فيلم ابن حميدو "ألشه" كبيره فيها شوية قلشات صغيره وبتتفرج عليه لحد دلوقتى، الألشات اللي راح زمانها و بالتالى انت مش فاهم معناها. من أول إسم الفيلم . ابن حميدو . لان فريد شوقى كان عمل فيلم حميدو قبلها بكام سنه و كان فيه فيلم اجنبى اتصور فى مصر اسمه ابن كليوباترا
هكمل تحت👇
هكمل تحت👇
راحوا عاملين ابن حميدو وافيش الفيلم الرئيسي نسخه من افيش فيلم حميدو بس بدل فريد حطوا اسماعيل يس بنفس لبس وبصه و وقفه فريد، كمان الافيه بتاع نورماندي وده اسم سفينه فرنسيه غرقت فى الحرب العالمية الثانية علشان كده بيقولوا دُكهه نورماندي1 لكن دى نورماندى تو
هكمل👇
هكمل👇
واول مشهد ليها جابوا الكاميرا على سفينه كبيره وضخمه الاول قبل ما يروحوا على نورماندى، تالت قلشه برضه لما اتقبض عليهم ودخلوا للشاويش عطيه قعد يقوله واحشنى موت موت ويحط ايده على بوء اسماعيل ده كان رد الشاويش عطيه على اسماعيل يس لانه كان عملها فيه فى فيلم اسماعيل يس فى البوليس
👇
👇
وكان عطيه عامل مسجون وهو فى الحقيقه مباحث و اسماعيل دخل الزنزانه لقاه عمل معاه كده وفضل يلعبله فى وشه لما عطيه بيقول للعسكرى على سمعه انه يتوصي بيه علشان معرفه قديمه فاسماعيل رد قاله ايوه من ايام الجيش لان اول فيلم عملوه مع بعض سمعه و الشاويش كان اسماعيل يس فى الجيش
👇
👇
نيجى بقى للمشهد لما خرجوا من السجن و زينات صدقي بتستقبل اسماعيل فبتقوله حبيب العمر .. قصه حبى .. انت حبيبي .. ارحم دموعى .. و دى كلها اسامى افلام اتعرضت فى الوقت ده .. فا هو رد عليها برضه و قالها يا وليه ده انا لسه خارج من كاس العذاب و ده برضه اسم فيلم بتاع فاتن حمامه
👇
👇
ومشهد لما بيحاول يتأكد انهم تجار مخدرات وبيعرفوا فى الاصناف فبيقوله اسماعيل فيه صنف اسمه موعد مع السعاده لكن حاجه عاليه اوى (يقصد فيلم موعد مع السعاده) كان فيلم ناجح وقتها، وكمل وفيه صنف تانى ما مشيش عندنا اسمه جمعيه المنتفعين .. وده فيلم اجنبي اتعرض فى الفتره دى و مانجحش
👇
👇
طبعا كل اللى فات ده بعيدا عن الالشه الكبيره الخالده لما سأل رمزى هى عزيزه فين فقالوله زعلت لما رحت ورا لاتانيا قالهم و هى فين ؟ فرد سمعه و قال ورا لاتالته 😁
👇
👇
وبالمناسبة إفيه عبد الفتاح القصري بتاع وماله الباز أفندي ده راجل أنا ذات نفسي استمناه
لو راجعت المشهد هتلاقي مفيش كلمه استمناه، وان القصري قال اتمناه عادي، ودي من ضمن الامثله المشهوره لتاثير مانديلا، ان في حاجات كتير هتلاقي ناس كتير جدا مقتنعين انها حصلت، لكن في الحقيقه محصلتش
لو راجعت المشهد هتلاقي مفيش كلمه استمناه، وان القصري قال اتمناه عادي، ودي من ضمن الامثله المشهوره لتاثير مانديلا، ان في حاجات كتير هتلاقي ناس كتير جدا مقتنعين انها حصلت، لكن في الحقيقه محصلتش
الموضوع الاصلي احمد عبد المنعم
جاري تحميل الاقتراحات...