رتبها

موضوع اليوم :
قوة الاسواق الثانويه بالسعوديه
و تحليل سوق القصيم.
هل الاستثمار في الاسواق الرئيسيه صار شي من الماضي؟
اتمنى يعجبكم ثرد اليوم

اخر فتره اتكلم عن الاستثمار في الاسواق الثانويه واحاول اوصل فكر مختلف في الاستثمار في هذا القطاع
بوجهة نظري كل سوق له خصوصيه في الاستثمار.
القصد ان كل شخص عنده هدف واذا كان هذا الهدف مدعوم بارقام و دراسه فاختيارك لسوق ثانوي ممكن يكون الخيار الافضل
بديلا عن الاسواق الاساسيه

مفهوم التنقل من مدينه الى اخرى في الفتره الحاليه فيه مخاطر جدا كبيره و دايما اقول ان هويه من ١٠٠ تقدر ان فعلا تكون قابله للتوسع و تحتاج استراتيجيه و استثمار كبير جدا عشان يكون عندك هوية قابله للتوسع و الاستدامة ل ١٠ سنين و فوق

فهم الاسواق بشكل عام يحتاج الى سنين ومعرفة المجتمع وفكره وحياته وسلوكه!
اليوم ابي اتكلم عن سوق القصيم
٣ زيارات اكيد غير كافيه و لكن في تحليل شخصي.
بالنهايه في لغة المطاعم ماتحتاج الى فهم كل شي عشان تحلل السوق
الابداع و التنفيذ شي الكل يبيه و تفاصيل صغيره تتعدل بعد فهم السوق

زرت اغلب الاماكن الي الناس تتكلم عنها والي اساميها تتكرر كثير
السوق متقارب بالاسعار و التقديم و التنفيذ لكل المدن
كلمة لازم يكون سعره مو غالي؟ هذا شي ماشفته ابدا و ماعندهم اي مشكله في الدفع و انجح الاماكن الي موجوده مالها حساسيه بالسعر!
و اتكلم عن كل شي
مطاعم+مقاهي+مخابز

٣ اسواق اساسيه في القصيم
بريده
عنيزه
الرس
اسواق ثانويه ( مثال )
بكيريه
البدايع
رياض الخبراء
و لكن اشوف تكرار كبير فيهم من مستثمرين في مدن مختلفه، تشغيل من مدن مختلفه
شخص من الرس في بريده شخص من عنيزه في الرس
هوية من بريده في الرس و العكس.
اشوف السوق ينقسم الى قسمين

السوق الاول:
بريده + عنيزه + مدن ثانويه حولها
السوق الثاني:
الرس + البكيريه + رياض الخبرا+البدايع
هذا التقسيم من ناحية قوه شرائيه تعتمد على عمليات شراء يوميه + عمليات شراء موسميه

اكثر الاماكن تكررت في السوق القصيمي
البرقر
تشابه مخيف بين جميع مطاعم البرقر في القصيم كلها في المدن الاساسيه و الثانويه
اقواها الاغلى سعرا و متواجدة في المدن الثانويه
اكثر اسامي تكررت دايما و بعد تحليل:
- اوكنو ( بريده)
- wbj ( عنيزه)
- شنكي ( الرس)
- ترخيم ( البكيريه)

هذي اكثر ٤ تكررو و حللتهم تحليل كامل و لما اقول هذي الاسامي مو قاعد اقول الافضل بوجهة نظري
انا قاعد احلل تحليل شامل للهويه و الفكره و اشوف منو قابل للتوسع و منو لا منو عنده هويه مستدامه او لا.
في فرق بين الذوق الشخصي و قوة الهويه و الاستراتيجيه الصحيحه لهذي الفكره.

لو تلاحظون المعظم اتفق و الكل من مدن مختلفه! فعليا ان كل الناس قالو هذي الاسامي في اسامي اكثر طبعا تكررت و لكن هذي الي كان التركيز عليها!
احتا كنه ٦ اشخاص انقسمنا الى ٣ براندات
Wbj - okno - ترخيم

القهاوي
طبعا سوق القهوه في المملكه الاقوى عالميا بلا منازع خاصه في نوع المحاصيل و طريقة تحضيرها و تنفيذها و الذوق العام للقهوه جدا متميز
صعب ارضاء العميل السعودي في القهوه ولكن تطور المفهوم في القهوه اقوى من مفهوم بناء براند قوي في التطوير.

و اتوقع خلال ٣-٤ سنين الهويه التجاريه للقهوه بتطور الى شي متميز بشكل جدا كبير عشان تكون بعدها كنسبه و تناسب صعب اي احد يسوي قهوه غير متكامله " سعر + جوده + هويه + دزاين + استراتيجه "

القهاوي كثيره وتكررت اسامي كثيره ولكن بتكلم عن الاقوى والسبب
افضل محمصه ذقناها
6 ocklock (عنيزه)
كانت الافضل كمستوى قهوه
(انا شخصيا مافهم في القهوه) فهذا تحديد اصدقائي المتخصصين لكن بالنسبه لي افضل ايس تي كركديه
ولاحظت عنيزه و الرس مساحات اكبر و اهتمام اكبر في القهاوي.

افضل قهوه من حيث التفاصيل و الهويه و الفكر
GRAY (البكيريه)
انا شخصيا هذي افضل قهوه شفتها متكامله من حيث التفاصيل والاهتمام الهويه و بناء استراتيجه قابله للتوسع!
في قهاوي كثيرة متميزه في القصيم وخاصه في بريده و لكن كلهم متقاربين في المستوى بشكل جدا كبير
(صحب + قلو + بوق )

وجه التشابه دايما يكون موجود في كل انواع الاستثمار في هذا القطاع و نفس التقديم للذوق لان احنا كلنا في الخليج نخدم شريحه وحده فقط
غير اوروبا + امريكا
يخدمون اصول, ديانات، سلوك, سياحه
كل شي مختلف ف تلاقي عدم تكرار في كل شي.
احنا ٩٥٪ نخدم نفس الشريحه والاعمار و السلوك

HA coffe & Dessert
البكيريه
هذا المكان كان عنده افضل حلا ( بنانا بودنق )
بعيدا عن اي شي في هذا المكان و لكن فعلا كان افضل حلا بالرحله كلها!
ZOVA
بريده
براند شوكلت عنده تشكيله جميله و بوكسات اجمل هتمام بالتفاصيل بشكل جميل و الصراحه من البراندات المميزه الي شفتها في الشوكلت

المخابز
هي اكثر شي في اخر فتره يتم التركيز عليه
حاولت اني ازور عدد كبير منهم و لان انا كذلك مو من القصيم فماقدر اعرف الا عن طريق تكرر نفس الاسامي او معرفة الاماكن الزينه من الاشخاص المقربين لي في القصيم!

في اماكن كثيره ولكن ابرز بعضها كانت متفوقه بشكل او باخر من حيث التقديم التفكير و غيرها
افضلهم كحجم و تكنيك و تنفيذ كانت
VINI (عنيزه)
هناك تميز في طريقه التنفيذ لمخابزهم
مساحه كبيره واهتمام كبير جدا في التفاصيل

المذاق الخامس UMAMI (بريده)
التميز والتركيز عل المنتج فقط و ليس الهويه او المكان ف هذا مثلا تميز بالصعب و السهل ماركزو فيه و لكن هذا البيكري يقدر يكون له قيمه مضافه في السوق بشكل عام

LOIRE BAKERY الرس
هذا يعتبر الافضل كمنتج من بين كل شي ذقناه! فعلا كان لذيذ الصراحه و طريقة تنفيذهم ممتازه و تفاصيل المنتجات و كذلك العيب كان في بناء الهويه و المكان. و لكن كمنتجات الصراحه لذيذه جدا.

و افضل منتج بشكل عام في اخر رحلاتي بالقصيم كان في الرس
و كانت بروستد زاد
هذا الشي كان فعلا مميز واكثر شي راح اتذكره من ناحية الاكل!
و هذا لو يتوسع فعلا ولكن باسامي مختلفه في كل مدينه اتوقع يكون الافضل في المملكه!

و اخيرا في تحليل عام بالفروقات بين القصيم و الرياض او اي مدينه ثانيه!
مثال الرياض السعر + الحجم:
يفضل الاحجام الصغيره بالاسعار الرخيصه و يقدر ياخذ منها كميات مثال TIKKA WAY
مثال في القصيم :
مايهمه السعر كثر مايهمه الحجم
ماعنده مشكله في الدفع ولكن الحجم لازم يكون = سعره

و هذا المثال الي ذكرته ينعكس خاصه على البرقرز جميع الاحجام او معظمها اكبر من المتوسط من الرياض و اغلى من اسعار الرياض ك حجم!
متوسط سعر البرقر في القصيم من ٢٥-٣٠ و هذا يثبتلك مافي تنوع في السوق من ناحية التطوير و كلهم متجهين الى نوع واحد! و يعطيك قوة تفكير ان السوق مازال يتطور.

نصيحتي الاخيره لاهل القصيم في الاستثمار
لاتركز ان دام الشي مو موجود في القصيم ف هذي نقطة قوه!
بمعنى لازم الاستثمار يقتصر على القصيم نعم و لكن ك تطوير لازم تفكر في كل المملكه! السبب معظم الهويات اذا مو اغلبها مقتبسه بكل شي من اسواق اخرى والسبب ان " مو موجود نفسه في المدينه "

كرم اهل القصيم و حفاوتهم و تعاملهم معاي شي ماراح انساه ابدا! اعتذر اذا كان في تقصير مني او عدم ذكري لبراندات معينه و لكن التطوير الي صاير شي الواحد يفتخر فيه
"و تراه مابوه فرق بين اهل القصيم بالطيب وغدينا نروح للجميع في المرات الجايه"
الله يوفق الجميع يارب ❤️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد