كتبت سيدة دمشقية..
أبي بيحكي فرنساوي واخواتي بيحكوا فرنساوي درسوا بالعازرية
College francaise des lazaristes
أخي درس باللاييك وأنا وأختي بالفرانسيسكان وبعدين بالمعونة الخاصة..
لما كنت يادوب ست سنين كانوا أخواتي الكبار ياخدوني لعند ديليس بنص الصالحية بالشام لناكل شوكولا مو

وبعمرنا ماكان عنا عقدة فرنساوي واللغة كلنا رجعنا تعلمنا انكليزي، وأهلي عايشين بأميركا وأنا بلندن ولسا ماعنا عقدة لا بالحكي الفرنسي ولا الإنكليزي
بنتي بتحكي انكليزي وإسباني وبتلطش يوناني وفرنسي وصار عمرها 30 سنة وبعدي بقلها احكي عربي.

نحنا ولاد أصول وثقتنا بنفسنا عالية وتعلمنا من أهالينا نحب كل الناس ومانتعالى على حدا رغم إنو لو بدنا نتعالى.. مامنعود منشوف حدا حرفيا..
الدور والباقي عاللي ماعندو شي ومن كتر الهبوط بيشوف الكعب العالي مستوى.
وماراح امنحك شرف اذكر إسمك يا شرشوحة.
#سوريا #سوريون #اللاجئين_السوريين