
ال deal making: انك تحاول تبيع حاجة لحد أو تعمل شراكة بيبقي أسهل بكتير لو حد تاني إسمه كبير عمل لك introduction مع اللي عايز تشاركهم
الخبرات: هما بيشوفو شركات كتير في مراحل عمرية مختلفة وأغلبهم بيبقي عامل جروبس عشان تتواصل مع المؤسسين التانيين ، لو عندك مشكلة أو حتي عايز template عقد إيجار مكتب هتلاقي حد يساعدك ويقولك تعمل إيه
المصاريف: لو في حاجة محتاج تدفع فيها فلوس وصدرت الVC غالبا هتاخد ديسكاونت اكبر من لو لوحدك لأنه بيتفاوض لل١٠٠ شركة اللي استثمر فيها مش ليك لوحدك فبياخد ديل أحسن.
المعلومات: كل الناس بتحب تدلدق معلومات للناس دي عشان يستثمرو معاهم أو يكسبو ودهم ، لو المعلومة دي مهمة لشركتك هتوصل لك علي طول.
نفس الكلام ينطبق علي ساويرس والمدن الجديدة ، الراجل حقق نجاح في مصر وسويسرا ودخوله السعودية مكسب ليهم زي ما هو مكسب ليه لأن وجوده بيقلل مخاطر المشروع مقارنة بحد تاني معاه نفس الفلوس.
جاري تحميل الاقتراحات...